தடுமாற்றத்துடன் ஆரம்பித்தாலும் ஸ்திரமான நிலையை அடைந்தது இங்கிலாந்து

இலங்கைக்கு எதிரான முதல் டெஸ்ட் போட்டியின் முதலாம் நாள் முடிவில் இங்கிலாந்து அணி தனது முதல் இன்னிங்ஸில் 91 ஓவர்களுக்கு 8 விக்கெட்டுக்களை இழந்து 321 ஓட்டங்களை குவித்து ஸ்திரமான நிலையை அடைந்தது.

இலங்கை மற்றும் இங்கிலாந்து அணிகளுக்கிடையிலான மூன்று போட்டிகள் கொண்ட டெஸ்ட் தொடரின் முதல் போட்டி இன்று கால‍ை 10:30 மணிக்கு காலியில் ஆரம்பமானது. போட்டியில் நாணய சுழற்சியில் வெற்றி பெற்ற இங்கிலாந்து அணி முதலில் துடுப்பெடுத்தாடுவதற்கு தீர்மானித்தது.

அதன்படி முதலில் களமிறங்கிய இங்கிலாந்து அணியின் ஆரம்ப வீரர்கள் அடுத்தடுத்து ஆட்டமிழந்தாலும் மத்திய தர வீர்களின் நிதானமான துடுப்பாட்டம் காரணாக முதலாம் நாள் ஆட்ட நேர முடிவின் போது 8 விக்கெட்டுக்களை இழந்து 321 ஓட்டங்களை குவித்து வலுவான நிலைக்கு சென்றது.

இங்கிலாந்து அணி சார்பாக பென் போக்ஸ் 87 ஓட்டத்தையும், சாம் குர்ரன் 48 ஓட்டத்தையும், ஜென்னிங்ஸ் 46 ஓட்டத்தையும், பட்லர் 38 ஓட்டத்தையும், ரூட் 35 ஓட்டத்தையும், அடீல் ரஷித் 35 ஓட்டத்தையும் அதிகபடியாக பெற்றுக் கொண்டனர்.

ஆடுகளத்தில் 87 ஓட்டத்துடன் ரூட்டும், ஜெக் லேச் 14 ஓட்டத்துடனும் ஆட்டமிழக்காதிருந்தனர்.

பந்து வீச்சில் இலங்கை அணி சார்பில் தில்றுவான் பெரேரா 4 விக்கெட்டுக்களையும், சுரங்க லக்மால் 2 விக்கெட்டுக்களையும், அகில தனஞ்சய மற்றும் ரங்கன ஹேரத் ஆகியோர் தலா ஒரு விக்கெட்டினையும் வீழ்த்தினர்.

நாளை போட்டியின் இரண்டாம் நாள் ஆட்டமாகும். 

 

http://www.virakesari.lk/article/43982

 

முதல் டெஸ்டிலேயே சதமடித்தார் இங்கிலாந்தின் பென் போக்ஸ்

முதல் டெஸ்டிலேயே சதமடித்தார் இங்கிலாந்தின் பென் போக்ஸ்

இலங்கைக்கு எதிரான முதலாவது டெஸ்டில்  இங்கிலாந்து அணியின் அறிமுக வீரர் பென்போக்ஸ் சதமடித்துள்ளார்.

காலியில் இடம்பெறும் முதலாவது டெஸ்டில் அவர் சதம் பெற்றுள்ளார்

இரண்டாவது நாளான இன்று பென்போக்ஸ் 202 பந்துகளில் 107 ஓட்டங்களை பெற்று ஆட்டமிழந்தார்.

இங்கிலாந்து அணி திணறிக்கொண்டிருந்தவேளை அவர் சாம் குரான் அடில் ரசீட் ஆகியவர்களுடன் இணைந்து இங்கிலாந்து அணியை பலப்படுத்தினார்.

சாம் குரானுடன் இணைந்து 88 ஓட்டங்களை பெற்ற பென்போக்ஸ் பட்லருடன் இணைந்து 61 ஓட்டங்களையும் அடில் ரசீத்துடன் இணைந்து 54 ஓட்டங்களை பெற்றிருந்தார்.

