இன்­றைய அரசு பத­விக்கு வந்த நாள்­மு­தல் ஜெபிக்­கும் ஒரே மந்­தி­ரம் ‘‘விற்­பனை செய்­தல்’’ என்­ப­தா­கும்.

சில­வேளை இன்­றைய தலைமை அமைச்­சர் காலை­யில் படுக்­கை­யை­விட்டு எழு­வது, இன்று எதனை விற்­பனை செய்­ய­லாம் என்ற சிந்­த­னை­யு­ட­னேயே எனக்­கொள்ள முடி­கி­றது.

ஏனெ­னில் நாட்­டின் சகல பிரச்­சி­னை­க­ ளுக்­கும் எதை­யா­வது விற்­ப­தன் மூலமே தீர்­வு­காண இய­லு­மென தலைமை அமைச்­சர் நம்­பு­வ­தா­கத் தோன்­று­கி­றது.

அண்­மை­யில் ஒரு­நாள், நாட்­டின் பொரு­ளா­தா­ரம் 30வீதத்­தால் வீழ்ச்சி கண்­டுள்­ளது என வௌியான செய்­தியை முழு­நா­டுமே தெரிந்து கொண்­டது.
அத்­தோடு ரூபா­வின் பெறு­மதி பின்­ன­டைவு கண்­டி­ருப்­ப­தாக நாட்­டின் தலைமை அமைச்­சர் பகி­ரங்­க­மா­கவே கருத்து வௌிப்­ப­டுத்­தி­யி­ருந்­தார்.
ஆசிய வட்­டகை நாடு­க­ளில் விரை­வான பொரு­ளா­தார முன்­னேற்­றத்­தில் இரண்­டாம் இடத்தை ஈட்­டிய நிலை­யில் இயங்­கி­வந்த இலங்­கை­யின் ஆட்சி அதி­கா­ரத்தை, கூட்டு அரசு பொறுப்­றே்று மூன்­றரை ஆண்­டு­கள் ஓடிக் க­ழிந்­து­விட்ட நிலை­யி­லேயே, இன்று 30வீத பொரு­ளா­தார வீழ்ச்­சிக்கு நாடு­மு­கம் கொடுக்க நேர்ந்­துள்­ளது.

அந்த வகை­யில், 2014ஆம் ஆண்­டில் நாட்­டின் சக­ல­துறை பொரு­ளா­தார முன்­னேற்ற விட­யத்­தில், தென்­னா­சிய வட்­ட­கை­யில் இலங்கை முத­லா­வது அல்­லது இரண்­டா­வது இடத்தை வகித்து வந்­தது.

நாட்­டின் நிகர பொரு­ளா­தார அபி­வி­ருத்தி வேகம் 7வீதத்தை அண்­மித்­தி­ருந்­தது. அதே பொரு­ளா­தார நிலை இன்று 30வீதத்­தால் வீழ்ச்சி கண்­டுள்­ள­தாக தலைமை அமைச்­சர் தெரி­வித்­துள்­ளார்.

இது­வரை தம்மால் பயன்­ப­டுத்­தப்­ப­டாத திருக்­கை­வா­லால், நாலு சாத்­துச் சாத்­து­வ­தற்கு அர­ச­த­லை­வ­ருக்கு இவரை விடப்­பொ­ருத்­த­மான ஒரு­வ­ரைத் தேடிக்­கண்டு பிடிப்­பது சிர­ம­மா­ன­தாக அமை­யும்.

தமது அர­சி­னால் நாட்­டின் பொரு­ளா­தா­ரம்  நலி­வ­டை­யச் செய்­யப்­பட்­டதை  ஒப்­புக்­கொள்­கின்­றார் ரணில்

