Jump to content

மரண அச்சுறுத்தல்களை எதிர்கொண்டுள்ளேன்- சந்தியா


Recommended Posts

மரண அச்சுறுத்தல்களை எதிர்கொண்டுள்ளேன்- சந்தியா

 

ஊடகவியலாளர் பிரகீத்எக்னலிகொடவின் மனைவி சந்தியா எக்னலிகொட  தான்  புதிதாக அச்சுறுத்தல்களையும் மிரட்டல்களையும் எதிர்கொள்வதாக தெரிவித்துள்ளார்

ஞானசார தேரர் விவகாரம் தொடர்பிலேயே தனக்கு மிரட்டல்கள் விடுக்கப்படுவதாக தெரிவித்துள்ள அவர் சமூக ஊடகங்கள் ஊடாகவே அதிக அச்சறுத்தல்கள் விடுக்கப்படுவதாக தெரிவித்துள்ளார்.

பேஸ்புக் ஊடாக நாளாந்தம் அச்சுறுத்தல்களும் கொலைமிரட்டல்களும் விடுக்கப்படுவதாக அவர் குறிப்பிட்டுள்ளார்.

உண்மையை அறியாமல் விபரங்களை அறிந்துகொள்ளாமல் மக்கள் என்னையும் எனது பிள்ளைகளையும் உளவியல் ரீதியில் சித்திரவதை செய்கின்றனர் என சந்தியா தெரிவித்துள்ளார்.

santhiyaaaaaaaaaaaa.jpg

பொதுபலசேனாவின் ஞானசார தேரர் விவகாரத்திற்கு பின்னர் அடையாளம் தெரியாத முகப்புத்தக பயனாளர்கள் மரண அச்சுறுத்தலை விடுத்துகின்றனர் அவர்களில் பலர்  எனது கணவர் விடுதலைப்புலிகளின் உளவாளி என்ற குற்றச்சாட்டை முன்வைத்து மிரட்டல் விடுக்கின்றனர் எனவும் அவர் தெரிவித்தள்ளார்.

சில ஆண்கள் உண்மையை அறியாமல் ஆதரவற்ற பெண் மீது குற்றச்சாட்டுகளை சுமத்துகின்றனர் மகிந்த ராஜபக்சவும் கோத்தபாய ராஜபக்சவும் ஆட்சி புரிந்த வேளை இவற்றை மக்கள் மனதில் புகுத்தியுள்ளனர் அவை இன்றும் நீடிக்கின்றன.

http://www.virakesari.lk/article/35483

Link to comment
Share on other sites

ஞானசார தேரர் -எதிர் -சந்தியா எக்னலிகொட!!

 

1527161210-gnanasara-thero-found-guilty-

 
 
 

கடந்த வார­ம­ள­வில் கைதா­கி­யி­ருந்­தார் ஞான­சா­ரர். பின்னர் பிணை யில் விடுதலையாகினர். நீதி­மன்றத்தை அவ­ம­தித்­தமை, சாட்­சியை அச்­சு­றுத்­தி­யமை ஆகிய குற்­றங்­க­ளுக்­காக அவ­ருக்­குத் தண்­டனை அளிக்­கப்­பட்­டி­ருக்­கி­றது.

அவ­ருக்­க­ளிக்­கப்­பட்ட தீர்ப்­பின் பின்­பான புறச்­சூ­ழல் இயல்­பாக இல்லை. அத்­தோடு இந்­தத் தீர்ப்­பின் பின்னே பல அர­சி­யல் சுழல்­கள் உரு­வா­கத் தொடங்­கி­யி­ருக்­கின்­றன.

அர­சுக்கு ஏகப்­பட்ட நெருக்­க­டி­கள்

 

இந்த நிகழ்வு நீதிக் கட்­ட­மைப்­பை­யும், அர­சை­யும், பெரும்­பான்­மைப் பலத்­தை­யும் ஒரே தளத்­தில் நிறுத்­திப் பலப்­ப­ரீட்சை நடத்­திப் பார்க்­கி­றது என்­றும் சொல்­ல­லாம். எது எப்­படி இருப்­பி­னும், ஆசார–அனுட்­டா­னங்­க­ளைக் கடைப்­பி­டிக்­க ­வேண்­டிய நிலை­யி­லுள்ள ஒரு­வர், அதற்கு முர­ணா­கச் செயற்­பாட்டு அதற்­கான தண்­ட­னையை அனு­ப­விக்க நேர்ந்­தமை கவ­லைக்­கு­ரி­யதே.

பல வரு­டங்­க­ளுக்கு முன்பு கம்­யூ­னி­சக் கட்­சி­யி­ன­ரால் ‘கம்­கரு மாவத்த’ என்று ஒரு பத்­தி­ரிகை வெளி­யி­டப்­பட்­டது. ‘கம்­கரு’ என்­பது சிங்­க­ளத்­தில் ‘தொழி­லா­ளர்’. ‘மாவத்த’ என்­பது ‘பாதை’ என்று அர்த்­தம். இந்­தப் பத்­தி­ரிகை தமி­ழி­லும் ‘தொழி­லா­ளர் பாதை’ என்ற பெய­ரில் வெளி­யி­டப்­பட்­டது.

இதை மக்­கள் மத்­தி­யில் விற்­கும்­ போது தமிழ், சிங்­கள இளை­ஞர்­க­ளும் இணைந்தே விற்­பது வழக்­கம். மலை­ய­கப் பகுதி ஒன்­றில் இதை விற்­ற­போது, இரண்டு சிங்­க­ள­வர்­க­ளும் ஒரு தமி­ழ­ரும் பொலி­சா­ரால் கைது செய்­யப்­பட்­ட­னர். சிங்­க­ளப் பத்­தி­ரி­கை­யில் உள்ள விட­யத்­தைத்­தான் தமி­ழில் எழு­தி­யுள்­ளார்­கள் என்­ப­தால் தமிழ் இளை­ஞ­ருக்­குப் பிரச்­சினை இருக்­க­வில்லை.

ஆனால், இரண்டு சிங்­கள இளை­ஞர்­க­ளை­யும் பொலி­சார் கடு­மை­யா­கத் தாக்­கி­னார்­கள். ‘அவன் தமி­ழன். அவ­னுக்கு இந்த நாட்­டில் பிரச்­சினை உண்டு. உங்­க­ளுக்கு என்­னடா பிரச்­சினை இருக்கு?’ என்று கேட்டே தாக்­கி­னார்­க­ளாம். இந்த விட­யம்­தான் புலி­க­ளின் உத்­தி­யோ­க­பூர்வ சிங்­க­ளப் பத்­தி­ரி­கை­யான ‘தேதுன்ன’ (வான­வில்) பத்­தி­ரி­கை­யின் தலைமை ஆசி­ரிய­ராக இருந்த பிர­கீத் எக்­ன­லி­கொ­ட­வுக்­கும் நிகழ்ந்­தது.

