-எஸ்.நிதர்ஷன்

தமிழ் அரசியல்வாதிகளிடத்தே திட்டங்கள் இல்லாத கொள்கையே இருப்பதாகத் தெரிவித்த யாழ்ப்பாணப் பல்கலைக்கழகப் பேராசிரியர் சிறிசற்குணராஜா, அவர்கள் காகிதப் புலிகளை வைத்து அரசியல் செய்வதையே பார்க்கக் கூடியதாக இருப்பதாகவும் கூறினார்.

முன்னாள் நாடாளுமன்ற உறுப்பினர் அமர்ர் வி. தர்மலிங்கத்தின் 34ஆவது ஆண்டு நினைவஞ்சலி நிகழ்வு, யாழ்ப்பாணம் - தாவடியில் அமைந்துள்ள தர்மலிங்கத்தின் நினைவுத் தூபியில், நேற்று (02) நடைபெற்றது. இதில் கலந்துகொண்டு உரையாற்றும் போதே, அவர் இவ்வாறு தெரிவித்தார்.

அங்கு தொடர்ந்துரைத்த அவர், தமிழ் மக்களின் பிரச்சினைகளைத் தீர்ப்பதற்கான திட்டங்கள் எவையும் தமிழ் அரசியல்வாதிகளிடத்தே இல்லையெனவும் தெரிவித்தார்.

நாட்டில் தேர்தல்கள் வரவிருக்கின்ற நிலையில், அரசியல்வாதிகள் ஒற்றுமையாக இருக்கின்றனரா என்று பார்க்க வேண்டுமெனத் தெரிவித்த அவர், மக்களுக்காக கட்சிகள் ஒற்றுமையாக இருந்து செயற்படுவதே சிறந்ததெனவும் கூறினார்.

அதே நேரத்தில், இருக்கின்றவர்களும் மக்களுக்காகச் செயற்படுபவர்களாக இருக்க வேண்டுமெனவும், அவர் மேலும் கூறினார்.

http://www.tamilmirror.lk/யாழ்ப்பாணம்/தமிழ்-அரசியல்வாதிகளிடம்-திட்டங்களற்ற-கொள்கையே-உள்ளது/71-237801

‘சிறுபான்மையினர் சிதைவு பெரும்பான்மையினருக்கு வேட்டையாக அமையும்’

 

-எஸ்.நிதர்ஷன்

சிறுபான்மைச் சமூகம் சிதைவுற்றால், அது பெரும்பான்மையினருக்கு வேட்டையாக அமையுமென்றுத் தெரிவித்த கோப்பாய் ஆசிரியர் கலாசாலைப் பிரதி அதிபர் லலீசன், ஆகவே, தாம் சிதைவுறாது தமது உரிமைக்காக ஒருமித்து பயணிக்க வேண்டுமெனவும் கூறினார்.

முன்னாள் நாடாளுமன்ற உறுப்பினர் அமர்ர் வி. தர்மலிங்கத்தின் 34ஆவது ஆண்டு நினைவஞ்சலி நிகழ்வு, யாழ்ப்பாணம் - தாவடியில் அமைந்துள்ள தர்மலிங்கத்தின் நினைவுத் தூபியில், நேற்று (02) நடைபெற்றது. இதில் கலந்துகொண்டு உரையாற்றும் போதே, அவர் இவ்வாறு தெரிவித்தார்.

அங்கு தொடர்ந்துரைத்த அவர், இந்த நாட்டில் தற்போது தேர்தல்கள் வரவிருக்கின்ற நிலையில், சிறுபான்மை மக்களின் வாக்கு தமக்கு பெற்றுக் கொள்வதற்காக பலரும் முனைவதாகவும் தெரிவித்தார்.

அதே வேளையில், சிறுபான்மை மக்களைச் சிதைத்தும் தமக்கான வாக்குகளைப் பெற்றுக் கொள்வதற்கான நடவடிக்கைகளும் மேற்கொள்ளப்பட்டு வருதாகத் தெரிவித்த அவர், இந்த இடத்தில் தான் தங்களுடத்தே ஒற்றுமையும் நிதானமும் அவசியம் தேவைப்படுகிறதெனவும் கூறினார்.

இவ்வாறான நிலையில் தாம் ஒன்றாக இல்லை என்றால், தந்தை செல்வா சொன்னது போல கடவுள் தான் காப்பாற்ற வேண்டுமெனவும், அவர் மேலும் கூறினார்.

http://www.tamilmirror.lk/யாழ்ப்பாணம்/சிறுபான்மையினர்-சிதைவு-பெரும்பான்மையினருக்கு-வேட்டையாக-அமையும்/71-237800