இஸ்லாம் பற்றிய கண்ணோட்டத்தை மாற்ற துருக்கி, பாகிஸ்தான், மலேசியா கூட்டு முயற்சி!

இஸ்லாம் மற்றும் அதன் கோட்பாடுகளை பின்பற்றுபவர்களுக்கு எதிராக மேற்குலக நாடுகள் கொண்டுள்ள தவறான கண்ணோட்டத்தை மாற்றுவதற்கு துருக்கி, பாகிஸ்தான் மற்றும் மலேசியா ஆகிய நாடுகள் கூட்டான புதிய முயற்சியொன்றுக்கு வித்திட்டுள்ளன.

அந்த வகையில் இஸ்லாம் பற்றிய விழிப்புணர்வுகளை ஏற்படுத்துவதற்கும், தவறான கண்ணோட்டத்தை களைவதற்கும் சர்வதேச ரீதியாக செயற்படக் கூடிய புதிய தொலைக்காட்சி அலைவரிசையொன்றை ஆரம்பிக்கவுள்ளன.

ஐக்கிய நாடுகள் சபை கூட்டத்தில் பங்கேற்பதற்காக அமெரிக்காவின் நியூயோர்க் நகருக்கு விஜயம் மேற்கொண்டிருந்த பாகிஸ்தான் பிரதமர் இம்ரான் கான், துருக்கி ஜனாதிபதி தையிப் எர்டோகன், மலேசியா பிரதமர் மஹதிர் மொஹம்மட் ஆகியோர் சந்தித்து பல்வேறு விவகாரங்கள் தொடர்பாக ஆலோசனை நடத்தினர்.

முஸ்லிம் மக்கள் மற்றும் இஸ்லாம் மதத்துக்கு எதிரான வெறுப்புணர்வு, குரோதம் மற்றும் அச்ச உணர்வை ஏற்படுத்தும் வகையில் மேற்கத்திய நாடுகள் பின்பற்றி வருகின்ற ‘இஸ்லாமோபோபியா’ என்ற நிலைப்பாட்டை மாற்ற வேண்டும் என்பதை இந்த சந்திப்பின்போது மூன்று நாடுகளின் தலைவர்களும் ஆமோதித்தனர்.

இஸ்லாம் மதத்தை பயங்கரவாதத்துடன் தொடர்புப்படுத்தி நோக்கும் மனப்பாங்கையும், கண்ணோட்டத்தையும் எதிர்த்து முறியடிக்க வேண்டுமானால் மூன்று நாடுகளும் சேர்ந்து ஆங்கில தொலைக்காட்சி அலைவரிசை ஒன்றை ஆரம்பிக்க வேண்டும்.

அந்த அலைவரிசையில் ஒளிபரப்பட்டும் நிகழ்ச்சிகளின் மூலம் மேற்கத்திய நாடுகளுக்கு விழிப்புணர்வை ஏற்படுத்த முடியும் என தீர்மானிக்கப்பட்டது.

இந்த தீர்மானம் தொடர்பாக செய்தியாளர்கள் மத்தியில் செவ்வியளித்த மலேசியா பிரதமர் ‘இஸ்லாம் மதத்தைப் பற்றியும் முஸ்லிம்களை பற்றியும் வெளியாகும் பல செய்திகளும் பதிவுகளும் சரியானவை அல்ல, இஸ்லாத்தின் போதனைகளை அவை சித்தரிக்கவில்லை என்று நாங்கள் கருதுகின்றோம்.

முஸ்லிம்கள் பயங்கரவாதிகளாக முத்திரை குத்தப்படுகின்றனர். இஸ்லாம் என்பது வன்முறை சார்ந்த மதமாக இல்லாவிட்டாலும் முஸ்லிம்கள் பயங்கரவாதிகள் என்று உலகம் நம்புகின்றது.

எனவே, இந்த குழப்பங்களை போக்கும் வகையில் இஸ்லாம் என்பது என்ன? என்பதை தெளிவுப்படுத்த ஒரு முயற்சி தேவை. இதன் மூலம் பயங்கரவாதத்தை ஊக்குவிக்கும் மதம் என்ற பழிச்சொல் இஸ்லாம் மதத்தை வந்து சேராது” என்று குறிப்பிட்டுள்ளார்.

http://athavannews.com/இஸ்லாம்-பற்றிய-கண்ணோட்டத/

இஸ்லாம் மதத்தை சாராதவர் எவரையும் கொல்லலாம் என குர் ஆன் கூறுகின்றது என்பது மேற்குலக நாடுகளில் ஆழமாக பதிந்த ஒரு விடயம்.

1 minute ago, ampanai said:

இஸ்லாம் மதத்தை சாராதவர் எவரையும் கொல்லலாம் என குர் ஆன் கூறுகின்றது என்பது மேற்குலக நாடுகளில் ஆழமாக பதிந்த ஒரு விடயம்.

ஒரு மனிதனின்  நன்னடத்தை, கெட்டுப்  போனாலே...  
மற்றவர்கள் அவரை எப்போதும் சந்தேகக் கண்ணுடன் தான்  பார்ப்பார்கள்.

இஸ்லாம் மதம், உலகம் முழுக்க... தனது பெயரை களங்கப்  படுத்தி விட்டு,
அதை... தட்டி நிமித்த,  மூன்று பேர் கிளம்பியிருப்பதை பார்க்க....
"கல்லில்... நார், உரிக்கிற வேலையாய்"  போகப் போகுது.