முதல் நாள் மதிய போசன இடைவேளைக்கு முன்னதாக பட்லருடன் இணைந்து போக்ஸ் முதிர்ச்சியையும் நிதானத்தையும் வெளிப்படுத்தியதுடன் ஓட்டங்களை மெதுமெதுவாக பெறத்தொடங்கினார்.

அவர் தனது 44 பந்திலேயே முதல் பவுன்டரியை பெற்றார்.

பென்போக்சின் சிறப்பான துடுப்பாட்டம் காரணமாக இங்கிலாந்து அணி தனது முதல் இனிங்சில் 342 ஓட்டங்களை பெற்றுள்ளது.

தனது முதல் டெஸ்டில்  சதம்பெற்றதன் மூலம் இங்கிலாந்து அணிக்க்காக முதல் டெஸ்டில் சதம் பெற்ற விக்கெட் காப்பாளர்கள் வரிசையில் பென் போக்ஸ் இணைந்துகொண்டுள்ளார்.

இதேவேளை தனது இனிங்ஸ் குறித்து கருத்து தெரிவித்துள்ள  பென்போக்ஸ் இங்கிலாந்து அணியின் முன்னாள் தலைவர் அலைஸ்டர் குக்கின் வீடியோ செய்தியொன்றே தனக்கு உத்வேகத்தை அளித்தது என குறிப்பிட்டுள்ளார்.

அவ்வாறான வீடியோ செய்தியை வெளியிடுமாறு குக்கிக்கிற்கு தெரிவித்தது யார் என்பது தெரியாது ஆனால் அது மிகச்சிறந்ததாக காணப்பட்டது என அவர் தெரிவித்துள்ளார்.

நாங்கள் அனைவரும் அதனை பார்த்தோம் உத்வேகம் பெற்றோம் எனவும் அவர் தெரிவித்துள்ளார்.

 

http://www.virakesari.lk/article/44004

 

203 ஓட்டத்துக்குள் சுருண்டது இலங்கை ; ஸ்திரமான நிலையில் இங்கிலாந்து

இலங்கைக்கு எதிரான முதல் டெஸ்ட் போட்டியின் இரண்டாம் நாள் முடிவில் இங்கிலாந்து அணி தனது இரண்டாவது இன்னிங்ஸில் 12 ஓட்டங்களை எதிர்கொண்டு விக்கெட் இழப்பின்றி 38 ஓட்டங்களை பெற்றுள்ளது.

நேற்றைய தினம் ஆரம்பமான இப் போட்டியில் நாணய சுழற்சியில் வெற்றி பெற்ற இங்கிலாந்து அணி முதலாம் நாள் முடிவில் தனது முதல் இன்னிங்ஸில் இன்னிங்ஸில் 91 ஓவர்களுக்கு 8 விக்கெட்டுக்களை இழந்து 321 ஓட்டங்களை குவித்திருந்த வேளை முதலாம் நாள் ஆட்டம் நிறைவுக்கு வந்தது.

ஆடுகளத்தில் 87 பென் போக்ஸ், ஜெக் லேச் 14 ஓட்டத்துடனும் ஆட்டமிழக்காதிருந்தனர்.

இந் நிலையில் 321 ஓட்டத்துடன் இன்று இரண்டாம் நாள் ஆட்டத்தை ஆரம்பித்த இங்கிலாந்து அணி அனைத்து விக்கெட்டுக்களையும் இழந்து 342 ஓட்டங்களை பெற்றது.

‍இங்கிலாந்து அணி சார்பில் பென் போக்ஸ் 107 ஓட்டத்தையும், ஜென்னிங் 46 ஓட்டத்தையும், சாம் குர்ரன் 48 ஓட்டத்தையும் அதிகபடியாக பெற்றுக் கொண்டனர்.

பந்து வீச்சில் இலங்கை அணி சார்பில் தில்றூவான் பெரோ 5 விக்கெட்டுக்களையும், சுரங்க லக்மால் 3 விக்கெட்டுக்களையும், அகில தனஞ்சய மற்றும் ரங்கன ஹேரத் ஆகியோர் தலா 1 விக்கெட்டினையும் வீழ்த்தினர்.