‘‘வாய் பொய் கூறி­னா­லும், நாக்கு ஒரு­போ­தும் பொய் பேசாது’’ என்ற பழைய முது­மொ­ழி­யொன்று வழக்­கில் உள்­ளது. அதன்­படி, தமது அர­சி­னால் நாட்­டின் பொரு­ளா­தா­ரம் நலி­வ­டை­யச் செய்­யப்­பட்­டது என்­ப­தைக் காலம் பிந்­தி­யா­வது தலைமை அமைச்­சர் பகி­ரங்­க­மாக ஒப்­புக்­கொள்­வது வர­வேற்­கப்­ப­ட­வேண்­டிய ஒன்­றா­ன­போ­தி­லும், மற்­றொரு வகை­யில், அது பயங்­க­ர­மா­ன­தொரு செய்­தி­யாக அமை­வது, தலைமை அமைச்­சர், அரசு எதிர்­நோக்­கும் பிரச்­சி­னை­க­ளுக்­கான தீர்வு என்­ற­வ­கை­யில் சிறி­து­நேர தாம­தத்­தின் பின்­னர் தெரி­வித்த கருத்­தாக அமை­வ­தால் ஆகும்.

‘‘அப்­ப­டி­யா­னால் நாங்­கள் இவற்­றை­யும் விற்­று­வி­டு­வோமே!’’ என தலைமை அமைச்­சர் வௌியிட்ட கருத்தை கேட்­க­வும், பார்க்­க­வும் பல­ரால் முடிந்­தது.

இந்­தத் தடவை எதனை விற்­பனை செய்­யத் தலைமை அமைச்­சர் திட்­ட­மி­டு­கி­றார் என்­பது குறித்­துத் தௌிவு இல்­லா­த­போ­தி­லும், தலைமை அமைச்­ச­ரது நீண்ட விற்­ப­னைப் பொருள்­க­ளது பட்­டி­யலை நோக்­கும்­போது, எந்­த­வொரு தேசிய சொத்­தை­யும் பாது­காக்க அர­சி­டம் உறு­திப்­பாடு இல்லை என்­பதை நாட்­டின் பொது­மக்­கள் தற்­போதே உணர்ந்து கொண்­டுள்­ள­னர்.

இலங்­கைக்கு இரண்­டா­வ­தா­ன­தொரு பன்னாட்டு வானூர்தி நிலை­யத்­தின் தேவையை உணர்ந்­து­கொண்ட முத­லா­வது அரசு, மகிந்த ராஜ­பக்­ச­வின் அர­சல்ல.
அம்­பாந்­தோட்டை துறை­மு­கத்திட்டம் போன்று மத்­தள வானூர்தி நி­லை­ய­த்திட்டமும் பல அர­சு­க­ளால் வெறும் வாய்ப்­பேச்­சு­டன் மட்­டும் மட்­டுப்­ப­டுத்­தப்­பட்­டி­ருந்த திட்­ட­ங்களாக இருந்­த­ போ­தி­லும், கடந்த அர­சின் நிர்­வா­கத்­தின் கீழ் அவை நடை­மு­றைப்­ப­டுத்­தப்­பட்­டன.

நாட்டை முன்­னேற்ற நினைக்­கும்  அர­சுக்கு புரிந்­து­ணர்­வும்  வேலைத் திட்­ட­மும் அவ­சி­யம்

ஒரு­நாட்டை முன்­னேற்ற வேண்­டு­மா­னால், அந்த நாட்டை நிர்­வ­கிக்­கும் அர­சுக்கு புரிந்­து­ணர்­வும் சரி­யான வேலைத் திட்­ட­மும் இருத்­தல் அவ­சி­ய­மா­கும். தமக்­கென புரிந்­து­ணர்­வும் திட்­ட­மும் இல்­லாது, மற்­ற­வர்­கள் மீது குறை­கூ­று­வ­தன் மூலம் கால­நே­ரத்தை வீண் விர­யம் செய்­வ­தற்கு அரசு என்று ஒன்று தேவை­யில்லை.

கடந்த மகிந்த அர­சின் வச­மி­ருந்த திட்­டத்­தின் ஒரு அம்­ச­மாக அமைந்­த­தன் கார­ண­மா­கவே, அன்று இலங்­கையை தென் ஆசிய வட்­ட­கை­யில் கடல் மற்­றும் வான் பய­ணத்­தின் கேந்­திர நிலை­ய­மாக ஆக்­கும் நோக்­கு­ட­னேயே மத்­தள வானூர்தி நிலை­யம் உரு­வாக்­கப்­பட்­டது.

