பொய்க்கு மேல் பொய் சொல்லும்- விக்னேஸ்வரன்!!

தவ­றி­ழைத்­து­விட்டு அதை மறைக்க மற்­றொரு தவறு என்று அதை­யும் மறைக்க இன்­னொரு தவறு நீளும் தவ­று­க­ளைப் போன்று, வடக்கு மாகாண முத­ல­மைச்­ச­ரும், முன்­னாள் நீதி­ய­ர­ச­ரு­மான சி.வி.விக்­னேஸ்­வ­ர­னும் பொய்­யைச் சொல்லி அதி­லி­ருந்து தப்­பிக்க இன்­னொரு பொய் என்று பொய்­களை அள்ளி வீசிக் கொண்­டி­ருக்­கின்­றார். தாம­த­மா­க­வே­னும் உண்மை வெளி­யில் தெரி­யும்போது சொன்ன பொய்­கள் அத்­த­னை­யும் நிர்­மூ­ல­மா­கி­வி­டும். விக்­னேஸ்­வ­ரன் விட­யத்­தி­லும் அது­தான் நடந்­தி­ருக்­கின்­றது.

பளைக் காற்­றாலை
பளை­யில் காற்­றைப் பயன்­ப­டுத்தி மின்­சக்தி உற்­பத்தி செய்­வ­தற்கு இரண்டு நிறு­வ­னங்­கள் முயற்­சி­களை மேற்­கொண்­டி­ருந்­தன. ‘ஜூல் பவர்’ மற்­றும் ‘பீற்றா பவர்’ என்­னும் நிறு­வ­னங்­கள் இந்த நட­வ­டிக்­கை­யில் இறங்­கி­யி­ருந்­தன. இரண்­டும் ஒரே முக­வ­ரி­யைப் பதி­வா­கக் கொண்ட நிறு­வ­னங்­கள். இலங்கை மின்­சார சபை­யின் கீழ், காற்­றா­லை­யி­லி­ருந்து மின்­சக்தி உற்­பத்தி செய்­யும் நிறு­வ­னங்­கள் இருக்­கத்­தக்­க­தாக மேற்­படி இரண்டு நிறு­வ­னங்­க­ளும் பளை­யில் காற்­றாலை அமைப்­ப­தற்கு மகிந்த தலை­மை­யி­லான அரசு சம்­ம­தம் தெரி­வித்­தி­ருந்­தது. கொழும்பு அர­சுக்கு உட்பட்ட திணைக்­க­ளங்­க­ளி­டம் அந்த நிறு­வ­னங்­கள் சம்­ம­தத்­தைப் பெற்­றி­ருந்­தன. ஆனா­லும் அவர்­க­ளுக்­குப் புதிய சிக்­கல் இறு­திக் கட்­டத்­தில் தோன்­றி­யது. வடக்கு மாகாண சபை உரு­வாக்­கப்­பட்­ட­மை­யால், வடக்கு மாகாணக் காணி அமைச்­ச­ரான முத­ல­மைச்­ச­ரின் அனு­ம­தி­யும் பெறப்­பட வேண்­டிய தேவை எழுந்­தது.

