யாழ்.வந்த அமெரிக்க தூதுவர் பல்வேறு தரப்பினருடனும் சந்திப்பு :

April 25, 2022

 

யாழ்ப்பாணத்துக்கு நேற்றைய தினம் ஞாயிற்றுக்கிழமை பயணம் செய்த இலங்கைக்கான அமெரிக்க தூதர் ஜூலி சுங் சிவில் சமூக தலைவர்களை சந்தித்து கலந்துரையாடினார்.
நேற்று மாலை பலாலி சர்வதேச விமான நிலையம் ஊடாக யாழ்ப்பாணத்துக்கு சென்ற அமெரிக்க தூதர், கொக்குவிலில் உள்ள தனியார் விடுதி ஒன்றில் தங்கியுள்ள நிலையில் குறித்த சந்திப்பு இடம்பெற்றது.

இந்த கலந்துரையாடலில் பொத்துவில் தொடக்கம் பொலிகண்டி வரையான மக்கள் பேரெழுச்சி இயக்கத்தின் ஒருங்கிணைப்பாளர் வேலன் சுவாமி, அரசியல் ஆய்வாளர் நிலாந்தன் உள்ளிட்ட சிலர் கலந்து கொண்டனர்.

சந்திப்பு தொடர்பாக கருத்து தெரிவித்த அமெரிக்க தூதர் ,எந்தவொரு ஜனநாயகத்திலும் பாதிக்கப்படக்கூடிய சமூகங்களின் உரிமைகளுக்காக வாதிடுவதில் சிவில் சமூகம் ஒரு முக்கிய பங்கை வகிக்கிறது. இன்றைய அரசியல் மற்றும் பொருளாதார சவால்கள் குறித்து விவாதிப்பதற்கும் ஜனநாயக இலங்கைக்கான எமது ஆதரவை மீண்டும் வலியுறுத்துவதற்கும் நான் யாழ்ப்பாணத்தில் சிவில் சமூகத் தலைவர்களைச் சந்தித்தேன் – என்றார்.

அதேவேளை நேற்றைய தினம் ஞாயிற்றுக்கிழமை, இலங்கைக்கான அமெரிக்க தூதர் ஜூலி சுங்கை யாழ்ப்பாண மாவட்ட பாதுகாப்பு படைகளின் கட்டளைத் தளபதி மேஜர் ஜெனரல் செனரத் யாப்பா சந்தித்து கலந்துரையாடினார்.

இன்றைய தினம் திங்கட்கிழமை அரசியல் கட்சிகளின் தலைவர்கள், சிவில் அமைப்புக்களின் தலைவர்கள், வர்த்தக பிரதிநிதிகள் உள்ளிட்ட பல்வேறு பட்ட பல்வேறு தரப்புகளையும் அமெரிக்கத் தூதுவர் சந்தித்து கலந்துரையாட  திட்டமிட்டுள்ளார்.

 

https://globaltamilnews.net/2022/175764

நல்லூரானை தரிசித்த அமெரிக்க தூதுவர் ஆயரையும் சந்தித்தாா்

April 25, 2022

யாழ்ப்பாணத்திற்கு சென்றுள்ள  அமெரிக்க தூதர் ஜூலி சுங்  இன்றைய தினம் நல்லூர் கந்தசுவாமி ஆலயத்தில் வழிபாடு மேற்கொண்டார். யாழ்ப்பாணத்திற்கு நேற்றைய தினம் ஞாயிற்றுக்கிழமை சென்றுள்ள அமெரிக்க தூதுவர் நேற்று முதல் பல்வேறு தரப்பினரையும் சந்தித்து கலந்துரையாடி வருகின்றார்

அதேவேளை இலங்கைக்கான அமொரிக்க தூதுவர் ஐீலி சுங் இன்றைய தினம் யாழ் மறைமாவட்ட ஆயர் ஜஸ்டீன் பெர்னாட் ஞானப்பிரகாஷம் ஆண்டகையை சந்தித்து கலந்துரையாடினார்.

யாழ்ப்பாண மாவட்டத்திற்கான பயணத்தினை மேற்கொண்டுள்ள இலங்கைக்கான அமொரிக்க தூதுவர் ஐீலி சுங் பல்வேறு தரப்புக்களுடன் கலந்துரையாடல்களை மேற்கொண்டு வருகிறார்.
அந்த வகையில் இன்று காலை 8.30 மணியளவில் யாழ் மறைமாவட்ட ஆயர் இல்லத்தில் யாழ் மறைமாவட்ட ஆயர் ஜஸ்டீன் பெர்னாட் ஞானப்பிரகாஷம் ஆண்டகையை சந்தித்து கலந்துரையாடியுள்ளார்.

குறித்த சந்திப்பில் யாழ்ப்பாணத்திலுள்ள தற்போதைய நிலைமைகள் மற்றும் சமகாலப் போக்குகள் குறித்தும் கலந்துரையாடப்பட்டதாக தெரிவிக்கப்படுகிறது
 

 

https://globaltamilnews.net/2022/175768

 

அமெரிக்க தூதுவர் ஆளுநரையும் சந்தித்தார்

April 25, 2022

 

இலங்கைக்கான அமெரிக்க தூதுவர் ஐீலி சுங் இன்றைய தினம் வடமாகாண ஆளுநர் ஜீவன் தியாகராஜாவை சந்தித்து கலந்துரையாடினார்.யாழ்ப்பாண மாவட்டத்திற்கான பயணத்தினை மேற்கொண்டுள்ள இலங்கைக்கான அமொரிக்க தூதுவர் ஐீலி சுங் பல்வேறு தரப்புக்களுடன் கலந்துரையாடல்களை மேற்கொண்டு வருகிறார்.

அந்த வகையில் இன்று காலை வடமாகாண ஆளூநரை சந்தித்து கலந்துரையாடினார்.
குறித்த சந்திப்பில் யாழ்ப்பாணத்திலுள்ள தற்போதைய நிலைமைகள் மற்றும் சமகாலப் போக்குகள் குறித்தும் கலந்துரையாடப்பட்டதாக தெரிவிக்கப்படுகிறது.

https://globaltamilnews.net/2022/175774

குட்டையை குழப்பி மீன் பிடிக்க நாடி பிடிச்சு பாக்கிறா போலிருக்கே! கோத்தாவை  கதிரையால இறக்கியவுடன்  உடனடியாக தனது திட்டத்தை அரங்கேற்றப்போகிறா. ரொம்பத்தான் அவசரப்படுகிறா. 

8 minutes ago, satan said:

குட்டையை குழப்பி மீன் பிடிக்க நாடி பிடிச்சு பாக்கிறா போலிருக்கே! கோத்தாவை  கதிரையால இறக்கியவுடன்  உடனடியாக தனது திட்டத்தை அரங்கேற்றப்போகிறா. ரொம்பத்தான் அவசரப்படுகிறா. 

இவ ஒரு ஆட்சி மாற்ற நிபுணியாம்! குணாவின் காணொளியில் குறிப்பிட்டு இருந்தார்.

இவா வந்த நேரம் ராஜபக்க்ஷ கோஷ்டிக்கு சனியன் பிடிச்சுடுத்து, ஒரு முடிவு காணாமல் இறங்காது போலிருக்கே. நடக்கிறதை பாத்தா சரியாத்தான் இருக்கு. ஆர்ப்பாட்டம் நூந்து போகாமல் கவனமாய் பாத்துகொள்ளுறா. கோத்தா மசிந்து கொடுத்தாலும் சரிவராதுபோலிருக்கே.