சந்திரிகா அரசாங்கத்தில் ஊடகங்களிற்கு நான் பல தகவல்களை வழங்கினேன்- பிரதமர்

சந்திரிகா குமாரதுங்க ஜனாதிபதியாக பதவி வகித்தவேளை பல தகவல்களை தான் ஊடகங்களிற்கு வழங்கியதாக பிரதமர் மகிந்த ராஜபக்ச தெரிவித்துள்ளார்.

நான் அரசாங்க கூட்டங்களில் கலந்துகொள்ளும்போது முன்னாள் ஜனாதிபதி என்னை நிருபர் என அழைப்பார் என பிரதமர்தெரிவித்துள்ளார்.

நான் தெரிவிக்கும் செய்திகள் ஆளும் கட்சிக்கு பாதிப்பு ஏற்படாதவகையில் செம்மைப்படுத்திய பின்னர் அவற்றை வழங்கினேன் எனவும் பிரதமர்தெரிவித்துள்ளார்.

ஊடகங்கள் மீது தாக்குதல் நடத்தப்பட்ட ஒவ்வொரு தடவையும் பத்திரிகையாளர்களை பாதுகாப்பதற்கு எனது அரசாங்கம் நடவடிக்கை எடுத்தது என பிரதமர்தெரிவித்துள்ளார்.

ஊடகங்களுடன் நெருக்கமாக பணியாற்றுவது ஒரு கலாச்சாரம் என அவர் குறிப்பிட்டுள்ளார்.

அரசாங்கம் ஊடகங்களை வலுப்படுத்தினால் ஊடகங்கள்அரசாங்கத்தினை வலுப்படுத்தும் என அவர் தெரிவித்துள்ளார்.

எனது அரசாங்கம் ஊடகங்களிடம் எதனையும் மறைப்பதில்லை எனவும் பிரதமர் தெரிவித்துள்ளார்.

Thinakkural.lk