சட்­ட­மு­ர­ணான நட­வ­டிக்கை
அப்­போது அமைச்­ச­ராக இருந்த பொ.ஐங்­க­ர­நே­சன் இந்த விட­யத்­தில் தலை­யிட்­டி­ருந்­தார். முத­ல­மைச்­ச­ருக்கு மிக நெருக்­க­மா­ன­வ­ராகத் தன்­னைக் காட்­டிக் கொண்­டி­ருந்த ஐங்­க­ர­நே­சன், முத­ல­மைச்­ச­ரின் அனு­ம­தியை மிக இல­கு­வாக அந்த நிறு­வ­னங்­க­ளுக்­குப் பெற்­றுக் கொடுத்­தார். இதற்­குப் பதி­லீ­டாக அந்த நிறு­வ­னத்­தி­ட­மி­ருந்து ஆண்டுக்கு 20 மில்­லி­யன் ரூபா பணத்தைப் பெரு நிறு­வ­னங்­க­ ளுக்­கான சமூ­கப் பொறுப்­பின் கீழ் (சி.எஸ்.ஆர்.) பெற்­றுக் கொள்­வ­தற்கு ஒப்­பந்­தம் கைச்­சாத்­தி­டப்­பட்­டது. எங்­கும் பின்­பற்­றப்­ப­டாத நடை­மு­றை­யாக இந்த ஒப்­பந்­தத்­தில் வடக்கு மாகாணப் பேர­வைச் செய­லர் கையெ­ழுத்­திட்­டார். இதன் பின்­னர் ஒப்­பந்­தத்­தின் சட்­ட­வலு தொடர்­பில் கேள்வி எழுந்­த­தைத் தொடர்ந்து முன்­னாள் ஆளு­நர் சந்­தி­ர­சிறி தலை­யிட்டு, ஒப்­பந்­தத்­தின் வாச­கங்­களை மாற்­றா­மல் வடக்கு மாகாண தலை­மைச் செய­லரை கை யெழுத்­தி­டச் செய்து சட்­ட­ரீ­தி­யான புதிய ஒப்­பந்­தத்தை உரு­வாக்­கி­னார்.

கோடிக்­க­ணக்­கான வரு­வாய் இழப்­பீடு
இவை எல்­லாம் 2014ஆம் ஆண்டு நடந்­தேறி முடிந்த விட­யங்­கள். இப்­போது இந்த விட­யம் அரங்­கில் பேசு பொரு­ளா­கக் கார­ணம் என்ன? கணக்­காய்­வா­ளர் தலைமை அதி­ப­தி­யி­னால் திணைக்­க­ளங்­கள் சார் விட­யங்­கள் கணக்­காய்­வுக்கு உட்­ப­டுத்­தப்­ப­டும். அதன்­போது இந்த ஒப்­பந்த விட­ய­மும் அவர்­க­ளால் ஆரா­யப்­பட்­டது.
‘ஜூல் பவர்’ மற்­றும் ‘பீற்றா பவர்’ நிறு­வ­னங்­கள், இலங்கை மின்­சார சபைக்கு மின்­சா­ரத்தை விற்­ற­மைக்­காக இரண்டு ஆண்­டு­க­ளில் 293 கோடி ரூபா பணத்­தைப் பெற்­றுள்ளனர்.

ஆனால், வடக்கு மாகாண சபைக்கு 2.5 கோடி ரூபா பணத்தை மாத்­தி­ரமே வழங்­கி­யுள்ளன. வடக்கு மாகாண சபை­யி­னால் 20 ஆண்­டு­க­ளுக்கு மேற்­படி நிறு­வ­னத்­து­டன் எழு­தப்­பட்ட ஒப்­பந்­தத்­தின் அடிப்­ப­டை­யில், 43 கோடி ரூபா­வையே 20 ஆண்­டு­கள் முடி­வில் மாகா­ண­ச­பை­யி­னால் பெற்­றுக் கொள்ள முடி­யும். ஆனால் அந்த நிறு­வ­னங்­கள் இரண்டு ஆண்­டு­க­ளி­லேயே 293கோடி ரூபா­வைப் பெற்­றுக் கொண்­டுள்­ள­ன. இத்­த­கைய பெருந்­தொகை நிதி இழப்­பு­ட­னான ஒப்­பந்­தம் தொடர்­பி­லேயே கணக்­காய்­வா­ளர் தலைமை அதி­ப­தி­யி­னால் கேள்வி எழுப்­பப்­பட்­டி­ருந்­தது. இந்த விட­யம் மாகா­ணப் பொதுக் கணக்­கு­கள் குழு­வி­னால் ஆரா­யப்­பட்டு, வடக்கு மாகா­ண­ச­பை­யில் சமர்­பிக்­கப்­பட்டு விவா­தம் நடந்­தது. இந்த விவா­தத்தை மாகா­ண­ச­பை­ யின் 130ஆவது அமர்­வில் எடுத்­துக் கொள்ள வேண்­டாம் என்­று­கூட முத­ல­மைச்­சர் கடி­தம் அனுப்­பி­யி­ருந்­தார்.

