பத்திரிகையாளர் சந்திப்பில் ஹூல் – மஹிந்த இடையே முரண்பாடு

 

யாழ்ப்பாணம் மாவட்ட செயலகத்தில் இன்று (14) இடம்பெற்ற பத்திரிகையாளர் சந்திப்பில் தேர்தல் ஆணையாளர் மஹிந்த தேசப்பிரிய – தேர்தல் ஆணைக்குழு உறுப்பினர் இரட்ணஜீவன் ஹூல் இடையே கருத்து வேறுபாடு ஏற்பட்டது.

“வேட்பாளர்கள் செல்லும் வாகனங்களில், வேட்பாளர்களின் படங்கள் தவிர, வேட்பாளரின் தலைவரினதோ வேறு வேட்பாளர்களினதோ படங்களும் காட்சிப்படுத்த முடியாது” என ஹூல் தெரிவித்ததுடன், இந்த விதிமுறையை மீறி செயற்பட்ட வாகனம் ஒன்றும் மன்னாரில் பொலிஸாரால் கைப்பற்றப்பட்டதாகவும் தெரிவித்தார்.

இது தொடர்பில் கருத்து தெரிவித்த தேசப்பிரிய, “வேட்பாளர்கள் தமது வாகனங்களில் தம் தலைவர்களின் படங்களை காட்சிப்படுத்த முடியும். இதுதொடர்பில் ஆணைக்குழுவில் கலந்துரையாட வேண்டும். பத்திரிகையாளர் சந்திப்பில் தெரிவிக்க வேண்டாம்” எனவும் சுட்டிக்காட்டினார்.

இதேபோன்று, வடக்கில் உள்ள இராணுவப் பிரசன்னம் போன்றுதான் தெற்கிலும் இருக்கிறது என்று அதனை மஹிந்த தேசப்பிரிய நியாயப்படுத்த முயன்றபோது, அதற்கு ஹூல், “இராணுவத்தினர் தமது துப்பாக்கிகளை வாகனத்துக்குள் நீட்டி சோதனை செய்கின்றனர். தற்போது அவசரகாலச் சட்டம் அமுலில் இல்லை என்பதை நினைவில் கொள்ள வேண்டும். காெராேனா கட்டுப்பாடுகளை பயன்படுத்தி இராணுவத்தினர் சகல விடயங்களிலும் தலையிடுகின்றனர். உண்மையில், அவர்கள் உடல்நிலையை கூட பரிசோதிப்பதில்லை. எங்கே செல்கின்றீர்கள்? ஏன் செல்கின்றீர்கள்? என்று கேட்டு சோதனை நடவடிக்கைகளை மட்டும் முன்னெடுக்கிறார்கள்” என்றார்.

இதற்கு பதிலளித்த தேசப்பிரிய, “முப்படைகளையும் நாடு முழுவதும் பாதுகாப்பு கடமைகளில் ஈடுபடுத்தும் வர்த்தமானி அமுலில் உள்ளமையை நினைவில் கொள்ள வேண்டும்” என்று பதிலளித்தார்.

https://newuthayan.com/பத்திரிகையாளர்-சந்திப்ப/

ஹூலுக்கு காச்சட்டை நனைத்துவிட்டதா?

3 hours ago, உடையார் said:

“இராணுவத்தினர் தமது துப்பாக்கிகளை வாகனத்துக்குள் நீட்டி சோதனை செய்கின்றனர். தற்போது அவசரகாலச் சட்டம் அமுலில் இல்லை என்பதை நினைவில் கொள்ள வேண்டும். காெராேனா கட்டுப்பாடுகளை பயன்படுத்தி இராணுவத்தினர் சகல விடயங்களிலும் தலையிடுகின்றனர். உண்மையில், அவர்கள் உடல்நிலையை கூட பரிசோதிப்பதில்லை. எங்கே செல்கின்றீர்கள்? ஏன் செல்கின்றீர்கள்? என்று கேட்டு சோதனை நடவடிக்கைகளை மட்டும் முன்னெடுக்கிறார்கள்”

இந்த விடயத்தில் இரட்ணஜீவன் கூலை பாராட்டியே ஆகவேண்டும்!