அப்­போ­தைய கடத்­த­லும், தற்­போ­தைய கைதும்

2010ஆம் ஆண்டு ஜன­வரி 24ஆம் திக­தி­யன்று (அரச தலை­வர் தேர்­த­லுக்கு இரண்டு நாள்­க­ளுக்கு முன்­னர்) கடத்­தப்­பட்­டுக் காணா­ம­லாக்­கப்­பட்­டார் பத்­தி­ரி­கை­யா­ளர் எக்­ன­லி­கொட.

எக்­ன­லி­கொ­ட­வின் மனைவி சந்­தியா தனது இரண்டு பிள்­ளை­க­ளு­டன் மிக­வும் வறு­மைப்­பட்ட சூழ­லில் காணா­ம­லாக்­கப்­பட்ட தனது கண­வ­னைத் தேடிப் போராடி வரு­கி­றார்.

அவரை 25.1.2016அன்று கொழும்பு – கோமா­கம நீதி­மன்­றத்­தில் வைத்து ஞான­சா­ர­தே­ரர் ‘உனது கண­வர் புலி’ என்று அச்­சு­றுத்­திப் பேசிய குற்­றத்­துக்­கா­க­வும், நீதி­மன்றை அவ­ம­தித்த குற்­றத்­துக்­கா­க­வுமே தற்­போது சிறைத்­தண்­ட­னையை அனு­ப­வித்­து­ வ­ரு­கி­றார். அவரை விடு­விக்­கு­மாறு பௌத்த அமைப்­புக்­க­ளும், அர­சி­யல்­வா­தி­க­ளும் அழுத்­தம் கொடுத்­து ­வ­ரு­கின்­ற­னர்.

பௌத்த அமைப்­புக்­க­ளின் வேரூன்­றல்
இலங்­கை­யில் காணப்­ப­டு­கின்ற பௌத்­தம் தேரா­வா­தம், மகா­யா­னம் என்ற இரண்டு பிரி­வு­களை உடை­யது. மகா­யான பௌத்­தம் தமிழ்­நாட்­டில் செல்­வாக்­குப் பெற்­றி­ருந்­த­தால் இலங்­கை­யில் தேரா­வாத பௌத்­தத்­துக்கே அதிக முக்­கி­யத்­து­வம் இருந்து வரு­கி­றது.

பல்­ல­வர் காலத்­தில் இந்­தி­யா­வி­லி­ருந்து இந்­துக்­க­ளால் துரத்­தப்­பட்ட மகா­யான தமிழ்ப்­பௌத்த பிக்­கு­கள் கடல் மார்க்­க­மா­கக் கந்­த­ரோ­டைப் பகு­திக்கு வந்து குடி­யே­றி­னர். இந்­தப் பிக்­கு­கள் தமி­ழர் மீது கோபம் கொண்­ட­வர்­க­ளாக இருந்­த­மை­யால் தமி­ழ­ரைப் பௌத்த மதத்­துக்கு இணைப்­ப­தில் ஆர்­வம் காட்­ட­வில்லை.

இந்­தத் தமிழ்ப் பிக்­கு­க­ளின் செயற்­பா­டு­கள் பின்­னர் ஜேத­வ­ன­ரா­மய (அநு­ரா­த­பு­ரம்) விகா­ரை­யு­டன் தொடர்பு பட்­ட­தாக இருந்­தது. மகா­வி­கா­ரை­யின் எழுச்­சி­யின் ­பின்­னர் தேரா­வாத பௌத்­தமே இலங்­கை­யில் அதி­கம் செல்­வாக்­குப்­பெற்ற மத­மாக மாறி­யது. தேரா­வாத பௌத்த பிரி­வே­னாக்­கள் (பௌத்த மதக் கல்­வி­யைப் போதிக்­கும் இடம்) பல எழுச்­சி­ய­டைந்­தன.

பௌத்த மதம் ஒரு­பு­ற­மி­ருக்க சிங்­கள பௌத்த தேசிய வாதி­க­ளின் எழுச்சி இன்­னொரு பக்­கத்­தில் சிங்­கள மக்­களை விழிப்­ப­டைய வைத்­தது. இதில் முதன்மை நப­ரா­க­வும் பிரித்­தா­னிய காலத்­தில் மிக முக்­கிய சமூக மாற்­றத்தை ஏற்­ப­டுத்­தி­ய­வ­ரா­க­வும் அநா­கா­ரிக தர்­ம­பால காணப்­ப­டு­கி­றார். பௌத்த மதத்­துக்கு உறு­து­ணை­யா­கச் செயற்­ப­டு­கின்ற பௌத்த தீவி­ர­வாத அமைப்­புக்­கள் பிக்­கு­க­ளின் தலை­மை­யி­லும், தேசி­ய­வா­தி­க­ளான சிங்­க­ள­வ­ரின் தலை­மை­யி­லும் எழுந்­தன.

இந்த எழுச்­சிக் குழுக்­க­ளுக்கு சிங்­கள இனத்­தி­ன­தும், பௌத்த மதத்­தி­ன­தும் பூர்­வீ­கப் பின்­ன­ணி­யி­லேயே உள்­ள­னர்.

பௌத்த துற­வி­களை அதி­கம் உரு­வாக்­கு­வ­தில் பிரி­வே­னாக்­கள் முக்­கிய பங்கு வகிக்­கின்­றன. தேரா­வாத மதப்­பி­ரிவை வளர்த்­தெ­டுப்­ப­தற்­கா­கச் சிங்­கள மக்­கள் தங்­கள் பிள்­ளை­க­ளில் ஒரு­வ­ரைத் துற­வி­யாக்­கத் தயா­ராக இருப்­ப­தும் அவர்­க­ளுக்­கான கல்­வியை வழங்­கப் பல பிரி­வே­னாக்­கள் தயா­ராக இருப்­ப­தும் இங்கு தெளி­வா­கக் காணக்­கூ­டிய ஒன்று.