யார் பொறுப்பு?
வடக்கு மாகா­ண­ச­பைக்குக் கிடைக்க வேண்­டிய பெருந்­தொ­கைப் பணம் இழக்­கப்­பட்­ட­தற்கு யார் பொறுப்பு? என்­பதே மாகா­ண­ச­பை­யில் எழுப்­பப்­பட்ட முதன்மைக் கேள்வி. அதற்­குப் பதில் சொல்­வ­தற்கு முத­ல­மைச்­சர் சபை­யில் இருக்­க­வில்லை. அவர் திரு­மண நிகழ்­வுக்­குச் சென்­றி­ருந்­தார்.

ஆனால், சில தினங்­க­ளின் பின்­னர் தானே எழு­திய கேள்­விக்கு, தானே பதிலை வழங்கி ஊடக அறிக்கை அனுப்பி வைத்­தி­ருந்­தார். அதில், பளைக் காற்­றாலை திட்­டம் கொழும்பு அர­சின் முத­லீட்­டுச் சபைக்­குச் சொந்­த­மான திட்­டம். வடக்கு மாகா­ண­சபை பத­விக்­கு­வர முன்­னரே உரிய அனு­ம­தி­க­ளைப் பெற்­றுத் திட்­டத்தைச் செயற்­ப­டுத்­தி­னார்­கள். வடக்கு மாகாண சபை­யு­டன் பெரு நிறு­வ­னங்­க­ளுக்­கான சமூ­கப் பொறுப்­பின் கீழ் (சி.எஸ்.ஆர்.) திட்­டத்­தி­லேயே உடன்­பாடு வைத்­துக் கொண்­டது.

சமூ­கப் பயன்­பாட்­டுக்­காக ஒரு நிறு­வ­னம் தனது விருப்­பார்ந்­த­ வாறு கொடுக்க முன்­வ­ரும் தொகையே சி.எஸ்.ஆர். அதை அவர்­கள் தர­லாம் தரா­மல் விட­லாம். அதில் நிதி­யி­ழப்பு எவ்­வாறு ஏற்­ப­டக்கூடும்? இரு­பது மில்­லி­ய­னும் கொடை­யா­ளி­யால் தரப்­ப­டும் தன்­னிச்­சை­யான நிதியே. அந்­தத் தொகை­யைக் அதி­க­ரிக்­க­வேண்­டு­மா­னால் ஒரு வேண்­டு­கோள் விடுக்­க­லாம். அவர்­கள் அதைப் பரி­சீ­லித்­துத் கருத்­தைத் தெரி­யப்­ப­டுத்­த­லாம். இது பேரம் பேச­வேண்­டிய தொகை­யல்ல. இத­னால் நிதி கிடைத்­ததே ஒளிய நிதி­யி­ழப்பு ஏதும் ஏற்­ப­ட­வில்லை’’ என்று முத­ல­மைச்­சர் கூறி­யி­ருந்­தார்.

தவ­று­கள்
மேற்­படி ஒப்­பந்­தம் எழு­தப்­பட்­ட­தில் தவ­றி­ழைக்­கப்­பட்­டது. வடக்கு மாகாண சபை சார்­பில் வடக்கு மாகாண தலை­மைச் செய­லரே கையெ­ழுத்­திட வேண்­டிய ஒப்­பந்­தத்­தில் வடக்கு மாகாணப் பேர­வைச் செய­லர் கையெ­ழுத்­திட்­டி­ருந்­தார். இது முத­லா­வது தவறு. இந்­தத் தவறை மாகா­ண­ச­பை­யில் முத­ல­மைச்­ச­ருக்குச் சுட்­டிக்­காட்­டி­ய­போது தாம் செய்­தது சரி­யென்று வாதிட்­டி­ருந்­தார்.