அம்­பாந்­தோட்டை சுற்­றா­டலை பன்­னாட்டு துறை­முக வச­தி­கொண்ட தொழில் நக­ர­மாக ஆக்­கும்­போது அதன் அரு­கில் வானூர்தி நிலை­ய­மொன்­றும் அமைக்­கப்­ப­டல் அவ­சி­யம் என்­பதை உணர்ந்­து­கொள்ள பெரும் வர்த்­தக அறிவு எது­வும் தேவைப்­ப­டாது.

உரிய சுற்­றுச்­சூ­ழல், நில அமைவு என்­பவை முறைப்­ப­டி­ஆய்வு செய்­யப்­பட்ட பின்­னரே மத்­த­ள­வில் வானூர்தி நிலை­யம் அமைக்க முடிவு மேற்­கொள்­ளப்­பட்­டது.

தற்­போ­தைய அரசு, குறித்த மத்­தள பிர­தே­சம் வானூர்தி நிலை­ய­மொன்றை உரு­வாக்­கத் தரம் வாய்ந்த இட­மாக அமை­ய­வில்லை எனக் கூறு­வதை நம்­பு­வோ­ரி­டம், அவர்­க­ளது அந்த வாதம் சரி­யா­ன­தா­யின், அந்த வானூர்தி நிலைய நிர்­வா­கத்தை பொறுப்­பேற்­ப­தற்கு இந்­தி­யா­வுக்­குப் பைத்­தி­யம் பிடித்­தி­ருக்­கக் கூடுமா?

என வினா எழுப்ப வேண்­டி­யுள்­ளது. உண்­மை­யில் இந்­தியா மத்­தள வானூர்தி நிலை­யத்­தின் முக்­கி­யத்­து ­வத்தை, பெறு­ம­தியை நன்கு உணர்ந்­துள்­ள­தா­கவே கொள்ள முடி­கி­றது.

அதே­வேளை, இன்­றைய ஆட்­சி­யா­ளர் தரப்­பின் இய­லாத்­த­னம் மற்­றும் பரந்த நோக்­கின்மை என்­பவை இந்­தி­யத் த­ரப்­புக்கு அதிர்ஷ்­டத்­தைக் கொண்டு வந்­துள்ளதாக­வும் கொள்­ள­மு­டி­கி­றது. அதே­வேளை, பூகோள அமை­வுக்­க­மைய முக்­கி­யத்­து­ வம் மிக்க இடத்­தில் அமைந்­துள்ள அம்­பாந்­தோட்டை துறை­மு­கத்­தின் நிர்­வா­ கத்­தைக் கைப்­பற்­றிக்­கொண்­டுள்ள சீனா­வுக்கு அது­வோர் அதிர்ஷ்­ட­வ­ச­மான வாய்ப்பு என்றே கொள்­ள­மு­டி­கி­றது.

அம்­பாந்­தோட்டை கைத்­தொ­ழில் நக­ரம் அமைக்­கப்­பட்ட பின்­னர், வரு­டா­வ­ரு­டம் இலட்­சக்­க­ணக்­கான வானூர்திப் பய­ணி­கள் அம்­பாந்­தோட்­டைக்கு பய­ணம் மேற்­கொள்வரென்ற எதிர்­பார்ப்பு நில­வு­கி­றது.
வர்த்­தக ரீதி­யான பய­ணங்­களை மேற்­கொள்­ப­வர்­கள் போன்றே, உல்­லா­சப் பய­ணி­க­ளா­க­வும் பெருந்­தொ­கை­யி­னர் அவ்­வி­தம் இலங்­கைக்கு வரக்­கூ­டும்.

