விடுதலைப்புலிகள் இயக்கத்திற்கு புத்துயிர் கொடுப்பதற்கும் மலேசியாவிற்கான இலங்கை தூதரகத்தை தாக்குவதற்கும் திட்டமிட்டவர்களை கைதுசெய்துள்ளதாக மலேசியாவின்; பயங்கரவாத தடுப்பு பிரிவின் தலைவர் அயோப் கான் மைடின் பிட்சை தெரிவித்துள்ளார்.

மலேசிய பிரஜைகளே  இவ்வாறு கைதுசெய்யப்பட்டுள்ளனர்.

இருவர் கைதுசெய்யப்பட்டுள்ளதை தொடர்ந்தே  விடுதலைப்புலிகள் அமைப்பிற்கு புத்துயுர் கொடுப்பதற்கான முயற்சிகள் குறித்த விபரங்கள் வெளியாகியுள்ளதாக அவர் தெரிவித்துள்ளார்.

இதனை தொடர்ந்து இடம்பெற்ற விசாரணைகளை தொடர்ந்து ஏழு பேர் கைதுசெய்யப்பட்டுள்ளனர் என அவர் குறிப்பிட்டுள்ளார்.

கடந்த நவம்பர் மாதம் முதல்  இவர்களை கண்காணித்து வந்ததாக  அயோப் கான் மைடின் பிட்சை தெரிவித்துள்ளார் தெரிவித்துள்ளார்.

இவர்கள் அனைவரும் விடுதலைப்புலிகளிற்கு நிதி சேகரிக்கும் நடவடிக்கைகளில் ஈடுபட்டிருந்தனர்,குணசேகரன் என்பவர் விடுதலைப்புலிகளை நினைவுகூறும் நிகழ்வில் கலந்துகொண்டிருந்தார்,மற்றொருவர் அந்த அமைப்பிற்கு ஆதரவான பிரசுரங்களை விநியோகித்தார் எனவும் குறிப்பிட்டுள்ள அவர் விடுதலைப்புலிகள் அமைப்பிற்கு ஆதரவான உரையாற்றிய குற்றத்திற்காகவும் ஒருவரை கைதுசெய்துள்ளதாகவும் குறிப்பிட்டுள்ளார்.

இது தவிர மலேசிய தலைநகரில் விடுதலைப்புலிகளிற்கு ஆதரவளிக்கும் நிகழ்வொன்றை ஏற்பாடு செய்த நபரையும், கைதுசெய்துள்ளதாகவும் அயோப் கான் மைடின் பிட்சை தெரிவித்துள்ளார்.

இதேவேளை மலேசிய தலைநகரில் உள்ள இலங்கை தூதரகத்தின் மீது தாக்குதலை மேற்கொள்ள திட்டமிட்டார் என்ற சந்தேகத்தின் பேரில்  காப்புறுதி முகவர் ஒருவரையும் கைதுசெய்துள்ளதாக அயோப் கான் மைடின் பிட்சை தெரிவித்துள்ளார்.

மலேசியாவிற்கு வெளியே உள்ள சக்திகள் எங்கள் நாட்டில் விடுதலைப்புலிகளிற்கு புத்துயுர் அளிக்க முற்படுகின்றன என தெரிவித்துள்ள அயோப் கான் மைடின் பிட்சைஇதனை தடுத்து நிறுத்துவதற்காகவே நாங்கள் இவர்களை கைதுசெய்வதற்கான நடவடிக்கையை எடுத்துள்ளோம் என தெரிவித்துள்ளார்.

கைதுசெய்யபட்டவர்களில் இருவர் டீஏபி கட்சியின் உறுப்பினர்கள் எனவும் அவர் குறிப்பிட்டுள்ளார்.

https://www.virakesari.lk/article/66629

1. விடுதலைப் புலிகளுடன் தொடர்பா? சட்டமன்ற உறுப்பினர்கள் சாமிநாதன், குணசேகரன் கைது!

   Aegan அக்டோபர் 10, 2019அக்டோபர் 10, 2019510
   

   கோலாலம்பூர், அக். 10-

   மலாக்கா நெகிரி செம்பிலான் ஆகிய மாநிலங்களின் சட்டமன்ற உறுப்பினர்கள் இருவர் கைது செய்யப்பட்டுள்ளனர்.

   காடிக் சட்டமன்ற உறுப்பினரும் மலாக்கா ஆட்சிக்குழு உறுப்பினருமான ஜி சாமிநாதன், சிரம்பான் ஜெயா சட்டமன்ற உறுப்பினர் பி குணசேகரன் ஆகியோர் இன்று காலை அவர்களது அலுவலகத்தில் போலீசாரால் கைது செய்யப்பட்டுள்ளனர். இவர்களுடன் பேராவில் செயல்படும் இந்திய அரசு சாரா இயக்கத்தின் தலைவரும் கைது செய்யப்பட்டுள்ளார்.

   இந்த மூவரும் விடுதலைப் புலிகள் இயக்கத்துடன் தொடர்புடையவர்கள் என்ற சந்தேகத்தின் பெயரில் கைது செய்யப்பட்டுள்ளதாக தெரியவந்துள்ளது.

   பினாங்கு மாநில இரண்டாம் முதல்வர் பேராசிரியர் ராமசாமி ஜனநாயக செயல் கட்சியின் இரண்டு உறுப்பினர்கள் கைது செய்யப்பட்டதை உறுதி படுத்தினார்.

   கடந்த ஆண்டு இலங்கையில் நடந்த போராளிகள் விழாவில் இவர்கள் கலந்து கொண்டதன் அடிப்படையில் கைது செய்யப்பட்டு இருக்கலாம் என்ற தகவலையும் அவர் தெரிவித்தார்.

   இதுகுறித்த அதிகாரத்துவ அறிக்கையை விரைவில் வெளிவரும் என புக்கிட் அமான் தீவிரவாத தடுப்பு பிரிவின் தலைவர் அயூப்கான் மைதீன் தெரிவித்துள்ளார்.

   https://www.anegun.com/?p=36169