இனையடுத்து தனது முதல் இன்னிங்ஸை ஆரம்பித்த இலங்கை அணி 68 ஓவர்களை எதிர்கொண்டு அனைத்து விக்கெட்டுக்களையும் இழந்து 203 ஓட்டங்களை மாத்திரம் பெற்றுக் கொண்டது. 

இலங்கை அணி சார்பில் அஞ்சலோ மெத்தியூஸ் 52 ஓடத்தையும், தினேஷ் சந்திமால் 33 ஓட்டத்தையும், திக்வெல்ல 28 ஓட்டத்தையும் அதிகபடியாக பெற்றுக் கொணடனர்.

பந்து வீச்சில் இங்கிலாந்து அணி சார்பில் மொய்ன் அலி 4 விக்கெட்டுக்களையும், ஜேக் லேச், அடீல் ரஷத் ஆகியோர் தலா 2 விக்கெட்டுக்களையும், அண்டர்சன் மற்றும் சாம் குர்ரன் ஆகியோர் தலா ஒரு விக்கெட்டினையும் வீழ்த்தினர்.

இந் நிலையில் 139 ஓட்ட முன்னிலையில் இன்றைய தினமே தனது இரண்டாவது இன்னிங்ஸை ஆரம்பித்த இங்கிலாந்து அணி இன்றைய ஆட்ட நேர முடிவின் போது எதுவித விக்கெட் இழப்பின்றி 12 ஓவர்களுக்கு 32 ஓட்டங்களை பெற்றுள்ளது.

ஆடுகளத்தில் ரோரி பன்ஸ் 11 ஓட்டத்துடனும், ஜென்னிங் 26 ஓட்டத்துடனும் ஆட்டமிழக்காதிருந்தனர். நாளை போட்டியின் மூன்றாம் நாள் ஆட்டமாகும்.

http://www.virakesari.lk/article/44040

இங்கிலாந்திற்கு எதிரான முதலாவது டெஸ்ட் – இலங்கைக்கு 462 வெற்றி இலக்கு!

இங்கிலாந்திற்கு எதிரான முதலாவது டெஸ்ட் போட்டியில் 462 என்ற வெற்றி இலக்கை நோக்கி துடுப்பெடுத்தாடி வரும் இலங்கை அணி, நிதானமாக துடுப்பெடுத்தாடுகிறது.

இன்றைய மூன்றாம் நாள் ஆட்ட நிறைவில், தமது இரண்டாவது இன்னிசிற்காக துடுப்பெடுத்தாடும் இலங்கை அணி, விக்கட் இழப்பின்றி 15 ஓட்டங்களைப் பெற்றுள்ளது.

இரண்டு நாட்கள் முழுமையாக மீதமுள்ள நிலையில், இலங்கை அணி வெற்றி பெற 10 விக்கட்டுக்கள் கைவசமிருக்க இன்னும் 447 ஓட்டங்களைப் பெறவேண்டும்.

இலங்கை இங்கிலாந்து அணிகளுக்கிடையிலான முதலாவது டெஸ்ட் கிரிக்கட் போட்டி காலியில் நடைபெற்று வருகின்றது.

இதில் 462 என்ற வெற்றி இலக்கை நோக்கி தமது இரண்டாவது இன்னிங்சிற்காக துடுப்பெடுத்தாடி வரும் இலங்கை அணி, இன்றைய மூன்றாம் நாள் ஆட்ட நிறைவில் இழப்பின்றி 15 ஓட்டங்களைப் பெற்றுள்ளது.

களத்தில் திமுத் கருணாரத்ன 7 ஓட்டங்களுடனும், கௌஷல் சில்வா சில்வா 8 ஓட்டங்களுடனும் ஆட்டமிழக்காது துடுப்பெடுத்தாடி வருகின்றனர்.

இன்னும் இரண்டு நாட்கள் முழுமையாக மீதமுள்ள நிலையில், இலங்கை அணி வெற்றி பெற 10 விக்கட்டுக்கள் கைவசமிருக்க 447 ஓட்டங்களைப் பெறவேண்டும்.

