தொலைபேசிகளை பாதுகாத்த கோயிலுக்கு 2 கோடி ரூபாய் வருமானம்!

மதுரை மீனாட்சியம்மன் கோயிலுக்கு கடந்த 10 மாதங்களில், கையடக்கத் தொலைபேசி பாதுகாப்பு கட்டணம் மூலம் ஒரு கோடியே, 99 இலட்சத்து 10 ரூபாய் வருமானம் கிடைத்துள்ளதாக தெரிவிக்கப்பட்டுள்ளது.

உலகப் புகழ்பெற்ற மதுரை மீனாட்சியம்மன் கோயிலுக்கு உள்ளூர் மட்டுமின்றி வெளி மாவட்டங்கள் மற்றும் வெளிநாடுகளிலிருந்தும் தினசரி ஆயிரக்கணக்கான பக்தர்கள் வந்து செல்கின்றனர்.

இந்நிலையில், கடந்த ஆண்டு பெப்ரவரி மாதம் 2ஆம் திகதி மீனாட்சியம்மன் கோயில் கிழக்கு கோபுர வாசலில் பெரும் தீ விபத்து ஏற்பட்டது.

இதில் 50 கடைகள் எரிந்து நாசமானதுடன் கோயிலில் இருந்த பெருமளவான புறாக்களும் தீயில் கருகின.

தமிழகத்தையே உலுக்கிய இச்சம்பவம் ஆட்சியாளர்கள் மத்தியிலும் கலக்கத்தை ஏற்படுத்தியது.

இதையடுத்து, கோயிலை ஒழுங்குபடுத்த ஆட்சியாளர்கள் சார்பில் பல்வேறு கட்டுப்பாடுகள் விதிக்கப்பட்டன. அதன் அடிப்படையில், மீனாட்சியம்மன் கோயிலுக்குள் பக்தர்கள் கையடக்கத் தொலைபேசி கொண்டுசெல்லக்கூடாது என தடை விதிக்கப்பட்டது.

பக்தர்கள் கொண்டுவரும் கையடக்கத் தொலைபேசிகளை பாதுகாத்துக் கொடுப்பதற்கான நடவடிக்கைகளை கோயில் நிர்வாகம் மேற்கொள்ள வேண்டும் என்று, கடந்த மார்ச் மாதம் உயர்நீதிமன்றம் உத்தரவிட்டது.

இதையடுத்து மீனாட்சியம்மன் கோயில் நிர்வாகம், 5 கோபுர வாசல்களிலும் கையடக்கத் தொலைபேசிகளை பாதுகாப்பாக வைக்க பெட்டகங்களுடன் கூடிய தனி அறைகளை அமைத்து, அங்கு தற்காலிக ஊழியர்களை நியமித்தது.

இந்த அறையில் கையடக்கத் தொலைபேசியை வைத்து பாதுகாக்க 4 மணி நேரத்துக்கு 10 ரூபாய் கட்டணம் வசூலிக்கப்படுகிறது. இதன்மூலம் கோயிலுக்கு நல்ல வருமானம் கிடைத்து வருகிறது.

http://athavannews.com/தொலைபேசிகளை-பாதுகாத்த-கோ/

நல்ல விடயம்

இதனால் அங்கும் இங்கும் கை மாற்றி நடனமாடாமலும், பயமின்றியும் சுவாமி தரிசனம் செய்ய முடியும்.....!   🌺