மோசடி கோஸ்ட்டியின் திருவிளையாடல் 

மோசடி கோஸ்ட்டியின் திருவிளையாடல் : £1billion

பிரித்தானியாவின் ஒரு பல்கலைக்கழக மாணவி.

பல்கலைக்கழகத்தில் இருந்து, வெளியேறி கொரோனா காலத்தில் வீட்டில் இருந்து பின்னர், அண்மையில் வேலை ஒன்றினை எடுத்து இருக்கிறார்.

வேலை இடத்துக்கு, இவரின் சம்பளத்தில் மாதாமாதம் பிடிக்க வேண்டிய தொகை குறித்து, அரச திணைக்கள அறிவித்தல் வந்து இருக்கிறது. 

இவ்வளவுக்கும் அவர் கடன் எதுவுமே வாங்கவில்லை.

ஆகவே, அவர் குறித்த திணைக்களத்துடன் தொடர்ப்பு கொண்டார். security கேள்விகள் கேட்கப்பட்டபோது இவரால், சரியாக பதில் அளிக்க வில்லை என்று, மோசடியாளார் என்பது போல தொடர்பினை துண்டித்து விட்டார்கள்.

மீண்டும், மீண்டும் தொடர்ப்பு கொண்டு, அதே நிலைமை தொடர்ந்ததால், வெறுத்துப் போய் விட்டார், அவர். மறுபுறம் முதல் மாத சம்பளத்தில், அரசு சொன்ன தொகையினை கழித்து விட்டிருந்தார்கள்.

வேலை இட நிருவாகத்தில் பேசினால், இவரது நேர்மை குறித்த சந்தேகம் தெரிவிக்கப்பட்டது.

கடைசியில், போலீசார் உதவியை நாடினார். போலீஸ் விசாரணையில் அதிர்ச்சிகரமான தகவல்கள் வந்துள்ளது.

பல்கலைக்கழக காலத்தில், தங்கியிருக்கும் வீட்டுக்காக ஒப்பந்தத்தின் போது, தனது சுஜ விபரங்களை கொடுத்து இருந்திருக்கிறார்.

அதனை பாவித்து, மோசடி கோஸ்ட்டி, அரச உதவிகள், அரச கடன் பெற்று உள்ளது. அப்போது அவர்கள் கொடுத்த security கேள்விகள் தொடர்பான பதில்கள் இவரிடம் இல்லாததால், இவரால் கொடுக்க முடியவில்லை.

ஆனால், இவர் வேலை எடுக்கும் போது கொடுத்த, விபரங்களை வைத்து, கடன் அறவீடு செய்ய முனைந்து உள்ளது அரச திணைக்களம்.

ஆக, அரசையும், அப்பாவி மாணவி ஒருவரையும் முட்டாளாக்கி உள்ளார் மோசடியாளர்கள்.

கடந்த வரும் மட்டும் £1பில்லியன் தொகைக்கு மோசடி செய்து அசத்தி உள்ளனர்.

82 வயது முதிய பெண், போர் அடிக்கிறது எண்டு டேட்டிங் தளம் போய், வீடு, பணம் சகலத்தினையும் இழந்து உள்ளார்.

தமக்கு இணையத்தில் எல்லாம் தெரியும் என்று நினைக்கும், carefree  இளைஞர், யுவதிகளேஅதிகமாக இந்த கோஸ்ட்டிகளிடம் சிக்குகிறார்கள்.

உங்களுக்கு வரும் லிங்குகளை உடனே அழுத்தாதீர்கள் என்று போலீசார் சொல்கின்றனர். ஒரு லிங்கினை, குறித்த நிறுவனத்தில் இருந்து எதிர்பார்க்கிறேனா, அவர்களுக்கும் உங்களுக்கும் எதாவது தொடர்பு உண்டா என்று முதலில் கேள்வி எழுப்புங்கள் என்கிறார்கள்.

அதாவது உங்கள் வங்கி A யாயின், வங்கி  B யில் இருந்து வரக்கூடிய லிங்குகளை அழுத்த வேண்டிய தேவை இல்லையே என்கிறார்கள். 10000 பேருக்கு, போலியாக அனுப்பி, ஒருவர் மாட்டினால் போதுமே என்பதே அவர்கள் கணக்கு.

ஆகவே கவனமாக இருப்போம். 

இதை எழுதும் எனக்கும், ஏதாவது ஆப்பு வைப்பாங்கள் என்று கவலையுடன் தான் இருக்கிறேன் என்பதை, இந்த நேரத்தில் சொல்லிக்கொள்ள கடமைப்பட்டுளேன். (ஒன்றும் இல்லை, இன்னும் தமிழக தேர்தல் பிரச்சார காச்சல் முடியவில்லை)
 

Edited May 13, 20214 yr by Nathamuni