சீனா கொழும்பின் கடன்மறுசீரமைப்பு திட்டத்தை ஏற்றுக்கொள்ளாவிட்டால் என்ன நடக்கும்? சர்வதேச நாணயநிதியத்தின் பதில் என்ன?

By RAJEEBAN

01 SEP, 2022 | 02:59 PM

இலங்கைக்கு கடன்வழங்கியவர்கள் இணங்க மறுத்தால் இலங்கையின் நெருக்கடி தீவிரமடையும் என சர்வதேச நாணயநிதியம் எச்சரித்துள்ளது.

கடன்மறுசீரமைப்பு விடயத்தில் சீனா மேற்கத்தைய நாடுகளுடன் இணைந்து செயற்படாது என்ற கரிசனைகளிற்கு மத்தியில் சர்வதேச நாணயநிதிய அதிகாரியொருவர் இதனை தெரிவித்துள்ளார்.

இன்று ஏற்பட்;டுள்ள இணக்கப்பாட்டின் அடிப்படையில் சர்வதேச நாணயநிதியம் 2.9 பில்லியன் டொலரை வழங்குவது என்றால் சீனா உட்பட இலங்கைக்கு கடன் வழங்கிய நாடுகள் அனைத்தும் இலங்கையின் கடன் மறுசீரமைப்பு திட்டத்திற்கு இணங்கவேண்டும்.

கடன் வழங்கிய ஒரு நாடு உத்தரவாதம் அளிக்க மறுத்தாலும் அது இலங்கையின் நெருக்கடிகளை தீவிரப்படுத்தும் மீளதிருப்பி கொடுக்கும் திறனை பாதிக்கும் என சர்வதேச நாணய ஒன்றிய பிரதிநிதிகள் குழுவின் சிரேஸ்ட அதிகாரி பீட்டர் புரூவர் தெரிவித்துள்ளார்.

சீனா கொழும்பின் கடன்மறுசீரமைப்பு திட்டத்தை ஏற்றுக்கொள்ளாவிட்டால்என்ன நடக்கும் என்ற செய்தியாளரின் கேள்விக்கே அவர் இவ்வாறு தெரிவித்துள்ளார்

நெருக்கடி ஆழமடைந்தால் கடன்களை செலுத்துவதற்கான வளங்கள் குறைவடையும்,என தெரிவித்துள்ள அவர் ஆகவே இலங்கையுடன் ஒத்துழைப்பது கடன்வழங்கிய நாடுகள் அனைத்தினதும் நலனிற்கு உகந்த விடயம் என அவர் தெரிவித்துள்ளார்.

https://www.virakesari.lk/article/134832

பருத்தித்துறை காபரை கொடுத்தால் .... சீனா ஓமென்று சொல்லும்...😄