தற்­போது இலங்கை முழு­வ­தி­லும் 794பிரி­வே­னாக்­கள் இயங்கி வரு­கின்­றன. இவற்­றில் ஒவ்­வொரு தடை­வை­யும் 62ஆயி­ரம் இளம் பிக்­கு­கள் கல்வி கற்­கும் வச­தி­கள் உள்­ளன. இவற்­றில் மூன்று படி­மு­றை­க­ளா­கப் பௌத்த மதக் கல்வி கற்­பிக்­கப்­ப­டு­கி­றது.

‘மூலிக்க’ (ஆரம்­பக் கல்வி)
இது ஐந்­து­வ­ருட காலப்­ப­கு­தி­யைக் கொண்­டது. பாளி, சமஸ்­கி­ரு­தம் , சிங்­க­ளம், ஆங்­கி­லம் என்­பன கற்­பிக்­கப்படு­கி­றது.

திரி­பீ­ட­கக் கல்வி
பௌத்த மதத்­தின் மூல நூல், மற்­றும் கணி­தம் என்­பன கற்­பிக்­கப்­ப­டு­கின்­றன. மேற்­ப­டிக் கல்­வி­யில் உயர்­வான கல்­வி­யைப் பெறு­வது ‘மகா’ என அழைக்­கப்­ப­டும் இந்­தக் கல்­வி­யில் ஏற்­க­னவே கற்­றுத் தேர்ந்த பாடங்­களை மேலும் விரி­வா­கக் கற்­ப­து­டன் மேல­தி­க­மாக மெய்­யி­யல், மத வர­லாறு, மொழி­யி­யல், ஆயுர்­வே­தம், வான சாஸ்­தி­ரம் ஆகி­ய­ன­வும் கற்­பிக்­கப்­ப­டு­கின்­றன.

மூன்­றா­வது நிலை­யில் மேலே குறிப்­பி­டப்­பட்ட பாட­வி­தா­னத்­தில் சித்­தி­யெய்­தி­ய­தும் உயர்­கல்­வி­யான பல்­க­லைக்­க­ழ­கக் கல்­வி­யைத் தொடர முடி­யும்.

சிறு­பான்­மை­யி­னர் ஒடுக்­கப்­ப­டு­தல்;  கத்­தோ­லிக்­கர் விதி­வி­லக்கு

மதப்­பி­ரி­வு­க­ளூ­டா­கக் கற்­றுத் தேறி­னும்  இந்த அமைப்­புக்­க­ளின் முதன்­மைச் செயற்­பாடு இலங்­கை­யின் தாம் தவிர்ந்த இனங்­களை ஒடுக்­கு­வ­தா­கவே உள்­ளது. இதில் முப்­பது ஆண்­டு­கால ஆயு­தப்­போ­ராட்­டத்­தில், வடக்­குக் கிழக்­குத் தமி­ழர் ஈடு­பட்­டி­ருந்­த­தால், தமி­ழர் மீது ‘புலி­களை அழித்­தல்’ என்­ப­தாக ஒடுக்­கு­மு­றை­கள் இருந்­தன. முஸ்­லிம்­கள் மீது பொரு­ளா­ரா­தா­ரச் சுரண்­டல் மற்­றும் பசு­வ­தை­போன்ற வழி­க­ளில் ஒடுக்­கு­மு­றை­கள் இருந்­தன.

சிங்­க­ள­வர்­க­ளில் கணி­ச­மான அளவு மக்­கள் கிறிஸ்­த­வர்­க ­ளா­க­வும், பசு, பன்றி இறைச்­சி­களை உண்­ப­வர்­க­ளாக நீண்ட கால­மாக இருந்து வரு­கின்­ற­போ­தி­லும் அவர்­க­ளுக்கு எதி­ராக இந்­தப் பௌத்த அமைப்­புக்­கள் கிளர்ந்து எழு­வ­தில்லை.

அதே­வேளை கத்­தோ­லிக்க மதத்­தின் அதி மேற்று ராணி­யா­ரான மல்­கம் ரஞ்­சித் ஆண்­டகை ‘இலங்­கை­யில் பௌத்த மதத்­துக்கே முத­லி­டம்’ என்­பதை தான் ஏற்­றுக்­கொள்­வ­தா­கக் குறிப்­பிட்­டி­ருந்­தார். அதை நோக்­கிய சார்பு அணு­கு­முறை ஒன்­றை­யும் அவர் கையாண்டு வரு­கி­றார்.

வத்­திக்­கானை மைய­மா­கக் கொண்­டுள்ள கத்­தோ­லிக்­கத்தை வீழ்த்­து­வ­தற்­காக, உல­கம் முழு­வ­தும் கத்­தோ­லிக்­கத்­துக்கு எதி­ரான ‘இவான் சலிக்­கல்’ என்ற கிறிஸ்­தவ மதச் செயற்­பாட்டை அமெ­ரிக்கா தூண்டி வரு­கி­றது. ஐரோப்­பா­வின் கத்­தோ­லிக்­கத்தை முறி­ய­டித்­துக் கிறிஸ்­த­வத்­துக்கு அமெ­ரிக்கா தலைமை தாங்­க­வேண்­டும் என்­பதே இதன் எதிர்­பார்ப்பு அந்த வகை­யில் கத்­தோ­லிக்­கத்­தைப் பாது­காப்­ப­தற்­காக இலங்­கை­யில் பௌத்­தத்­து­டன் ஒத்­துப்­போ­க­வேண்­டிய கட்­டா­ய­தேவை கத்­தோ­லிக்­கர்­க­ளுக்கு இருக்­க­லாம்.

இளம் பிக்­கு­க­ளின் பெருக்­கம் பெரும் ஆபத்து!
கொழும்­புப் பல்­க­லைக்­க­ழக அர­சி­யல்­து­றைப் பேரா­சி­ரி­ய­ரான நிர்­மல் ரஞ்­சித் தேவ­சிறி சிங்­கள பௌத்த அதி­தீ­விர தேசிய வாதம்­பற்றி எழு­திய நூலொன்­றில் பொது­ப­ல­சேன, சிங்­கள ராவய, ராவண பலய, சிங்­கலே போன்ற தீவி­ர­வாத அமைப்­புக்­க­ளில் இளம் பிக்­கு­க­ளின் அங்­கத்­து­வம் மிக­வே­க­மாக அதி­க­ரித்து வரு­கி­றது என­வும், இந்­தப் போக்­கா­னது சிங்­கள பௌத்­தர்­கள் அல்­லாத ஏனைய சிறு­பான்மை இனங்­களை அதி­கம் பாதிக்­கும் என­வும் எச்­ச­ரிக்­கி­றார். இந்த அமைப்­புக்­க­ளின் கவ­னம் சிறு­பான்மை முஸ்­லிம்­க­ளின்­மீது அதி­க­மா­கக் காணப்­ப­டு­கின்­றது.

