எங்களை கொன்றொழியுங்கள் உங்களுக்கு நிவாரணம் வழங்குகிறோம் என செயற்பட முடியாது

புலிகள் அமைப்பில் இருந்தவர்கள் காணாமல் போயிருந்தால், அவர்கள் வெளிநாட்டுக்கு சென்றிருப்பார்கள். புலிகளின் குடும்பங்களுக்கு நட்ட ஈடு அல்லது நிவாரணம் வழங்கினால் பயங்கரவாதத்தை ஊக்குவிப்பது போலாகும் என்று வெகுசன ஊடக அமைச்சர் கெஹெலிய ரம்புக்வெல தெரிவித்துள்ளார்.

கொழும்பு ஊடகம் ஒன்றுக்கு கருத்துத் தெரிவித்த போதே மேற்கண்டவாறு குறிப்பிட்டார். மேலும்,

“எவராவது காணாமல் போனவர்கள் என்று கூறுவார்களாக இருந்தால், அவர்களைத் தேட முடியாதென்றே அர்த்தம். அவர்கள் வெளிநாடுகளுக்குச் சென்றிருக்கலாம். காணாமல் போனவர்கள் தொடர்பில் கண்டறிவதற்கான அலுவலகத்துக்கு வழங்கப்பட்டுள்ள பெயர்களில் அரைவாசிப் பேர் வெளிநாடுகளுக்குச் சென்றவர்கள் எனக் கண்டறியப்பட்டுள்ளது.

நாட்டில் யுத்தம் ஒன்று நடைபெற்றது என்பதை மறந்துவிடக் கூடாது. இராணுவம் மற்றும் புலிகள் என இரு தரப்பிலிருந்தும் காணாமல் போனவர்கள் இருக்கிறார்கள். எனவே இவர்களைத் தேடுவது பெறுமதியான விடயம்தான். ஆனால், காணாமல் போனவர்களைத் தேடுவதற்கென்று ஒரு முறை இருக்கிறது.

புலி உறுப்பினர்களின் குடும்பத்தினருக்கு நட்ட ஈடு அல்லது நிவாரணங்களை வழங்குவது என்பது பயங்கரவாதத்தை ஊக்குவிப்பது போன்றதாகும். நீங்களை எங்களைக் கொன்றொழியுங்கள், உங்களது குடும்பத்துக்கு நாங்கள் நட்ட ஈடு வழங்குகிறோம் என்று அரசாங்கம் கூறுவதாகவே இது அமையும்.” – என்று தெரிவித்ததுடன், தமிழீழ விடுதலைப் புலிகளின் தலைவர் வே.பிரபாகரனின் குடும்பத்தினருக்கு நட்டஈடு வழங்குவது சரியா? எனவும் கெஹெலிா கேள்யுள்ளார்.

 

https://newuthayan.com/எங்களை-கொன்றொழியுங்கள்-உ/

Edited August 26, 20205 yr by உடையார்

1 hour ago, உடையார் said:

தமிழீழ விடுதலைப் புலிகளின் தலைவர் வே.பிரபாகரனின் குடும்பத்தினருக்கு நட்டஈடு வழங்குவது சரியா? எனவும் கெஹெலிா கேள்யுள்ளார்.

ஐயா, குடிபோதையில் விழுந்து முறிந்துவிட்டு நடட ஈடு வாங்கியவரே! நீர் காணாமற் போனவர்களின் தேடலையும், வலியையும் உம்முடைய வியாபார புத்தியோடு இணைத்துப் பேசாதேயும். உங்களிடம் இருந்து விலகி, கௌரவமாக வாழ போராடியவர், தன் குடும்பத்தையையே அதற்காக ஆகுதியாக்கியவர், நாட்டுமக்களை வறுமையில் வைத்திருக்கும் உம்மிடம் நட்ட ஈடு கேட்டு வந்தாரோ? யாராவர்? இன்னும் கற்பனையில் வாழுறார் இவர்.  அதற்கும் யாரையாவது சோடித்து  வைத்திருக்கிறீர்களோ? 

4 hours ago, உடையார் said:

நாட்டில் யுத்தம் ஒன்று நடைபெற்றது என்பதை மறந்துவிடக் கூடாது.

யுத்தம் என்பதை நாங்களும் மறுப்பின்றி ஏற்றுக்கொள்கிறோம். வென்றவர் நீங்கள், வென்றவர் வென்றவரே. தோற்றவர் நாங்கள், தோற்றவர் தோற்றவரே. பின் எதற்குப் பயங்கரவாதிகள் என்று தோற்றவர்களுக்குப் பட்டம் சூட்டவேண்டும்....? பரமசிவன் கழுத்திலிருந்து பாம்பு கேட்பதுபோல்.! அரச பதவியில் இருப்பதால் போர் நெறியை மாற்ற முடிகிறதோ... ??