சீனாவின் ஆக்கிரமிப்பில் நெருக்கடியில் சிக்கித் தவிக்கும் சிறிலங்கா ஏற்றுமதி

[ஞாயிற்றுக்கிழமை, 1 யூலை 2007, 19:30 ஈழம்] [ப.தயாளினி]

ஐரோப்பிய ஒன்றியத்துக்கான சீனாவின் ஆடைத்தொழில் வர்த்தகம் அதிகரித்துள்ளமையால் சிறிலங்காவின் ஏற்றுமதியாளர்கள் நெருக்கடிக்கு முகம் கொடுக்கும் நிலையில் உள்ளனர்.

மத்திய தரைக்கடல் நாடுகள் மற்றும் ஐரோப்பிய ஒன்றியத்துடன் வர்த்தகத்தில் ஈடுபட்டிருக்கும் ஏற்றுமதியாளர்கள் இந்த ஆண்டுக்குள் தங்களது ஆடைத்தொழிலக உற்பத்திகளை அனுப்ப ஒரு 40 அடி கொள்கலனுக்கு 800 அமெரிக்க டொலர் செலுத்த வேண்டியிருக்கும் என்று சிறிலங்கா ஏற்றுமதியாளர்கள் அமைப்பு எச்சரித்துள்ளது.

சிறிலங்காவின் மொத்த ஏற்றுமதியில் 33 விழுக்காடு அதாவது தோராயமாக 2 பில்லியன் டொலர் பங்களிப்பை ஆடைத் தொழிற்சாலை அளித்து வருகிறது.

ஐரோப்பிய ஒன்றியத்துக்கான கப்பல் சரக்குக் கட்டணம் உயர்ந்தமைக்கு, சீனாவின் ஆடைத் தொழிற்சாலை வர்த்தகம் அதிகரித்திருப்பதை காரணமாக சுட்டிக்காட்டுகின்றனர்.

சீனாவிலிருந்து கொழும்புக்கு கப்பல்கள் வரும்போதே சீனாவின் கொள்கலன்களே அதிக இடங்களை ஆக்கிரமித்துக் கொள்கின்றன. சிறிலங்கா ஏற்றுமதியாளர்களுக்கு கப்பல்களில் போதுமான இடம் ஒதுக்கப்படுவதில்லை. இதனால் கொள்கலனுக்கு செலுத்தப்பட வேண்டிய கட்டணம் மிகக் கடுமையாக உயர்த்தப்பட்டுள்ளது. ஒவ்வொரு மூன்று மாதங்களுக்கும் கொள்கலன் கட்டணம் அதிகரித்து வரும் நிலையில் எதிர்வரும் செப்ரெம்பர் மாதத்தில் மேலும் 400 டொலர் அது அதிகரிக்க நேரிடும் என்று சிறிலங்கா ஏற்றுமதியாளர்கள் அமைப்பின் தலைவர் நிரல் கதவராச்சி தெரிவித்துள்ளார்.

சிறிலங்காவின் இறக்குமதி வர்த்தகமானது 2005 ஆம் ஆண்டில் 8.8 பில்லியன் அமெரிக்க டொலராகவும் 2006 ஆம் ஆண்டி 10.2 பில்லியன் டொலராகவும் இருந்தது. அதே நேரத்தில் ஏற்றுமதியானது 0.5பில்லியன் டொலர் அதிகரித்தும் இருந்தது. பெற்றோலியம் இறக்குமதியானது 2.8 பில்லியனிலிருந்து 3 பில்லியனாக அதிகரித்துள்ளது. இது எதிர்பாராத அதிக உயர்வாக கருதப்படுகிறது.

புதினம்

கட்டணம் அதிகரித்துக்கு சீனாவை மட்டும் குற்றைகூறி பயன் இல்லை... இலங்க துரைமுகங்களுக்கு வரும் கப்பல்களின் பாதுகாப்பு அச்சுறுத்தலால் காப்புறுதி கட்டணம் உயர்ந்தமையும் மிக முக்கிய காரணம்.

இதை வெளியில் சொன்னால் தேச துரோகி எண்று உறுமய சொல்லும் எண்று ஏற்றுமதியாளர்கள் அமைப்பின் தலைவர் "நிரல் கதவராச்சிக்கு" பயம் போல....