கைத்­தொ­ழிற்­சா­லை­க­ளுக்­குத் தேவைப்­ப­டும் மூலப் பொருள்­கள் போன்றே, அங்கு உற்­பத்தி செய்­யப்­ப­டும் பொருள்­க­ளின் ஒரு பகுதி வானூர்தி மூலம் எடுத்­து­வ­ரப்­ப­ட­வும், எடுத்­துச் செல்­லப்­ப­ட­வும் வாய்ப்­ப­மை­யும்.
அதே­வேளை கட்­டு­நா­யக்க வானூர்தி நிலை­யத்­துக்­குப் பதி­லாக சில விமா­னப் போக்­கு­வ­ரத்து நிறு­வ­னங்­கள் மத்­தள வானூர்தி நிலை­ய­மூ­டாக தமது பய­ணி­கள் சேவையை ஒழுங்கு செய்­யக்­கூ­டும்.

மத்­தள வானூர்தி நிலைய  உரு­வாக்­கத்­தின் சாதக பாத­கங்­கள்

மத்­தள வானூர்தி நிலை­யத்­தைப் பயன்­ப­டுத்தி தற்­போது புதிய வானூர்தி போக்­கு­வ­ரத்து மார்க்­கங்­கள் சில ஆரம்­பிக்­கப்­பட்­டுள்­ளன.

அவற்­றின் மூலம் ஆஸ்­தி­ரே­லியா, நியூ­சி­லாந்து, இந்­தோ­னே­சியா, சிங்­கப்­பூர் மற்­றும் மலே ­சியா போன்ற நாடு­க­ளி­லி­ருந்து ஐரோப்­பிய நாடு­கள் மற்­றும் மத்­திய கிழக்கு நாடு­க­ளுக்கு வானூர்திப் பய­ணங்­களை மேற்­கொள்­வோர் பயண மார்க்­கத்­தில் குறை­வான தூரத்தை பய­ணிக்க நேர்­வ­தால், வானூர்திப் பய­ணக் கட்­ட­ணங்­க­ளும் குறை­வ­டைய வாய்ப்­ப­மை­யும்.

அது­மட்­டு­மன்றி மத்­தள வானூர்தி நிலைய மார்க்­கத்­தைப் பயன்­ப­டுத்­தும் சகல வானூர்திகளும், அவை மத்­தள வானூர்தி நி­லை­யத்­தில் தரை இறங்­கா­வி­டி­னும், மத்­தள வானூர்தி நிலையச் சுற்­றா­ட­லில் பறப்பை மேற்­கொள்­வ­தன்­மூ­லம், இலங்­கை­யின் ஆகாய எல்­லைக்­குள் பறப்பை மேற்­கொள்­வ­தால் மத்­தள வானூர்தி நிலைய நிர்­வா­கத்­துக்கு அதற்­கான கட்­ட­ணத்­தைச் செலுத்த வேண்டி ஏற்­ப­டும்.

மத்­தள வானூர்தி நிலை­யம் நீண்­ட­கால பயன்­பாட்டை கருத்­தில் கொண்டே திட்­ட­மி­டப்­பட்டு நிர்­மா­ணிக்­கப்­பட்டு ள்ளது. உல­கின் மிகப் பெரிய வானூர்திகளைக் கூடத் தரை­யி­றக்­கு­வ­தற்­கான ஏற்­பா­டு­கள் திட்­ட­மிட்டு மேற்­கொள்­ளப்­பட்­டுள்­ளன.

தற்­போது முத­லா­வது கட்ட நிர்­மா­ணப் பணி­கள் பூர்த்­தி­யாக்­கப்­பட்­டுள்­ள­தோடு, வரு­ட­மொன்­றுக்கு பத்து இலட்­சம் பேர் வரை­யி­லான வானூர்திப் பய­ணி­கள் மத்­தள வானூர்தி நிலை­யம் ஊடா­கப் பய­ணிப்­பர் என எதிர்­பார்க்­கப்­ப­டு­கி­றது.

எதிர்­கா­லத்­தில் இந்த வானூர்தி நிலை­யம் விஸ்­த­ரிக்­கப்­பட வேண்­டிய தேவை ஏற்­பட்­டால், பாதிப்பு எது­வு­மின்றி குறைந்த செல­வு­டன் மேல­திக நிர்­மா­ணப் பணி­களை மேற்­கொள்­ளத்­தக்க விதத்­தில் உரிய திட்­ட­மி­டல் செயற்­பா­டு­கள் பூர்த்தி செய்­யப்­பட்­டுள்­ளன.