நிர்­மல் குறிப்­பி­டும் பௌத்த அமைப்­புக்­க­ளுக்கு மேல­தி­க­மாக அண்­மை­யில் கண்டி திகன முஸ்­லிம்­க­ளுக்கு எதி­ரான கல­வ­ரத்தை ‘மகா­சொன் வல­காய’ என்ற புதிய அமைப்­பொன்று தலைமை தாங்கி மிக நேர்த்­தி­யாக நடத்­தி­ய­தாக அறி­ய­மு­டி­கி­றது. இவ்­வ­கை­யில் தான்
ஞான­சா­ர­ரும் கவ­னம் பெறு­கி­றார். ஆனா­லும் அவ­ரு­டைய அதி­தீ­விர போக்­குச் சிங்­கள பௌத்­தர்­கள் பல­ருக்­குப் பிடிப்­ப­தில்லை.

ஒரு பௌத்த துறவி சண்­டித்­த­னத்­தில் ஈடு­ப­டக்­கூ­டாது என்­பது அவர்­க­ளின் கருத்­தாக இருந்­த­போ­தி­லும் தமி­ழரோ, முஸ்­லிம்­களோ சிங்­க­ள­வர்­க­ளுக்கு எதி­ராக அல்­லது பௌத்த மதத்­துக்கு எதி­ரா­கச் செயற்­பட முனை­கின்­ற­போது ‘இதுக்கு ஞான­சா­ரர்­தான் சரி’ என்று கூறு­கின்ற அல்­லது அவ­ரது போக்கை ஏற்­றுக்­கொள்­ளு­கின்ற நிலை­யும் இல்­லா­ம­லில்லை. அத்­தோடு தற்­போ­துள்ள சூழ­லில் ஞான­சா­ரரா? அல்­லது திரு­மதி சந்­தியா எக்­னெ­லி­கொ­டவா? என்று பார்த்­தால், ஞான­சா­ர­ரின் பக்­கமே பௌத்த சிங்­க­ள­வ­ரின் செல்­வாக்கு அதி­க­மா­க­வி­ருக்­கும்.

இதை­விட அம்­பாறை மாவட்­டத்­தில் தமி­ழ­ருக்கு எதி­ரான முஸ்­லிம்­க­ளின் நட­வ­டிக்­கை­க­ளுக்­குத் தமிழ் மக்­க­ளால் முகம்­கொ­டுக்க முடி­யாத நிலை­யில் பல தமி­ழர்­கள் ஞான­சா­ரரை நேரில் சந்­தித்து அவ­ரது உத­வி­க­ளை­யும் பெற்­றி­ருக்­கி­றார்­கள். கிழக்கு மாகா­ணத்­தில் தமி­ழர்­க­ளுக்கு எதி­ரான முஸ்­லிம்­க­ளின் அத்­து­மீ­றல்­க­ளுக்கு தமிழ் அர­சி­யல்­வா­தி­கள் கள­மி­றங்­கு­வ­தை­விட ஞான­சா­ர­ர­ரின் ஆத­ர­வா­ளர்­க­ளும் மட்­டக்­க­ளப்பு மங்­க­ள­ரா­மய விகா­ரா­தி­ப­தி­யும் பல விட­யங்­க­ளில் கள­மி­றங்­கி­யுள்­ள­னர். அத்­தோடு அத்தே ஞான­சா­ர­ரின் வில்­பத்­துக் காடு­களை அழிக்­கி­றார்­கள், பௌத்த மதத்தை அழிக்­கி­றார்­கள் என்ற குற்­றச்­சாட்­டுக்­குள் இந்­துக்­களோ, கிறிஸ்­த­வர்­களோ அகப்­பட்­டி­ருக்­க­வில்லை.

ஞான­சா­ரர் – கோத்­த­பாய ராஜ­பக்ச
2004ஆம் ஆண்­டில் ஓமல்கே சோபித தேர­ரால் உரு­வாக்­கப்­பட்­டதே ஜாதிக ஹெல உறு­மய என்ற அமைப்பு. இந்த அமைப்­பி­லேயே ஞான­சா­ர­ரும் இருந்­தார் பின்­னர் 2012ஆம் ஆண்­டில் ஞான­சா­ர­ரும் திலந்த விதா­னகே என்­ப­வ­ரும் இணைந்து பொது­ப­ல­சேன அமைப்பை உரு­வாக்­கி­னர். இந்த அமைப்­பின் அலு­வ­ல­கத்தை முன்­னை­நாள் பாது­காப்­புச் செய­லர் கோத்­த­பாய ராஜ­பக்­சவே திறந்து வைத்­தார்.

இத்­த­கைய அர­சி­யல் முக்­கி­யத்­து­வம் வாய்ந்த ஒரு பௌத்த அமைப்பு எப்­போ­தும் ஆட்­சி­யாளருக்­குத் தேவைப்­ப­டும் என்­றி­ருக்­கிற நிலை­யி­லேயே பத்­தி­ரி­கை­யா­ளர் பிர­கீத் எக்­ன­லி­கொ­ட­வின் மனைவி சந்­தி­யா­வைப் பேசி­ய­தற்­காக நீதி­மன்­றம் ஞான­சா­ர­ருக்­குத் தண்­டனை கொடுத்­துள்­ளது. தண்­டனை கொடுத்தே ஆக­வேண்­டும் எனும் நெருக்­க­டி­யால் ஓராண்டு கடூ­ழி­யச் சிறைத்­தண்­ட­ணையை ஆறு மாதங்­க­ளா­கச் சுருக்­க­வேண்­டிய நிலை­யும் ஏற்­பட்­டது.

தமக்­கா­கக் குரல் கொடுத்­த­வர்
தமி­ழர்­க­ளால் கைவி­டப்­பட்­டார்

சந்­தியா எக்­னெ­லி­கொட தன்னை ஞான­சா­ரர் பேசி­ய­தைப் பெண்­க­ளுக்கு எதி­ரான செயற்­பா­டா­கக் குறிப்­பிட்டு வழக்­குத் தொடர்ந்­தார். தனது கண­வ­ரைத்­தே­டும் வேலைத்­திட்­டத்­தில் அவர் திறம்­ப­டச் செயற்­பட்­டத்­காக 2017ஆம் ஆண்­டில் ‘பன்­னாட்டு ஓர்­மம் உள்ள பெண்’ என்ற விரு­தும் வழங்­கப்­பட்­டது.

