பொதுமக்களின் காணியை அபகரிக்கவா? பலாலி விமான நிலையத்தின் நுழைவாயில் கிழக்கு பக்கத்தில் இருந்து மேற்குப்பக்கமாக மாற்றப்படுகிறது என சந்தேகம் வெளியிடப்பட்டுள்ளது.

பலாலி வீதிக்குக் கிழக்குப்பக்கமாக இருந்த பலாலி விமான நிலைய நுழைவாயிலைத் தற்போது மயிலிட்டிப் பக்கமாக (மேற் குப்புறம்) மாற்றும் நடவடிக்கைகள் திரைமறைவில் நடந்து வருவதாக அறிய முடிகிறது. 

 

இந்திய அரசின் நிதிப் பங்களிப்புடன் ஆரம்பிக்கப்பட்டுள்ள பலாலி விமான நிலைய அபிவிருத்திப் பணிகள் வடக்கு மக்களுக்கு ஓர் நற்செய்தியாக அமைந்தாலும் குறித்த விமான நிலையத்தின் முன்பிருந்த கிழக்குப்பக்க நுழை வாயிலை மேற்குப் பக்கமாக மாற்றும் செயற்பாடு பல்வேறு சந்தேகங்களை ஏற்படுத்துவதாய் அமைகிறது.

 

தெல்லிப்பளை பிரதேச செயலாளர் பிரிவிற்குட்பட்ட குறித்த பலாலி விமான நிலையத்தின் பழைய நுழைவாயிலான பலாலி வீதியின் கிழக்குப்பகுதி அதிக தனியார் குடியிருப்புகளைக் கொண்ட பகுதியாகும்.

 

அது மட்டுமல்லாமல் உயர் பாதுகாப்பு வலயம் எனக் கூறும் ஏறக் குறைய இரண்டாயிரம் ஏக்கருக்கு மேற்பட்ட தனியார் காணிகளை உள்ளடக்கிய பகுதிகளாக கிழக்கு மற்றும் அதனோடு இணையும் தெற்கு எல்லைகளும் காணப்படுகின்றது.

 

பலாலி விமான நிலையத்தின் பழைய நுழைவாயில் இருந்த இடத்தில் மீண்டும் அமைத்தால் எதிர்காலத்தில் குறித்த கிழக்குப் பக்கமாக காணப்படுகின்ற 2 ஆயிரம் ஏக்கர் தனியார் காணியை விடுவிக்க வேண்டிய நிலை ஏற்படும்.

 

ஆகையால்தான் நுழைவாயிலை மேற்குப் பக்கமாக மாற்றி அமைத்தால் பலாலி விமான நிலையத்தின் பாதுகாப்பையும் கடற்கரையோர பாதுகாப்பையும் காரணம் காட்டி குறித்த கிழக்குப் பக்கமாக உள்ள தனியார் காணிகளைக் கையகப்படுத்தி விடலாம் அல்லது விடுவிக்காமல் காரணம் கூறுவதற்கு வாய்ப்புக்களை ஏற்படுத்தி விடும்.

 

மேலும் தெல்லிப்பளை புற்றுநோய் வைத்தியசாலையை அண்டிய தெற்குப் பகுதியில் ஏறக்குறைய 800 ஏக்கர் தனியார் காணி காணப்படுவதுடன் பிரதான வைத்தியசாலை வீதியும் காணப்படுகிறது.

 

 அத்தோடு கிழக்குப் பக்கமாக ஏறக்குறைய 1200 ஏக்கர் தனியார் காணிகளை உள்ளடக் கிய பிரதான இணைப்பு வீதியான பலாலி அச்சுவேலி இணைப்பு வீதியின் எஞ்சிய பகுதிகளும் விடுவிக்கப்படாமல் போய் விடும் என்ற அச்சம் தோன்றுகிறது.

 

அபிவிருத்தி என்ற போர்வையில் பொது மக்களின் காணிகள் அபகரிக்கப்படுவதும் விடுவிக்கப்படாமல் போவது பற்றியும் மக்கள் விழிப்படைவதுடன் தமிழ் அரசியல்வாதிகள் உரிய தரப்பினருக்கு அழுத்தங்களை பிரயோகிக்க வேண்டும்.         

 

http://valampurii.lk/valampurii/content.php?id=19178&ctype=news       

 

'பலாலி, மட்டக்களப்பு மற்றும் இரத்மலானை விமான  நிலையங்களை அபிவிருத்தி செய்ய நடவடிக்கை"

பலாலி, மட்டக்களப்பு மற்றும் இரத்மலானை ஆகிய மூன்று விமான நிலையங்களையும் அபிவிருத்தி செய்ய அரசாங்கம் தீர்மானித்துள்ளது. முன்று கட்டமாக இடம்பெறவுள்ள இந்த  விமான நிலையங்களின் அபிவிருத்திப் பணிகளும் விரைவில் ஆரம்பிக்கப்படவுள்ளதாகவும் மத்தள விமான நிலையத்தின் சேவைகளைப் துரிதப்படுத்துவதற்கான பேச்சுவார்த்தைகளை இந்திய அரசாங்கத்துடன் முன்னெடுத்து வருவதாகவும் போக்குவரத்து மற்றும் சிவில் விமானச் சேவைகள் அமைச்சர் அர்ஜூன ரணதுங்க தெரிவித்தார்.

அரசாங்க தகவல் திணைக்களத்தில் இன்று  இடம்பெற்ற ஊடகவியலாளர் சிந்திப்பில் இதனை தெரிவித்த அமைச்சர் மேலும் கூறியதாவது,   

போக்குவரத்துத் துறையை துரிதப்படுத்துவதற்காக கடந்த காலங்களில் ஆரம்பிக்கப்பட்டிருந்த வேலைத்திட்டங்களோடு இன்னும் புதிய வேலைத்திட்டங்களும் ஆரம்பிக்கப்பட்டுள்ளன.  

கொழும்பு  நகரத்துக்கான புகையிரத சேவைகளை துரிதப்படுத்துவதற்கான பணிகளும் இடம்பெற்று வருகின்றன.இந்த அபிவிருத்தி வேலைத்திட்டங்களுக்கு  ஆசிய அபிவிருத்தி வங்கி நிதி உதவியை வழஙக்வுள்ளது. அதேபோன்று கண்டி நகரத்துக்கான புகையிரத  சேவைகளும்  குறுகிய காலத்தில் ஆரம்பிக்கப்படுமென அவர் இதன்போது தெரிவித்தார்.

https://www.virakesari.lk/article/62086

5 hours ago, ampanai said:

பலாலி வீதிக்குக் கிழக்குப்பக்கமாக இருந்த பலாலி விமான நிலைய நுழைவாயிலைத் தற்போது மயிலிட்டிப் பக்கமாக (மேற் குப்புறம்) மாற்றும் நடவடிக்கைகள் திரைமறைவில் நடந்து வருவதாக அறிய முடிகிறது.  

மயிலிட்டி மேற்கு பக்கமா இருக்குதோ? அல்லது வடக்கோ?

அச்சுவேலிக்காரர் சுருக்கா வீட்டை போகக்கூடா என்டு ஒரு சுத்து சுத்தி போகவைக்க போகினம்.