அந்த ஒப்­பந்­தத்­தின் சட்­ட­வ­லுவே கேள்­விக்கு உள்­ளா­கும் அள­வுக்குத் தவ­றி­ருக்­கின்­றது என்று அப்­போ­தைய ஆளு­நர் தெரி­வித்து அத­னைச் சரி­யாக்­கி­ய­போது எது­வும் பேசா­மல் மௌன­மாக இருந்­தார். தான் செய்­தது சரி­யென்­றால் ஆளு­ந­ரின் நட­வ­டிக்­கைக்கு எதிர்ப்­புத் தெரி­வித்­தி­ருக்­க­லாமே? அப்­படி எது­வும் செய்­யா­மல் தான் செய்த தவறை முத­ல­மைச்­சர் மறை­மு­க­மாக ஏற்­றுக் கொண்­டி­ருந்­தார்.

இரண்­டா­வது தவறு. மேற்­படி நிறு­வ­னம் வடக்கு மாகாண சபை­யு­டன் ஏற்­ப­டுத்­திக் கொண்ட ஒப்­பந்­தத்­தின் ஊடாக வழங்­கப்­ப­டும் நிதி, மாகாண சபை­யின் வரவு – செல­வில் கணக்குக் காட்­டப்­ப­டா­மல் நேர­டி­யாக அப்­போ­தைய விவ­சாய அமைச்­சர் பொ.ஐங்­க­ர­நே­ச­னின், அமைச்­சுக்கு வழங்­கப்­பட்­டது.

இந்த நடை­மு­றை­யும் தவறு என்று முத­ல­மைச்­ச­ருக்கு மாகா­ண­சபை அமர்­வில் எடுத்­து­ரைக்­கப்­பட்­டது. ஆனால் வழ­மை­போன்று முத­ல­மைச்­சர் இத­னை­யும் மறு­த­லித்­தார். இறு­தி­யில் கணக்­காய்­வா­ளர் தலைமை அதி­ப­திக்குக் கடி­தம் எழு­தப்­பட்ட பின்­னர், அவைத் தலை­வர் தலை­யிட்டு, இதன் தாற்ப­ரி­யத்தை புரிய வைத்து, வடக்கு மாகாண சபை­யின் வரவு – செல­வுத் திட்­டத்­தில் உள்­ளீர்க்­கச் செய்­தார். அந்த நடை­முறை தவறு என்று எதிர்­வா­தம் புரிந்த முத­ல­மைச்­சர் பின்­னர் எப்­படி வரவு – – செல­வுத் திட்­டத்­தில் உள்­ள­டக்க மௌன­மாக இணங்­கி­னார்?

இவை­யெல்­லாம் கடந்த காலங்­க­ளில் நடந்­தே­றி­யவை. இப்­போது, தனது கேள்வி பதில் அறிக்­கை­யில் முத­ல­மைச்­சர் முழுப்­பூ­ச­ணிக்­காயைச் சோற்­றில் மறைத்­தி­ருக்­கின்­றார்.

இந்­தத் திட்­டத்­துக்­கான அனு­மதி எல்­லாம் கொழும்பு அர­சி­ட அந்த நிறு­வ­னம் பெற்­றி­ருந்­தது என்றிருக்கிறார். திட்­டம் முத­லீட்­டுச் சபை­யி­னு­டை­ய­து­தான். அதில் எந்த மாற்­றுக் கருத்­துக்­க­ளும் இல்லை. வடக்கு மாகாண சபை­யி­னால் அந்த நிறு­வ­னத்­து ­டன் பேரம் பேச முடி­யாது என்­றும், அவர்­கள் நன்­கொ­டை­யாக தரும் நிதியை ஏற்­க­வேண்­டி­ய­து­தான் என்­றும் முத­ல­மைச்­சர் கூறி­யி­ருக்­கின்­றார்.

இங்­கே­தான் முத­ல­மைச்­சர் பொய்­யைக் கூறி மாட்­டிக் கொண்­டி­ருக்­கின்­றார். கொழும்­பில் திட்­டத்­துக்­கான அனு­ம­தி­கள் எல்­லா­வற்­றை­யும் பெற்­றுக் கொண்ட நிறு­வ­னம் பின்­னர் என்ன தேவைக்­காக வடக்கு மாகா­ண­ ச­பை­யுடன் ஒப்­பந்­தம் செய்­வ­தற்­குச் சென்­றது? இங்­கே­தான் முத­ல­மைச்­சர் முழுப் பூச­ணிக்­காயைச் சோற்­றில் மறைத்­தி­ருக்­கின்­றார்.