எந்­த­வொரு வர்த்­தக நட­வ­டிக்­கைக்­கும் வர்த்­தக ரீதி­யி­லான திட்­ட­மி­டல் அவ­சி­ய­மா­கி­றது. அந்­த­வ­கை­யில் சில வானூர்தி பயண நிறு­வ­னங்­கள், மத்­தள விமான நிலைய நிர்­வா­கத்­து­டன் ஒப்­பந்­தங்­களை மேற்­கொண்­டுள்­ளன.

அம்­பாந்­தோட்டை தொழில் நக­ரம் உரு­வாக்­கப்­பட்டு முடிந்­த­வு­ட­னும், உல்­லா­சப் பய­ணத்­துறை அபி­வி­ருத்தி செய்­யப்­ப­டு­மி­டத்­தும், தேவை­யின் அதி­க­ரிப்­புக்­குச் சமாந்­த­ர­மாக, அவ்­வி­தம் மென்­மே­லும் வானூர்தி நிறு­வ­னங்­க­ ளு­டன் ஒப்­பந்­தங்­களை மேற்­கொள்­ளும் வாய்ப்­புக் கிட்­டும்.
ஆனால் கடந்த 2015ஆம் ஆண்­டின் அர­சி­யல் மாற்­றத்­தின் பின்­னர், குறித்த இந்த வர்த்­த­கத் திட்­டம் புற­மொ­துக்­கப்­பட்­டி­ருந்­தது. மத்­தள வானூர்தி நிலை­யக்­கட்­ட­டங்­கள் நெல் பாது­காத்து வைக்­கும் களஞ்­சி­யங்­க­ளாக கூட்டு அர­சால் மாற்­றப்­பட்­டன.

அந்த வகை­யில் புதி­தாக விமா­னப் போக்­கு­வ­ரத்­துத் தொடர்­பான ஒப்­பந்­தங்­களை மேற்­கொள்­வ­தற்­குப் பதி­லாக, ஒரு­சில வானூர்திப் பயண நிறு­வ­னங்­க­ளு­டன் மேற்­கொள்­ளப்­பட்­டி­ருந்த ஒப்­பந்­தங்­கள் கைவி­டப்­பட நேர்ந்­தது.

அம்­பாந்­தோட்டை துறை­மு­கம்– மத்­தள  வானூர்தி நிலை­யம் தொடர்­பில் ஒரே­வித கொள்கை  நிலைப்­பாட்­டைக் கடைக்­கொள்­ளும் அரசு

அந்­த­வ­கை­யில், அம்­பாந்­தோட்டை துறை­மு­க விட­யத்­தில் செயற்­பட்­டமை போன்று, மத்­தள வானூர்தி நிலைய விட­யத்­தி­லும், ரணி­லின் அரசு ஒரே வித­மான கொள்கை நிலைப்­பாட்­டையே கடைக்­கொண்­டது.

அது, முத­லா­வது வர்த்­தக ரீதி­யான செயற்­பா­டு­களை நலி­வ­டைய விட்டு, இரண்­டா­வ­தான திட்­டத்தை வௌித்­த­ரப்­புக்கு விற்­பனை செய்­த­மையை நியா­யப்­ப­டுத்­து­தல் ஆகும்.

அரசு கூறும் எந்­த­வொரு பொய்­யை­யும் உண்­மையெ நம்­பும் சிலர், மத்­தள வானூர்தி நிலை­யம் நாட்­டுக்கு பெரும் சுமை­யான, பெரி­ய­தொரு முத­லீ­டா­கு­மென நம்­பு­வது உண்­மை­யான அடிப்­ப­டைத் தக­வல்­களை அறி­யா­தி­ருப்­ப­த­னால் ஆகும்.

உண்­மை­யில் மத்­தள வானூர்தி நிலை­யம் உரு­வாக்­கப்­பட்­டது 30 பில்லியன் ரூபாக்­க­ ளுக்­குக் குறை­வான செல­வி­லேயே ஆகும்.