பன்­னாட்டு மனித உரிமை அமைப்­புக்­கள் மற்­றும் பெண்­கள் அமைப்­புக்­கள் ஞான­சா­ரர் நீதி­மன்­றத்­தில் வைத்­துப் பேசி­யதை பெண்­க­ளுக்கு எதி­ரான பௌத்த துறவி ஒரு­வ­ரின் வன்­மு­றை­யாக வெளிக்­காட்­டி­னர். இது விட­யத்­தில் நல்ல தீர்ப்பு ஒன்றை வழங்­க­வேண்­டிய கட்­டா­யம் நீதித்­து­றைக்­கும் அர­சுக்­கும் ஏற்­பட்­டது. அத­னால் தீர்ப்­புக் கொடுத்­த­தா­க­வும் காட்டி ஒரு வரு­டத் தண்­ட­ணையை ஆறு மாதங்­க­ளுக்­குள் கழிக்­க­லாம் எனும் நிலை­யும் ஏற்­பட்­டது.

காணா­ம­லாக்­கப்­பட்ட அவ­ரு­டைய கண­வர் சிங்­கள பௌத்­தர்­க­ளைப் பொறுத்­த­வரை ஒரு ‘கறுப்பு ஆடா­கவே’ பார்க்­கப்­ப­டு­கி­றார். தேதுன்ன என்ற சிங்­க­ளப் பத்­தி­ரி­கையை (புலி­க­ளின் பரப்­பு­ரைப் பத்­தி­ரிகை) வெளி­யிட்­டது, இறு­திப்­போ­ரில் இரா­ணு­வம் இர­சா­யன ஆயு­தங்­க­ளைப் பயன்­ப­டுத்­தி­யதா? என்­ப­தைத் தேடி­யது போன்ற கார­ணங்­க­ளால் புலி­க­ளு­டன் சேர்த்து முத்­திரை குத்­தப்­பட்­டார்.

ஆனால் சந்­தி­யா­வுக்கு புலம்­பெ­யர்ந்து வாழும் தமி­ழர்­க­ளால்­கூட உத­வி­கள் கிடைப்­ப­தா­கத் தெரி­ய­வில்லை. சந்­தி­யா­வும் இங்­குள்ள ஏரா­ளம் தமி­ழர்­கள்­போ­லவே காணா­ம­லாக்­கப்­பட்ட தனது கண­வ­னுக்கு நீதி­கோ­ரித் தனி ஒரு மனு­சி­யா­கப் போராடி வரு­கி­றார். அதில் அவர் போரா­டு­கின்ற தமிழ் மக்­க­ளி­லும் பார்க்­கச் சிறி­து­ப­டி­யா­வது முன்­னே­றி­யி­ருக்­கி­றார். இளம் பிக்­கு­க­ளின் நாய­க­னா­க­வும், போரின்­போது நாட்­டைக் காப்­பாற்­றிய இரா­ணுவச் சிப்பாய்களின் காவ­ல­னா­க­வும் செயற்­ப­டு­கின்ற ஞான­சா­ர­ரரை விட தமி­ழ­ருக்­கா­கக் குரல்­கொ­டுத்த எக்­ன­லி­கொ­டவோ அவ­ரது மனை­வி­யான சந்­தி­யாவோ சிங்­கள மக்­க­ளால், போற்­றப்­ப­டப்­பா­வ­தில்லை.

‘உன்­னு­டைய கண­வன் ஒரு புலி’ என்று சாடிய ஞான­சா­ர­ருக்கே சிங்­கள சமூ­கத்­தில் அதி­கம் வர­வேற்­புண்டு. எக்­னெ­லி­கொட கம்­கரு மாவத்த பத்­தி­ரி­கையை விற்ற சிங்­க­ள­வ­ரின் நிலை­யில்­தான் இருக்­க­மு­டி­யும். எப்­ப­டி­யி­ருப்­பி­னும் ஞானா­சா­ரர் உண்மைப் பெளத்த சமூகத்தில் பெரும் கறுப்புப் புள்ளியாக ஆகியுள்ளது.

http://newuthayan.com/story/09/ஞானசார-தேரர்-எதிர்-சந்தியா-எக்னலிகொட.html

Link to comment
Share on other sites

சந்தியாவுக்கு அச்சுறுத்தல் விடுத்த சிறிலங்கா அதிபரின் ஆலோசகர்

 

sandiya-egneligoda-300x199.jpgசிறிலங்கா அதிபர் மைத்திரிபால சிறிசேனவின் ஆலோசகராக உள்ள பௌத்த பிக்கு ஒருவரே, தனக்கு எதிராக அச்சுறுத்தல் விடுக்கும் பரப்புரையின் பின்னால் இருப்பதாக, சந்தியா எக்னெலிகொட குற்றம்சாட்டியுள்ளார்.

மகிந்த ராஜபக்ச ஆட்சிக்காலத்தில் காணாமல் ஆக்கப்பட்ட ஊடகவியலாளர் பிரகீத் எக்னெலிகொடவின் மனைவியான சந்தியா எக்னெலிகொட, கொழும்பில் நேற்று நடத்திய செய்தியாளர் சந்திப்பின் போதே இந்தக் குற்றச்சாட்டை முன்வைத்துள்ளார்.

“சமூக ஊடகங்களில் எனக்கும், எனது குடும்பத்துக்கும் தொடர்ச்சியாக அச்சுறுத்தல் விடுக்கப்பட்டு வருகிறது.

இந்த அச்சுறுத்தல்களை அரசாங்கம் கவனித்துக் கொள்ள வேண்டும். எனது பாதுகாப்பை உறுதி செய்ய வேண்டும்.

எனக்கு எதிரான பரப்புரைகளின் பின்னால், சிறிலங்கா அதிபரின் ஆலோசகர் ஒருவரே இருக்கிறார். அவரது முகநூலில் அத்தகைய தாக்குதல்களை பார்வையிட முடியும்.

எனக்கு எதிரான தொடர்ச்சியான அச்சுறுத்தல்கள் நிறுத்தப்பட வேண்டும்.

நான் நாட்டைக் காட்டிக் கொடுப்பதாக குற்றம்சாட்டுகின்றனர். எனது கணவன் ஒரு விடுதலைப் புலி என்கிறார்கள்.

ஆனால் அவருக்கு அவ்வாறான எந்த தொடர்பும் இல்லை என்று எல்லா புலனாய்வு அமைப்புகளும் கண்டறிந்துள்ளன.