முத­லீட்­டுச் சபை­யின் திட்­ட­மாக இருந்­தாலும் கூட, கொழும்பு அர­சின் அனு­ம­தி­யைப் பெற்­றி­ருந்­தா­லும் மாகா­ணக் காணி ஆணை­யா­ள­ர­தும், மாகாண காணி அமைச்­ச­ரி­ன­தும் அனு­மதி கட்­டா­யம் தேவை. அந்த அனு­ம­திக்­காக மேற்­படி நிறு­வ­னம் வடக்கு மாகா­ண­ச­பைக்கு விண்­ணப்­பித்­தி­ருக்­கின்­றது. வடக்கு மாகாண காணி ஆணை­யா­ள­ராக இருந்த பொ.தயா­னந்தா, 2013ஆம் ஆண்டு டிசெம்­பர் மாதம் 5ஆம் திகதி திட்­டத்­துக்கு காணி வழங்க இணங்­கி­யி­ருக்­கின்­றார். வடக்கு மாகாண முத­ல­மைச்­சர் சி.வி.விக்­னேஸ்­வ­ரன் 2014ஆம் ஆண்டு மார்ச் மாதம் 19ஆம் திகதி கையெ­ழுத்­திட்டு அனு­மதி வழங்­கி­யி­ருக்­கின்­றார்.

வடக்கு மாகாண முத­ல­மைச்­ச­ரின் அனு­மதி கட்­டா­யம் தேவைப்­ப­டு­கின்ற சூழ­லில் அந்த நிறு­வ­னத்­தி­ ட­மி­ருந்து, வடக்கு மாகாண சபைக்கு பெருந்­தொகை நிதியை சி.எஸ்.ஆர். திட்­டத்­தின் ஊடா­கக் கோரி­யி­ருக்­க­லாம். அதைச் செய்­ய­வில்லை. இவை­யெல்­லா­வற்­றுக்­கும் மேலாக, வடக்கு மாகாண சபை­யு­டன் செய்து கொள்­ளப்­பட்­டது சி.எஸ்.ஆர். ஒப்­பந்­தம் மாத்­தி­ரமே என்று குறிப்­பிட்­டுள்ள முத­ல­மைச்­சர், தனது அனு­மதி அந்த நிறு­வ­னத்­துக்கு வழங்­கப்­பட்­டது என்­பதை மூடி மறைத்து விட்­டார். வழ­மை­போன்று இதற்­கும் அர­சி­யல்­சா­யம் பூசி தப்­பித்­துக் கொள்ள முயற்­சித்­தார். ஆனா­லும் அவர் துர­திஷ்டம், முத­ல­மைச்­சர் வழங்­கிய அனு­ம­திக் கடி­தத்தை அதி­கா­ரி­கள், மாகா­ணப் பொதுக் கணக்­காய்­வுக் குழு முன்­பாகப் பகி­ரங்­கப்­ப­டுத்தி விட்­டார்­கள்.

எங்­க­ளால் எது­வுமே செய்­ய­மு­டி­யாது. கொழும்­பின் எல்லா அனு­ம­தி­யு­டன் வந்­தி­ருக்­கின்­றார்­கள் என்று கூறிய முத­ல­மைச்­சர், காணிக்கு அனு­மதி வழங்­கிய கடி­தத்­த­துக்கு என்ன பதில் கூறப் போகின்­றார்? இந்­தக் கையெ­ழுத்து தனது இல்லை என்று கூறப்­போ­கின்­றாரா? அல்­லது சுய­நி­னை­வு­டன் அந்­தக் கையெ­ழுத்தை வைக்­க­ வில்லை என்று கூறப்­போ­கின்­றாரா?

பொய்­யைச் சொல்லி அதை மறைக்க இன்­னொரு பொய்­யைச் சொல்லி இன்று எல்­லாம் பட்­ட­வர்த்­த­ன­மாக வெளிப்­பட்டு நிற்­கின்ற சூழ­லில் முத­ல­மைச்­சர் தொடர்ந்து ஈடாடுவது சரியா?