வெளிநாட்டு பயணங்களுக்காக மகிந்த ஜனாதிபதி நிதியிலிருந்தே பணம் பெற்றார்

வெளிநாட்டு பயணங்களுக்காக மகிந்த ஜனாதிபதி நிதியிலிருந்தே பணம் பெற்றார்

* மங்கள குற்றச்சாட்டு

-எம்.ஏ.எம்.நிலாம்-

ஜனாதிபதி நிதியிலிருந்து மகிந்த ராஜபக்ஷ வெளிநாட்டுப் பயணங்களுக்கு பணத்தைப் பெற்றிருப்பதாக குற்றம்சாட்டியிருக்கும் முன்னாள் அமைச்சர் மங்கள சமரவீர, சுதந்திரத்துக்குப் பின்னர் நாட்டைக் கொள்ளையடித்த ஒரே அரசாங்கம் மகிந்த ராஜபக்ஷ அரசாங்கமே எனவும் சாடியுள்ளார்.

நாட்டின் நிலைமைகள் நாளுக்கு நாள் மோசமடைந்து வருவதாகக் குறிப்பிட்ட மங்கள சமரவீர மோசமான ஒருவரை நாட்டின் ஜனாதிபதியாக்கியமைக்கான பாவத்தை நாமும் சுமக்க வேண்டியிருப்பதாகச் சுட்டிக் காட்டினார்.

ஜனாதிபதி சமீபத்தில் சீனாவுக்கு மேற்கொண்ட விஜயத்தின்போது சுமார் நூறு பேரளவில் அழைத்துச் சென்றார். இந்த விஜயத்துக்கான செலவுகள் அரச நிதியிலிருந்தோ அல்லது தனிப்பட்ட செலவிலோ நடைபெறவில்லை. கடுமையான நோயாளிகளுக்கு உதவும் பொருட்டு அமைக்கப்பட்டிருக்கும் ஜனாதிபதி நிதியிலிருந்தே இதற்கு பணம் ஒதுக்கப்பட்டுள்ளது.

முன்னாள் ஜனாதிபதி ஜே.ஆர். ஜெயவர்தன தனது பதவிக் காலத்தில் இந்த நல்ல பணியைத் தொடக்கி வைத்தார். அவரும் அவரைத் தொடர்ந்து அதிகாரத்துக்கு வந்த ஜனாதிபதிகளும் ஜனாதிபதி நிதியத்தை மாசுபடாத நிறுவனமாக செயற்படுத்தினர். உயிருக்குப் போராடும் அப்பாவி மக்களின் உயிரைப் பாதுகாப்பதற்காகவே இந்த நிதியின் பணம் செலவிடப்பட்டு வந்தது.

ஜே.ஆர்.ஜெயவர்தன முதல் சந்திரிகா பண்டாரநாயக்க குமாரதுங்க வரையிலான எல்லாத் தலைவர்களும் இந்த நிதியத்தை நேர்மையாக போஷித்து வந்தனர்.

மகிந்த ராஜபக்ஷ ஜனாதிபதியானதன் பின்னர் நிலைமை மோசமடையத் தொடங்கியுள்ளது. இவரது அதிகாரத்தில் ஊழல் இடம்பெறாத அரச நிறுவனங்கள் எதையுமே காண முடியவில்லை. தற்போது ஜனாதிபதி நிதியிலும் கைவைத்துள்ளார்.

இவ்விடயம் தொடர்பாக விரைவில் பாராளுமன்றத்தில் கேள்வி எழுப்பவிருக்கிறோம். ஜனாதிபதி நிதியிலிருந்து எந்த விடயத்துக்கும் நிதி ஒதுக்குவதை அனுமதிக்க முடியாது.

ஜனாதிபதி நிதியத்தின் நிர்வாகத்திடம் எவ்வாறு வெளிநாட்டு விஜயத்துக்கு நிதி ஒதுக்கப்பட்டது என்பது குறித்து விளக்கம் கோரி கடிதமொன்றை அனுப்பவிருக்கின்றோம். இக்கடிதத்துக்கு பாராளுமன்றத்தில் அங்கம் வகிக்கும் கட்சிகளிடம் கையெழுத்துப் பெறத் தீர்மானிக்கப்பட்டிருக்கின்