பிரகீத் விடுதலைப் புலிகளின் உறுப்பினரோ, அல்லது வேறு எந்த தீவிரவாத அமைப்பின் உறுப்பினரோ அல்ல என்று அவர்கள் நீதிமன்றங்களில் கூறியுள்ளனர்.

பொய்யான பரப்புரைகள் மற்றும் அச்சுறுத்தல்களின் மூலம் பிரகீத் காணாமல் ஆக்கப்பட்டமை தொடர்பான விசாரணைகளை இவர்கள் நிறுத்த முற்படுகின்றனர்” என்றும் அவர் தெரிவித்துள்ளார்.

http://www.puthinappalakai.net/2018/06/27/news/31609

Link to comment
Share on other sites

Archived

This topic is now archived and is closed to further replies.



  • Tell a friend

    Love கருத்துக்களம்? Tell a friend!
  • Topics

  • Posts

    • இதே கதை சண்டை தொடன்கியபின்னும் 2௦௦7லும் இருந்தது கொழும்பில் .
    • தவறவிட்டு விட்டோம் என சொல்லவரவில்லை. யாராகினும் தமக்கு பிடித்தவர்களை,நண்பர்களை,கலைஞர்களை பாராட்டலாம்.. அல்லது எமக்கு கல்வி தந்த ஆசான்களின் பெருமைகளை சொல்லியும் பாராட்டலாம்.  
    • நேற்று நண்பன் ஒருத்தனுக்கு வாட்சப்  போன் டேய் எங்கு இருக்கிறாய் சோமாலி க்கு பக்கத்தில் ஏதோ இடத்து கடல் பாசையில் அது இங்கு வேணாம்   அப்ப பிறகு ஆறுதலா போன் போடுகிறேன் இல்லையட இப்பத்தான் ரிலக்ஸ்சா இருக்கிறம் உலக நாட்டு நேவி முழுக்க இங்குதான் நிக்குரான்கள் இவங்களுக்கு பியுள் புல் பண்றதிலே நமக்கு மாதம் முழுதும் இதுதான் வேலையாகி போகுது .   மேற்குலகு என்ன முடிவில் உள்ளது என்பது விளங்குது .
    • படம் இல்லாத இலங்கைப் பயணம் - நான்கு ------------------------------------------------------------------- ஊருக்கு பயணம் போனால் ஊரில் சிலரை போய் பார்ப்பது தவிர்க்க முடியாத ஒரு விடயம். அவர்கள் வயதான நெருங்கிய சொந்தமாகவோ, அல்லது ஆசிரியர் போன்றவர்களாக இருப்பார்கள். இவர்கள் காட்டும் அன்பும், வாஞ்சையும் உண்மையானது, அதை உணரக் கூடியதாகவே இருக்கும். பலர் எங்களை இன்னும் சிறுவர்களாகவே நினைத்தும் கதைப்பார்கள். எங்களின் கதைகளை கேட்பதை விட, அவர்களின் கதைகளை சொல்வதிலேயே ஆர்வமாக இருப்பார்கள். மீண்டும் சந்திக்கும் அடுத்த முறை என்று ஒன்று இருக்குமா அல்லது இல்லையா என்று தெரியாததால், அவர்கள் நாங்கள் ஏற்றுக் கொள்ள முடியாத சிலவற்றை சொன்னாலும், அது ஒரு பெரிய அசௌகரியத்தை உண்டாக்குவதில்லை. மாறாக, பார்த்து விட்டு கிளம்பும் போது, மனம் கொஞ்சம் கனக்கும்.   முதல் போன இடத்திலேயே, 'நீ இந்த தலைமயிரை முதலில் வெட்டு. இது என்ன கோலம். முக்கால்வாசி வெள்ளையாக வேற இருக்குது...' என்றார் நான் பார்க்கப் போனவர். 'சரி, வெட்டிறன்...' என்று தலையை நன்றாகவே ஆட்டினேன். சிறுவயதில் பள்ளிக்கூடத்தில் படிக்கின்ற காலத்தில் இருந்தே இந்த 'நீட்டுத் தலைமயிர்' பிரச்சனை தொடருகின்றது. பள்ளிக்கூடத்தில் இன்றைக்கு யாருக்கு எதுக்கு அடிக்கலாம் என்று பார்த்துக் கொண்டிருக்கின்ற சில ஆசிரியர்கள், ஏன் தலைமயிரை வெட்டவில்லை என்று அதில் பிடித்து இழுத்தே அடிப்பார்கள். பின்னர் வீட்டில், பின்னர் ஊரில் என்று தடைகள் வந்து கொண்டேயிருந்தது. இன்று எல்லாமே கொட்டி விட, மிச்சமாக இருக்கிற நாலு முடியை நீட்டாக வளர்க்க நினைத்தாலும், அதுவும் முடியாது போல.   ஒரு புதிதாகக் கட்டப்பட்ட சிறிய வீட்டில் அவர் மட்டும் தனியாக இருந்தார். அவரின் துணை சில மாதங்களின் முன் இறந்து போயிருந்தார். இங்கு ஊரில் புதிதாக கட்டப்படும் வீடுகள் மூன்று வகைகளில் இருக்கின்றன. முதலாவது மிகவும் அடக்கமான சிறிய வீடுகள். வீட்டின் முன்பக்கம் திறந்த ஒரு விறாந்தை. அங்கு இருக்கும் கதவை திறந்தால், உள்ளே ஒரு சிறிய மண்டபமும் இரண்டு அறைகளும். அதன் பின்னால் ஒரு சிறிய மண்டபம்/நடை, அதன் பின்னால் ஒரு சமையலறை. உள்ளிருக்கும் மண்டபத்தின் முடிவில் ஒரு குளியலறையும் கட்டப்பட்டிருக்கும். மிகவும் சிறிய ஒரு காணித் துண்டுக்குள்ளேயே, அரை பரப்பு அளவுள்ளது, இந்த மாதிரி வீட்டை பலரும் கட்டியிருக்கின்றனர். ஊருக்குள் காணிகள் என்றும் பெரிதாக இருந்ததில்லை. மிகவும் நெருக்கமாக அமைந்த வீடுகள். ஒருவர் அல்லது இருவர் மட்டுமே இருப்பவர்கள் இந்த மாதிரி புது வீட்டைக் கட்டிக் கொள்கின்றனர். கடைசிக் காலத்தில் ஊரில் வந்து இருக்கப் போவதாக சில புலம் பெயர்ந்தவர்களும் இதே போன்ற அடக்கமான வீடுகளை கட்டியிருக்கின்றனர்.   