இன்­றைய கூட்டு அரசு பத­விக்­கு­வந்த பின்­னர் மேற்­கொண்ட இரண்டு தவ­றான முடி­வு­க­ளான துறை­முக நகர் உரு­வாக்­கும் திட்­டத்தை இடை­நி­றுத்தி வைத்­தமை மற்­றும் சிறி­லங்­கன் வானூர்திச் சேவை நிறு­வ­னத்­தால் கொள்­வ­னவு செய்­யப்­ப­ட­வி­ருந்த புதிய விமா­னங்­க­ளுக்­கான கொள்­வ­ன­வுக் கட்­ட­ளையை கைவிட்­டமை என்­ப­வற்­றின் மூலம் செலுத்­த­வேண்டி ஏற்­பட்ட நட்ட ஈட்­டுத் தொகை மட்­டும் 40 பில்­லி­யன் ரூபா வரை­யா­கு­மெ­னத் தெரிய வரு­கின்­றது.

நாட்­டின் சொத்­துக்­க­ளின் நிர்­வா­கத்தை வௌிநாட்டு நிறு­வ­னங்­க­ளுக்கு கைய­ளித்து, அந்த நிறு­வ­னங்­கள் மூலம் அவை அபி­வி­ருத்தி செய்­யப்­ப­டும்­போது அது இலங்­கைக்கு இலா­ப­க­ர­மா­னது என்­ற­தொரு மாயைத் தோற்­றம் தலைமை அமைச்­சர் ரணி­லின் அர­சால் நாட்டு மக்­கள் மத்­தி­யில் உரு­வாக்­கப்­பட்டு வரு­கின்­றது.

ஆனால், அதற்­காக இந்த நிறு­வ­னங்­க­ளுக்கு பெரு­ம­ள­வி­லான வரிச்­ச­லுகை அர­சி­னால் வழங்­கப்­ப­டு­கி­றது என்­ப­தை­யும், அதன் கார­ண­மாக அடுத்த பரம்­ப­ரைக்­குக்­கூட இலங்கை அர­சின் இந்த வர்த்­தக முயற்­சி­யால் இலா­ப­மெ­து­வும் ஈட்­டத்­தக்க வாய்ப்பு இல்லை என்ற உண்­மை­யை­யும் அரசு பொது­மக்­க­ளுக்கு வௌிப்­ப­டுத்­தா­மல் மறைத்து விடு­கி­றது.

இவை மட்­டு­மன்றி, அண்­மை­யில் மேற்­கொள்­ளப்­பட்­டுள்ள சிங்­கப்­பூர் வர்்த்­தக ஒப்­பந்­தம் முதல் , மேற்­கொள்­ளப்­ப­ட­வுள்ள இந்­திய வர்த்­தக ஒப்­பந்­தம் வரை, நிர்­வாக அதி­கா­ரி­கள் தொடக்­கம் அந்­தத் திட்­டங்­க­ளில் கட­மை­யாற்­ற­வுள்ள கூலித்­தொ­ழி­லா ­ளர்­கள்­வரை, தத்­தம் நாட்­டுப் பிர­சை­கள் மத்­தி­யி­லி­ருந்தே நிய­ம­னம் செய்­வ­தற்­கான சலுகை இந்த வௌிநாட்டு நிறு­வ­
னங்­க­ளுக்கு வழங்­கப்­பட்­டுள்­ளது.

இத­னால் இந்த நாட்­டின் இளை­ஞர் யுவ­தி­க­ளுக்கு குறித்த வௌிநாட்டு நிறு­வ­னங்­கள் மேற்­கொள்­ளும் வேலைத்­திட்­டங்­க­ளில் வேலை வாய்ப்­புப்­பெ­றும் சந்­தர்ப்­பம் கிட்­டாது போய்­வி­ட­வுள்­ளது.

