லாரா மருத்துவமனையில் அனுமதி!

மேற்கிந்திய தீவுகள் அணியின் முன்னாள் கேப்டன் பிரையன் லாரா உடல்நலக் குறைவு காரணமாக மருத்துவமனையில் அனுமதிக்கப்பட்டுள்ளார்.

சர்வதேச கிரிக்கெட்டில் சச்சின் டெண்டுல்கர் புகழ்பெற்று விளங்கிய காலகட்டத்தில் அவருக்கு இணையாக பார்க்கப்பட்டவர் பிரையன் லாரா. கிரிக்கெட்டில் தனி நபர் சாதனைகள் பல புரிந்த லாரா அணியையும் சிறப்பாக வழிநடத்தினார்.

ஓய்வுக்குப் பின் லாரா கிரிக்கெட் வர்ணனையாளராக செயல்பட்டுவருகிறார். நடப்பு உலகக் கோப்பை கிரிக்கெட் தொடரில் ஸ்டார் கிரிக்கெட் சேனலுக்காக கிரிக்கெட் வர்ணனை செய்துவரும் இவர் மகாராஷ்டிரா மாநிலத்தின் பரேல் நகரில் உள்ள குளோபல் மருத்துவமனையில் திடீர் உடல்நலக் குறைவு காரணமாக இன்று மதியம் 12.30 மணியளவில் அனுமதிக்கப்பட்டுள்ளார். அவருக்கு மருத்துவர்கள் சிகிச்சை அளித்து வருகின்றனர் என மருத்துவமனை நிர்வாகம் தெரிவித்துள்ளது.

இந்த மாத தொடக்கத்தில் இந்தியா, பாகிஸ்தான் அணிகளுக்கிடையே நடைபெற்ற ஆட்டத்தை முன்னிட்டு அவர் இங்கிலாந்து சென்றிருந்தார். பின் மீண்டும் இந்தியா திரும்பினார்.

லாரா இன்று தான் தங்கியிருந்த ஹோட்டலில் நிகழ்ச்சியொன்றில் பங்கேற்றபோது நெஞ்சுவலி ஏற்பட மருத்துவமனைக்கு அழைத்துச் செல்லப்பட்டார். மராத்திய நாளிதழ் லோக்சட்டா வெளியிட்டுள்ள செய்திக்குறிப்பில், குளோபல் மருத்துவமனையில் டாக்டர் பிரவீன் குல்கர்னி லாராவை பரிசோதித்துள்ளார். முதற்கட்டமாக ஆஞ்சியோகிராபி சோதனைக்கு பரிந்துரைத்துள்ளார்.

லாரா 131 டெஸ்ட் போட்டிகளில் பங்கேற்று 11,953 ரன்களும், 299 ஒருநாள் போட்டிகளில் பங்கேற்று 10405 ரன்களும் சேர்த்துள்ளார். டெஸ்ட் கிரிக்கெட்டில் 34 சதங்களும், 48 அரை சதங்களும், ஒருநாள் போட்டியில் 19 சதங்களும் 63 அரைச் சதங்களும் அடித்துள்ளார்.

அண்மையில் லாரா தற்போதைய இந்திய பேட்ஸ்மேன்களில் விராட் கோலிக்கு அடுத்தபடியாக நுணுக்கமான ஆட்டத்திறனை வெளிப்படுத்துபவர் லோகேஷ் ராகுல் என புகழ்ந்து பேசியிருந்தார்.