அடுத்த வகை புது வீடுகள் மிகப் பெரியவை, ஆடம்பரமானவை. அமெரிக்க பாணியில் அமைந்த வீடுகள். கனடா, அவுஸ்திரேலியாவிலும் இதே போன்ற வீடுகள் பின்னர் அமெரிக்காவைத் தொடர்ந்து கட்டப்பட்டன. இப்பொழுது இவை ஊரில் கட்டப்படுகின்றன. இரண்டு அல்லது மூன்று மாடிகளும் உண்டு. ஊருக்கு கொஞ்சம் வெளியே அயல் கிராமங்களில் ஓரளவு பெரிய காணியை வாங்கி இந்த மாதிரியான வீடுகளை கட்டிக் கொள்கின்றனர். ஊருக்குள்ளே என்றால் சிறிய இடத்தில் மேலே மேலே அடுக்கடுக்காக கட்டிக் கொள்கின்றனர். சில வீடுகளில் பல நிறங்களில் விட்டு விட்டு எரியும் மின் விளக்குகள் உள்ளேயும், வெளியேயும் பளிச்சிடுகின்றன. சில கோடிகளில் மொத்த செலவை சொல்கின்றனர். இந்த வகை வீடுகளுக்குள் போய் வரும் போது, ஒரு இலட்சியத்தின் முடிவு இந்த வீடுகளோ என்ற நினைப்பு வருவதை தவிர்க்க முடியவில்லை. சிலர் வெளிநாட்டில் இருந்து வீட்டை கட்டி விட்டு, வருடம் முழுவதும் வீடுகளைப் பூட்டியே வைத்துள்ளனர். சிசிடிவியின் துணையுடன் வீட்டைப் பார்த்துக் கொள்கின்றனர்.   சில வருடங்களின் முன் மிக அதிகமாக இருந்த திருட்டுப் பயம் இப்பொழுது பெருமளவு குறைந்து விட்டது. பல வீடுகளில் பொருத்தப்பட்டிருக்கும் சிசிடிவியே அதற்குக் காரணம். ஒரு வீட்டில் இருக்கும் சிசிடிவி சுற்றிவர இருக்கும் பல வீட்டை காவல் காக்கின்றது. ஆனால் இந்த சிசிடிவியால் தேவையில்லாத சில புதுப் பிரச்சனைகளும் உண்டாகியிருக்கின்றது. உங்கள் வீட்டு சிசிடிவி பதிவுகளை பார்க்க வேண்டும் என்று சிஐடி மற்றும் போலீசார் சில வீடுகளுக்கு வந்து, துப்பு துலக்கிய நிகழ்வுகளும் உண்டு. அப்படி சிஐடி பதிவுகளைத் துப்புத் துலக்கி ஒரு பெரிய கேரளா கஞ்சா கடத்தலை பிடித்ததாக ஒரு கதையையும் சொன்னார்கள்.   மூன்றாவது வகை புது வீடுகள் அரசாங்கத்தின் வீடு கட்டும் திட்ட உதவியுடன் கட்டப்படுவன. இந்த திட்டம் மிக நன்றாக செயற்படுகின்றது போன்று தெரிகின்றது. ஒரு வீட்டைக் கட்ட அரசாங்கத்தால் பத்து இலட்ச ரூபாய்கள் ஒரு குடும்பத்திற்கு பகுதி பகுதியாக வழங்கப்படுகின்றது. இரண்டு அறைகள், ஒரு மண்டபம், சமையலறை கொண்ட ஒரே மாதிரியான வீடுகள். பலர் வீட்டைக் கட்டும் போதே, பின்னர் அதை நீட்டி பெரிதாக்க்கும் திட்டத்துடன் கட்டி, பெரிதாக்கியும் உள்ளனர். சில கட்டுப்பாடுகள் இருப்பதாகச் சொன்னார்கள், உதாரணம்: கூரை ஓட்டுக் கூரையாக இருக்க வேண்டும், அஸ்பெஸ்டாஸ் சீட் பாவிக்கக் கூடாது.   'தனிய இருக்க இரவில் பயமாக இருக்குது...' என்றார். என்ன சொல்வது என்று தெரியாமல் அவரையே பார்த்துக் கொண்டிருந்தேன். இவர் லண்டன் போய் பிள்ளைகளுடன் சில வருடங்கள் இருந்து விட்டு, அங்கு இருக்க முடியாது, இருக்க விருப்பம் இல்லை என்று திரும்பி ஊர் வந்தவர். இப்பொழுது பிள்ளைகள் வந்து கூட்டிக் கொண்டு போகப் போகின்றனர் என்றார். வேறு வழி ஏதும் இருப்பதாகவும் தெரியவில்லை.   பொதுவாக, ஒரு துணை போய் விட, தனியாக இருப்பவர்கள் தனிமையில் ஒரு துயரத்துடனும் பயத்துடனும் இருக்கின்றனர் போன்றும், இருவராக இருப்பவர்கள் சாதாரணமாக இருப்பது போன்றும் தோன்றியது.   இதே போன்ற இன்னொருவரிடம் போயிருந்த பொழுது, அவருக்கு நோர்தேர்ன் தனியார் மருத்துவமனை மீது இருந்த ஆதங்கம் முழுவதையும் சொன்னார். அவரின் துணைக்கு உடம்புக்கு மிகவும் முடியாமல் போக, யாழ் பெரியாஸ்பத்திரிக்கு கொண்டு சென்றிருக்கின்றனர். அங்கு ஆரம்பத்தில் இருந்தே, வாசல் காவலாளிகள் உடபட, எவரும் தன்மையுடன் நடக்கவில்லை என்றார். மூன்று நாட்களின் பின்னர் நீங்கள் நோர்தேர்ண் போங்கள் என்று யாழ் பெரியாஸ்பத்திரியிலிருந்து இவர்களை நோர்தேணிற்கு அனுப்பியிருக்கின்றனர்.    நோர்தேர்ணில் 'பாசத்தை பணமாக்கினார்கள்' என்பது அவர் எனக்கு சொன்ன அதே வார்த்தைகள். 15 நாட்கள் மேல் அங்கிருந்த அவரின் துணை, அதற்கு மேல் அவர்களின் நிதி நிலைமையால் முடியாதென்று வீடு வந்து, இரண்டோ மூன்று நாட்களில் இறந்து போனார். பல இலட்சங்கள் ஒரு பயனும் இல்லாமல் செலவழிந்தது என்றும் சொன்னார். ஆனால் ஒரு தடவை கூட ஒரு வைத்தியரும் தன்னை சந்திக்கவில்லை என்றார். அவர் தினமும் அங்கே இருந்திருக்கின்றார். ஆனால் தினமும் மாலையில் வரும் கணக்குச் சீட்டில், வைத்தியர் வந்து பார்த்ததிற்கான கட்டணம் இருந்தது என்றார்.   பின்னர் இலங்கையில் இருக்கும் எனக்குத் தெரிந்த ஒரு வைத்தியர் ஒருவருடன், அவர் அங்கு நோர்தேணில் வேலை செய்வதில்லை, இப்படியான நிலைமைகள் குறித்து பொதுவாகக் கதைத்தேன்.   (தொடரும்........)
  • Our picks

    • மனவலி யாத்திரை.....!

