அன்பளிப்பாகக் கிடைத்த பேரீச்சை விற்பனையில்! அரசியல் வாதிகளின் கைவரிசை இது

ஆழிப்பேரலையால் பாதிக்கப்பட்ட மக்களுக்கு என சவூதி அரேபிய அரசினால் வழங்கப்பட்ட பல மெற்றித் தொன் பேரீச்சம்பழம் இப்பொழுது கொழும்பிலும் கிழக்கு மாகாணத் திலும் சந்தையில் விற்பனைக்கு வந் துள்ளதாம்.

ஆழிப்பேரலையால் பாதிக்கப்பட்ட மக்களுக்கு சத்துணவு வழங்கும் திட் டத்தின் கீழ் பெருந்தொகையான பேரீச் சம்பழத்தை சவூதி அரசு வழங்கியுள் ளது.

இவை அனைத்தும் பெற்றோலிய வளத்துறை அமைச்சர் ஏ.எச்.எம். பௌஸியிடமே ஒப்படைக்கப்பட்டன.

இவ்வாறு கிடைக்கப் பெற்ற பேரீச் சம்பழம் உரிய முறையில் பங்கீடு செய் யப்படாததனால் அவை பொதுச் சந்தை யில் விற்பனை செய்யப்படுகின்றன என முறைப்பாடுகள் கிடைத்திருக்கின் றன. பாதிக்கப்பட்ட மக்களுக்கு இவை வழங்கப் படவில்லை எனப் பல குற் றச்சாட்டுகள் அரசுக்கு கிடைத்திருக் கின்றன.

சத்துணவுத் திட்டத்தின் கீழ் வழங்கப்பட்ட பேரீச்சம்பழங்கள், நோன்புப் பெருநாளின்போது பள்ளிவாசல்களின் ஊடாகப் பங்கிடப்பட வேண்டும் என கிழக்கு மாகாண அரசியல் வாதிகள் சிலர் வற்புறுத்திக் கேட்டு அவற்றைப் பொறுப்பேற்றனராம்.

நோன்புப் பெருநாளுக்கு இன்னும் எவ்வளவோ காலம் இருக்கின்றது. ஆனால் இந்த அரசியல்வாதிகள் நோன் புப் பெருநாளைக் காரணம் காட்டி பேரீச் சம் பழங்களைப் பொறுப்பேற்று, ஆழிப் பேரலையால் பாதிக்கப்பட்ட மக்களின் வயிற்றில் அடித்துள்ளனர்.

அதேசமயம் நோன்பு நோற்கும் தமது மக்களுக்கும் அவற்றை அவர்கள் வழங்கவில்லை. மாறாகத் தெரிந்த வர்கள் மூலம் சந்தையில் விற்பனைக்கு விட்டு, அந்த அன்பளிப்புகளைப் பண மாக்கிச் சுருட்டிக் கொண்டிருக்கிறார்கள் சம்பந்தப்பட்டோர் எனக் குற் றச்சாட்டுக்கள் கிளப்பப்பட்டுள்ளன.

-உதயன்

Edited August 30, 200718 yr by கந்தப்பு

இது வழமையாக நடத்தப்படும் தில்லுமுல்லுத்தானே