காணாமலாக்கப்பட்டோரின் உறவினர்கள் மாபெரும் போராட்டத்திற்கு அழைப்பு

 

 

by : Dhackshala

காணாமலாக்கப்பட்டோரின் உறவினர்களால் முல்லைத்தீவில் எதிர்வரும் 8ஆம் திகதி மாபெரும் போராட்டமொன்று முன்னெடுக்கப்படவுள்ளது.

இந்த போராட்டத்தில் அனைவரையும் கலந்துகொள்ளுமாறு காணாமலாக்கப்பட்டோரின் உறவினர்கள் சங்கத்தின் தலைவி சரோஜினி அழைப்பு விடுத்தார்.

வவுனியா தமிழ் ஊடகவியலாளர் சங்கத்தில் இன்று (புதன்கிழமை) இடம்பெற்ற ஊடக சந்திப்பின்போதே அவர் இந்த அழைப்பை விடுத்தார்.

அவர் அங்கு மேலும் கருத்து தெரிவிக்கையில், “வலிந்து காணாமலாக்கப்பட்டோரின் உறவுகள் போராட ஆரம்பித்து எதிர்வரும் மார்ச் மாதம் 8ம் திகதி மூன்று வருடங்களை நிறைவு செய்யவுள்ளோம்.

நாம் தொடர்ந்து போராடி வரும் நிலையில், எமது போராட்டத்திற்கு எந்தவித தீர்வும் எட்டப்படாத நிலையில், எங்களுடைய உறவுகளை இராணுவத்திடம் கையளிக்கப்பட்ட இடமான முல்லைத்தீவு செல்வபுரம் மில்லடியில் இருந்து முல்லைத்தீவு மாவட்ட செயலகம் வரை கவனயீர்ப்பு போராட்டத்தை முன்னெடுக்கவுள்ளோம்.

இதில் அரச,  அரச சார்பற்ற நிறுவனங்கள், அமைப்புக்கள், காணாமலாக்கப்பட்டோரின் உறவுகள் என அனைவரும் கலந்துகொண்டு போராட்டத்திற்கு வலுச்சேர்க்க வேண்டும்” என அழைப்பு விடுத்தார்.

http://athavannews.com/காணாமலாக்கப்பட்டோரின்-10/

 

 

போராட்டங்களை தொடர்ர அதேநேரத்தில கஜேந்திரகுமார் சிறீதரன் போன்ற அரசியல் வியாபாரிகள் பின்னால நின்டு உங்களுக்குள்ள பிரிவுகளை வளர்த்துக்கொள்வது ஆபத்தானது.

இந்தமாதிரி பிரிவுகளுக்கு பின்னால இருக்கிற புலம்பெயர் வியாபாரிகளையும் நீங்க இனம்கண்டு விலக்கிக்கொள்வது உங்கட போராட்டத்தின் நியாயத்தை பேணிக்கொள்ள உதவும்.