      (19.03.03 இக்கதை எழுதப்பட்டது.2001 பொங்கலின் மறுநாள் நிகழ்ந்த ஒரு சம்பவத்தின் நினைவாக பதிவிடப்பட்டது இன்று 7வருடங்கள் கழித்து பதிவிடுகிறேன்)

      அந்த 2001 பொங்கலின் மறுநாள் அவனது குரல்வழி வந்த அந்தச் செய்தி. என் உயிர் நாடிகளை இப்போதும் வலிக்கச் செய்கிறது. அது அவனுக்கும் அவனது அவர்களுக்கும் புதிதில்லைத்தான். அது அவர்களின் இலட்சியத்துக்கு இன்னும் வலுச்சேர்க்கும். ஆனால் என்னால் அழாமல் , அதைப்பற்றி எண்ணாமல் , இனிவரும் வருடங்களில் எந்தப் பொங்கலையும் கொண்டாட முடியாதபடி எனக்குள் அவனது குரலும் அவன் தந்த செய்திகளும் ஒலித்துக் கொண்டேயிருக்கும்.
      • 1 reply
    • பாலியல் சுதந்திரமின்றி பெண்விடுதலை சாத்தியமில்லை - செல்வன்


      Friday, 16 February 2007

      காதலர் தினத்தை வழக்கமான தமது அரசியல் நிலைபாடுகளை பொறுத்து அணுகும் செயலை பல்வேறு தரப்பினரும் உற்சாகமாக செய்து வருகின்றனர்.கிரீட்டிங் கார்டுகளையும், சாக்லடுகளையும் விற்க அமெரிக்க கம்பனிகள் சதி செய்வதாக கூறி காம்ரேடுகள் இதை எதிர்த்து வருகின்றனர்.அமெரிக்க கலாச்சாரத்தை திணிக்க முயற்சி நடப்பதாக கூறி சிவசேனாவினரும் இதை முழுமூச்சில் எதிர்க்கின்றனர். தமிழ்நாட்டில் பாமக ராமதாஸ் இதை கண்டித்து அறிக்கை விட்டுள்ளார். பாகிஸ்தானிலும், அரபுநாடுகளிலும் இதை எதிர்த்து பத்வாக்கள் பிறப்பிக்கப்பட்டு அதை மீறி இளைஞர்கள் இதை கொண்டாடியதாக செய்திகள் வந்துள்ளன.
      • 20 replies
    • எனக்குப் பிடித்த ஒரு சித்தர் பாடல் (எந்தச் சித்தர் என்று மறந்து விட்டேன். கட்டாயம் தேவை என்றால் சொல்லுங்கள் எனது ஓலைச் சுவடிகளை புரட்டிப்பார்த்து பின்னர் அறியத் தருகிறேன்)

      நட்ட கல்லைத் தெய்வம் என்று நாலுபுட்பம் சாத்தியே
      சுற்றி வந்து முணுமுணென்று கூறுமந்த்ரம் ஏனடா
      நட்ட கல்லும் பேசுமோ நாதன் உள்ளிருக்கையில்
      சுட்ட சட்டி தட்டுவம் கறிச்சுவை அறியுமோ?


      பொருள்:
      சூளையில் வைத்துச் சுட்டுச் செய்த மண் பாத்திரத்தில் வைக்கும் கறியின் சுவை எப்படியானது என்று அந்தப் பாத்திரத்துக்கு விளங்குமா? அது போல, எம்முள்ளே எருக்கும் இறைவனை நீ அறியாமல் ஒரு கல்லினுள் கடவுள் இருப்பதாக நம்பி வெறும் கல்லை அராதித்து வழிபடுகிறாய்.
      • 7 replies
    • களத்தில் தற்போது சமயம் சம்ம்பந்தமாக பெரியா கருத்து பரிமாற்றம் நடக்கிறது, அங்கே கருத்தாடு பெரியவர்களே, அறிஞோர்களே உங்களால் இறைவன் இருக்கார் என்று ஆதாரத்துடன் நிரூபிக்க முடியுமா...........? முடிந்தால் நிரூபியூங்கள், நிரூபித்து விட்டு உங்கள் கருத்து மோதலை தொடருங்கள்
      • 46 replies
    • சமூகத்துக்கு பயனுடைய கல்விநிலை எது?

      பேராசிரியர் சோ. சந்திரசேகரன்

      இன்று நாட்டில் உள்ள கல்விமுறையையும் அதற்கு அப்பால் உள்ள கல்வி ஏற்பாடுகளையும் நோக்குமிடத்து, பல்வேறு கல்வி நிலைகளை இனங்காண முடியும். அவையாவன: ஆரம்பக்கல்வி, இடைநிலைக் கல்வி, பல்கலைக்கழகக் கல்வி உள்ளடங்கிய உயர் கல்வி, பாடசாலையில் வழங்கப்படும் (1-11 ஆம் வகுப்பு வரை) பொதுக்கல்வி, தொழில்நுட்பக்கல்வி, வளர்ந்தோர் கல்வி என்பன, இவை தவிர கருத்தாக்க ரீதியாக முறைசாராக் கல்வி, வாழ்க்கை நீடித்த கல்வி, தொடர்கல்வி எனப் பலவற்றை இனங்காண முடியும். இவற்றில் ஆரம்பக்கல்வி, இடைநிலைக்கல்வி, உயர்கல்வி என்னும் கல்வி நிலைகளே முறைசார்ந்த (Formal) கல்வியின் பிரதான நிலைகள் அல்லது கூறுகளாகும்.
      • 5 replies
×
×
  • Create New...

Important Information

By using this site, you agree to our Terms of Use.