அந்த வகை­யில் இந்த அர­சுத் தலை­வர்­க­ளது இத்­த­கைய ஏமாற்­றுக்­களை இனம் கண்டு தெரிந்து கொள்ள சாதா­ரண பொது­மக்­க­ளால் முடி­வ­தில்லை. இன்­றைய அர­சுத் தலை­வர்­கள் நாளாந்­தம் இந்த நாட்­டுக்­குச் செய்­யும் துரோ­கம் மிக­மி­கப் பார­தூ­ர­மா­னது.

நீர்­மூழ்­கிக் கப்­பற்­ப­டைப் போர்  இடம்­பெ­ற­லா­மென எதிர்வு கூறும் ரணில்

அண்­மை­யில் குறிப்­பிட்ட அரச நிகழ்­வொன்­றில் கலந்­து­கொண்டு கருத்­து­வௌி­யிட்ட தலைமை அமைச்­சர் ரணில் விக்­கி­ர­ம­சிங்க, புது­மை­யான தக­வ­லொன்­றைத் தெரி­வித்­தி­ருந்­தார்.

மிகக்­கிட்­டிய எதிர்­கா­லத்­தில் இலங்­கையை சூழ­வுள்ள கடற்­பி­ராந்­தி­யத்­தில் இரு நாடுகளது நீர்­மூழ்­கிக் கப்­பல் படைப் பிரி­வு­கள் மத்தியில் போர் ஒன்று இடம்­பெற வாய்ப்­பி­ருப்­ப­தால், அதற்கு முகம் கொடுக்­கும் வகை­யில் எமது நாட்­டுத் துறை­மு­கங்­க­ளைப் பாது­காக்க அரசு கடற்­ப­டை­யி­ன­ருக்கு முன்­னு­ரிமை வழங்­க­வுள்­ள­தாக தலைமை அமைச்­சர் குறிப்­பிட்­டி­ ருந்­தார்.

இது விட­யத்­தில் எதிர்­கா­லத்­தில் இலங்­கை­யில் தமது முக்­கி­யத்­து­ வத்தை நிலை­நாட்ட சீனா­வும் இந்­தி­யா­வும் போரொன்­றில் ஈடு­பட வாய்ப்­புள்­ளது என்­ப­தையே தலைமை அமைச்­சர் இவ்­வி­தம் சொல்­லா­மல் சொல்­லி­யி­ருக்­கி­றார் எனக் கொள்ள முடி­கி­றது.

அந்த வகை­யில் தனது அண்டை நாடு­க­ளான இந்­தியா மற்­றும் சீனா­வு­டன் அர­சி­யல் முரண்­பா­டு­களை ஏற்­ப­டுத்­திக் கொள்­ளாத இலங்­கையை, பன்­னாட்டு ரீதி­யி­லான போரொன்­றில் மாட்­டிக்­கொள்ள வைக்­கும் வகை­யில் ஆபத்து நிலை­யொன்றை உரு­வாக்கி வைத்­துள்­ள­வர்­கள் எவர் என்ற கேள்வி இங்கு எழு­கி­றது.

ஒன்­றுக்­கொன்று மிகக்­கு­று­கிய தூர இடை­வௌி­யில் அமைந்­துள்ள அம்­பாந்­தோட்டை துறை­மு­கம் மற்­றும் மத்­தள வானூர்தி நிலை­யம் என்­ப­வற்றை முறையே சீனா மற்­றும் இந்­தியா ஆகி­ய­வற்­றுக்கு நிர்­வ­கிக்க வழங்­கி­யுள்­ள­தன் மூலம் மோதல்­க­ளுக்­குத் தானே வழி­ய­மைத்­துக் கொடுத்­துள்­ளது இன்­றைய இலங்கை அரசு.

இன்­றைய அர­சின் தான்­தோன்­றித்­த­ன­மான இந்­தச் செயற்­பா­டு­கள் இலங்­கை­யின் எதிர்­கா­லத்­துக்கு எத்­த­கைய பார­தூ­ர­மான பாதிப்பை, அபா­யத்தை ஏற்­ப­டுத்­தப் போகின்­றன என்­பது குறித்­து தற்­போது எத­னை­யும் எதிர்­வு­கூற இய­லா­துள்­ளது.