வைத்தியசாலையில் இருந்து வெளியேறும் சசிகலா: பலத்த பாதுகாப்பு பணிகளில் பொலிஸார்

பெங்களூர் விக்டோரியா அரச வைத்தியசாலையில் சிகிச்சை பெற்று வந்த அ.தி.மு.கவின் முன்னாள் பொதுச் செயலாளர் சசிகலா, இன்று (ஞாயிற்றுக்கிழமை) வைத்தியசாலையில் இருந்து  வெளியேறவுள்ளார்.

பெங்களூர் சிறையில் கடந்த 4 ஆண்டுகளாக தடுப்பு காவலில் இருந்த சசிகலா, கடந்த 27ஆம் திகதி விடுதலை செய்யப்பட்டார்.

ஆனால் கொரோனா பாதிப்பு காரணமாக அந்நேரம் அவர் வைத்தியசாலையில் அனுமதிக்கப்பட்டு சிகிச்சை பெற்றுவந்தமையினால்,  சிறைத்துறை நிர்வாகத்தினர் நேரடியாக அங்குச் சென்று,விடுதலை செய்யப்பட்டதற்கான சான்றிதழை வழங்கினர்.

இந்நிலையில் தற்போது சசிகலா, கொரோனா பாதிப்பில் இருந்து முழுமையாக குணமடைந்தார். எனவே இன்று (ஞாயிற்றுக்கிழமை) அவர் வைத்தியசாலையில் இருந்து  வெளியேறுகிறார்.

எனினும் ஒருவாரம் தனிமைப்படுத்திக்கொள்ள வேண்டும் என்ற வைத்தியர்களின் அறிவுரையின்படி,பெங்களூரிலுள்ள வீடொன்றில் ஒரு வாரம் தங்கி சசிகலா ஓய்வெடுக்க இருக்கிறார்.

இவ்வாறு சசிகலா, வைத்தியசாலையில் இருந்து வெளியேறவுள்ளமையினால் வைத்தியசாலை வளாகத்தில் பாதுகாப்பு அதிகரிக்கப்பட்டுள்ளது.

http://athavannews.com/வைத்தியசாலையில்-இருந்து/

சசிகலா காரில் அதிமுக கொடி!

மின்னம்பலம்

 

அதிமுகவின் முன்னாள் இடைக்கால பொதுச் செயலாளர் சசிகலா இன்று பெங்களூரு விக்டோரியா மருத்துவமனையில் இருந்து டிஸ்சார்ஜ் செய்யப்பட்டார். கடந்த 3 நாட்களாக அவரது சுவாசம் இயல்பாக இருப்பதாலும் கொரோனா அறிகுறிகள் இல்லாததாலும் சசிகலா இன்று டிஸ்சார்ஜ் செய்யப்படுகிறார். அதேநேரம் அவர் தனிமைப்படுத்திக்கொள்ள வேண்டும் என்றும் மருத்துவர்கள் அறிவுறுத்தியுள்ளனர்.

இந்த நிலையில் இன்று (ஜனவரி 31) சசிகலா விக்டோரியா மருத்துவமனையில் இருந்து டிஸ்சார்ஜ் ஆகி வெளியே வந்தார். அவர் பெங்களூருவில்தான் சில நாட்கள் தங்கப் போவதாக கூறப்படுகிறது. இந்நிலையில் மருத்துவமனை வாசலில் அவரது காரை பூக்கள் தூவி அமமுக தொண்டர்கள் வரவேற்றனர்.

சசிகலாவைப் பார்த்ததை விட அவரது காரைப் பார்த்ததும் தொண்டர்கள் மேலும் உற்சாகம் அடைந்தனர். ஏனெனில் அதிமுக பொதுச் செயலாளராக இருந்தபோது ஜெயலலிதா பயன்படுத்திய காரான டி.என்.09 BX 3737 என்ற காரில் முன்னால் அதிமுக கொடி பறக்க சசிகலா மருத்துவமனையில் இருந்து புறப்பட்டார்.

 

கடந்த ஜனவரி 18 ஆம் தேதி தமிழக முதல்வர் எடப்பாடி பழனிசாமி டெல்லியில் பிரதமர் மோடியை சந்தித்த பிறகு செய்தியாளர்களிடம் பேசியபோது, “சசிகலா அதிமுகவில் உறுப்பினரே கிடையாது. அவர் கட்சியில் சேர நூறுசதவிகிதம் வாய்ப்பே இல்லை” என்று கூறினார். ஆனால் இதுகுறித்து அதிமுகவின் ஒருங்கிணைப்பாளர் ஓபிஎஸ் இதுவரை எந்தக் கருத்தும் கூறவில்லை. மாறாக அவரது மகன் ஜெய பிரதீப் தனது சமூக தளத்தில் சசிகலாவுக்கு வாழ்த்து தெரிவித்திருந்தார்.

அதிமுகவில் சசிகலாவுக்கு இடமில்லை என்ற முதல்வரால் கூறப்பட்ட நிலையில் சசிகலா இன்று தனது காரில் அதிமுக கொடியை கட்டிக் கொண்டு புறப்பட்ட காட்சி தமிழ்நாடு அரசியலில் அதிர்வுகளை உண்டாக்கியுள்ளது.

சசிகலா தமிழகத்துக்குள் நுழைந்ததும் அடுத்த கட்ட பரபரப்புகள் அரங்கேறும் என்று எதிர்பார்க்கப்படுகிறது.
 

 

https://minnambalam.com/politics/2021/01/31/41/sasikala-car-admk-flag-reply-to-edapadi

ஒரு ஊழல் பரதேசியை தலைவராக்க முனையும் தமிழ்நாட்டுத் தமிழரை திருத்தவே முடியாது....வீடியோக்கடை நடத்தி பெருமளவு சொத்து சேர்த்து மிரட்டல் விடும் ஒரு வரை தூ வெட்கம் கெட்ட தமிழினம்..