 

 

 

https://minnambalam.com/k/2019/06/25/72

 

லாரா எண்டவுடனை நான் கொஞ்ச நேரம் திக்குமுக்காடிப்போனன்...🤣

10 hours ago, குமாரசாமி said:

லாரா எண்டவுடனை நான் கொஞ்ச நேரம் திக்குமுக்காடிப்போனன்...🤣

இலுமினாட்டி லாரா அண்ணை நல்லாகத்தான் இருக்கின்றார்😂🤣

 

 

 

 

Brian Lara Says "I Am Fine, Recovering And I Will Be Back In My Hotel Room Tomorrow", நெஞ்சுவலி காரணமாக மருத்துவமனையில் அனுமதிக்கப்பட்ட பிரையன் லாராவின் உருக்கமான மெஸேஜ்! – NDTV Sports

கிரிக்கெட் விளையாட்டின் ஜாம்பவானான பிரையன் லாரா, திடீரென்று ஏற்பட்ட நெஞ்சுவலி காரணமாக மும்பையில் இருக்கும் மருத்துவமனையில் சிகிச்சைக்காக அனுமதிக்கப்பட்டார். லாராவின் உடல்நிலை சரியில்லை என்ற தகவல் வந்தவுடன், அவரது ரசிகர்கள் பலரும் சமூக வலைதளங்களில் கவலையுடன் போஸ்டகளை இட்டு வந்த நிலையயில், தனது உடல்நிலை குறித்து அவரே பேசியுள்ளார்.

கிரிக்கெட் வெஸ்ட் இண்டீஸ் இணையதளத்தில் லாரா பேசிய ஆடியோ ஒன்று வெளியிடப்பட்டுள்ளது. “எல்லோருக்கும் என்னைப் பற்றிய கவலை இருக்கும் என்பதை அறிவேன். ஜிம்மில் கொஞ்சம் அதீதமாக பயிற்சி எடுத்திருப்பேன் என நினைக்கிறேன். அதைத் தொடர்ந்துதான் எனக்கு நெஞ்சுவலி ஏற்பட்டது. எனவே, மருத்துவரை சந்தித்து அது குறித்து தெளிவு பெறலாம் என்று முடிவு செய்தேன். எனக்கு மருத்துவமனையில் பல சோதனைகள் செய்யப்பட்டன. 

தற்போது எனது மருத்துவமனை படுக்கையில் ஓய்வெடுத்துக் கொண்டிருக்கிறேன். இங்கிலாந்து - ஆஸ்திரேலிய அணிகளுக்கு இடையிலான போட்டியைப் பார்த்துக் கொண்டிருக்கிறேன். நான் இங்கிலாந்தின் ரசிகன் அல்ல. ஆஸ்திரேலியா இந்தப் போட்டியில் வெற்றி பெறும் என நம்புகிறேன். நான் சீக்கிரமே குணமடையப் போகிறேன். எனது போனிற்குத் தொடர்ந்து அழைப்பு வந்து கொண்டே இருக்கிறது. எனவே, இப்போது அதை அணைத்து வைக்கப் போகிறேன். 

நான் விரைவாக குணமடைந்து வருகிறேன் என்பதை எல்லோர் இடத்திலும் தெரிவித்துக் கொள்ளவே இந்த ஆடியோ மெஸேஜ். எனது ஓட்டல் அறைக்கு விரைவில் திரும்புவேன். உங்கள் அன்புக்கு நன்றி” என்று ஆடியோ மெஸேஜ் மூலம் கூறியிருந்தார் லாரா. 

டிரினிடாடில் பிறந்த லாராவுக்குத் தற்போது 50 வயதாகிறது. இதுவரை விளையாடியதிலேயே மிகச் சிறந்த பேட்ஸ்மேன் என்று பெயர் எடுத்தவர் லாரா. 

லாரா, மொத்தமாக 131 டெஸ்ட் போட்டிகளில் விளையாடி, 52.89 சராசரியில் 11,953 ரன்கள் எடுத்தார். அதேபோல 299 ஒருநாள் போட்டிகளில் விளையாடி, 40.17 சராசரியில் 10,405 ரன்கள் குவித்தார்.

டெஸ்ட் அரங்கில் 400 ரன்கள் அடித்தப் பெருமை லாராவுக்கு மட்டுமே சொந்தம். 

 

https://sports.ndtv.com/tamil/cricket/legend-brian-lara-says-i-am-fine-recovering-and-i-will-be-back-in-my-hotel-room-tomorrow-2059343