138 ஓட்டங்கள் முன்னிலையுடன் நேற்றைய தினம் தமது இரண்டாவது இன்னிங்சை ஆரம்பித்த இங்கிலாந்து அணி, 6 விக்கட்டுக்களை இழந்து 322 ஓட்டங்களைப் பெற்றிருந்த போது, ஆட்டத்தினை இடைநிறுத்திக் கொண்டது.

துடுப்பாட்டத்தில், ஜென்னிங்க்ஸ் ஆட்டமிழக்காது 146 ஓட்டங்களைப் பெற, பென் ஸ்டோக்ஸ் 62 ஓட்டங்களைப் பெற்றுக் கொடுத்தார்.

பந்து வீச்சில், தில்ருவன் பெரேரா, ரங்கன ஹேரத் ஆகியோர் தலா இரண்டு விக்கட்டுக்களை வீழ்த்தினர்.

முன்னதாக தமது முதல் இன்னிங்சிங்காக துடுப்பெடுத்தாடிய இங்கிலாந்து அணி, 342 ஓட்டங்களையும், இலங்கை அணி 203 ஓட்டங்களையும் பெற்றிருந்தமைக் குறிப்பிடத்தக்கது.

 

http://athavannews.com/இங்கிலாந்திற்கு-எதிரான-ம/

 

மதிய உணவு இடைவேளை: இலங்கை நிதான துடுப்பாட்டம்

இலங்கை இங்கிலாந்து அணிகளுக்கிடையிலான முதலாவது டெஸ்ட் போட்டியின் நான்காம் நாள் ஆட்டம் இன்று நடைபெறுகிறது. இதில், 462 என்ற வெற்றி இலக்கை நோக்கி இலங்கை அணி துடுப்பெடுத்தாடி வருகின்றது.

இலங்கை இங்கிலாந்து அணிகளுக்கிடையிலான முதலாவது டெஸ்ட் கிரிக்கட் போட்டி காலியில் நடைபெற்று வருகின்றது.

இதில் 462 என்ற வெற்றி இலக்கை நோக்கி தமது இரண்டாவது இன்னிங்சிற்காக துடுப்பெடுத்தாடி வரும் இலங்கை அணி, நிதான துடுப்பாட்டத்தை வெளிப்படுத்தியுள்ளது.

விக்கெட் இழப்பின்றி 15 ஓட்டங்களுடன் இன்றைய நான்காம் நாளில் துடுப்பாட்டத்தினை ஆரம்பித்த இலங்கை அணி, மதிய உணவு இடைவேளையில், 3 விக்கெட்டுக்களை இழந்து 98 ஓட்டங்களைப் பெற்றுள்ளது.

களத்தில் குசால் மென்டிஸ் 21 ஓட்டங்களுடன் ஆட்டமிழக்காது துடுப்பெடுத்தாடி வருகின்றார்.

138 ஓட்டங்கள் முன்னிலையுடன் தமது இரண்டாவது இன்னிங்சை ஆரம்பித்த இங்கிலாந்து அணி, 6 விக்கெட்டுக்களை இழந்து 322 ஓட்டங்களைப் பெற்றிருந்த போது, ஆட்டத்தினை இடைநிறுத்திக் கொண்டது.

துடுப்பாட்டத்தில், ஜென்னிங்க்ஸ் ஆட்டமிழக்காது 146 ஓட்டங்களைப் பெற, பென் ஸ்டோக்ஸ் 62 ஓட்டங்களைப் பெற்றுக் கொடுத்தார்.

பந்து வீச்சில், தில்ருவன் பெரேரா, ரங்கன ஹேரத் ஆகியோர் தலா இரண்டு விக்கெட்டுக்களை வீழ்த்தினர்.

முன்னதாக தமது முதல் இன்னிங்சிங்காக துடுப்பெடுத்தாடிய இங்கிலாந்து அணி, 342 ஓட்டங்களையும், இலங்கை அணி 203 ஓட்டங்களையும் பெற்றிருந்தமைக் குறிப்பிடத்தக்கது.

 

http://athavannews.com/மதிய-உணவு-இடைவேளை-இலங்கை/