இலங்கையரும் விசா மோசடியாளர்களும்

[Nathamuni]

கடந்த 10 நாட்களுக்கு முன்னர் ஊருக்கு ஒரு அவசர பயணம்.

உறவினர் ஒருவர், பக்கத்தில், ஒரு குடும்பம் 4 கோடி கொடுத்து, geniune விசாவில் லண்டன் போய் விட்டார்கள் என்றார்.

தூக்கி வாரிப்போட்டது. என்னது, 4 கோடி, ஒரு லட்ச்சம் பவுண்கள். £100,000! உண்மையாகவா என்றேன். ஓமோம், உண்மைதான், அவர்கள் காதும், காதும் வைத்தது போல, கிளம்பிப் போக, அவர்கள்  யார் மூலம் போனார்கள் என்று, வேறு பலர் துப்பறிய முனைகிறார்கள் என்றார்.

genuine என்றதும், அது நிச்சயமாக work விசா என்று புரிந்தது. உறவினருக்கு விபரம் இருக்கவில்லை. எம்பசி காரரோடே ஏதாவது சுத்துமாத்தோ தெரியவில்லை என்றார்.

அவர் என்ன வேலை செய்தவர் என்றேன், சிலவேளை IT  அல்லது வைத்திய துறையாக இருக்குமோ என்ற யோசனையில்? இல்லை அவர் உங்கே எலக்ட்ரிசிட்டி போர்டில் வேலை செய்தவர் என்றார்கள். மனைவி... வீட்டில் தான் இருந்தவோ, இரண்டு பிள்ளைகள். ஆனால் இரண்டு பக்கமும், கண பேர் வெளியாலை. காசை கொடுத்திருப்பினம் என்றார்.

நேற்று வேறு விடயமா பேசியபோது, ஏஜெனிசியை துப்பறிந்து பிடித்த  கோஸ்ட்டி, பிரிட்டனில் £55,000 சம்பளத்தில care home manager வேலை என்றும், தாங்களே எல்லா டாக்குமெண்டும் செய்வதாகவும், ஆளுக்கு, £30,000 கட்டணம் என்று சொன்னதாகவும் தகவல் தந்தார்.

அதேவேளை கொழும்பில் ஒரு நண்பர் சொன்னார், இலங்கையில் கவலை படும் அளவுக்கு, டாக்டர்ஸ், தாதிகள், பிரிட்டனுக்கு கிளம்பி போகிறார்கள் என்றார்.

நேற்று, இந்த வீடியோ, கண்ணில் பட்டது. அநேகமாக, இது (skill work விசா)இலங்கைக்கு தடையாகலாம். அல்லது மிக கவனமாக செக் பண்ணுவார்கள். முன்னர் வந்தவர்கள் திருப்பி அனுப்பப்படுவார்கள். ஆகவே, இது குறித்து உங்கள் உறவுகளுக்கு தெரிய படுத்துங்கள்.

இலவசமாக செய்யவேண்டிய ஒரு விசாவினை, மக்கள் தவிப்பினை பயன்படுத்தி காசாக்குகின்றார்கள் கயவர்கள்.

 

Edited May 28, 2023 by Nathamuni

[பெருமாள்]

நன்றி பதிவுக்கு .

[தமிழ் சிறி]

பிரித்தானியாவிற்கு சட்டவிரோதமாக குடியேற நினைக்கும் இலங்கையர்களுக்கு தடை !

பிரித்தானியாவிற்கு சட்டவிரோதமாக குடியேறும் இலங்கையர்களை தடுப்பதற்கு ஆதரவளிக்க வேண்டும் என இலங்கைக்கான பிரித்தானிய உயர்ஸ்தானிகர் சாரா ஹல்டன் பொது பாதுகாப்பு அமைச்சர் டிரன் அலஸிடம் கோரிக்கை விடுத்துள்ளார்.

இலங்கைக்கு விஜயம் செய்துள்ள பிரித்தானிய உயர்ஸ்தானிகர் மற்றும் பிரித்தானிய வெளிவிவகார, பொதுநலவாய மற்றும் அபிவிருத்தி அலுவலகப் பணிப்பாளர் ஆகியோருடன் இடமபெற்ற சந்திப்பின் போதே இந்த கோரிக்கை விடுக்கப்பட்டதாக பொது பாதுகாப்பு அமைச்சர் திரன் அலஸ் தெரிவித்துள்ளார்.

நாட்டில் சட்டம் ஒழுங்கை நிலைநாட்ட, அண்மையில் பிரித்தானியா அறிமுகப்படுத்திய புதிய சட்டங்களை அறிமுகப்படுத்துவது முற்றிலும் அவசியமானது என்றும் பொது பாதுகாப்பு அமைச்சர் சுட்டிக்காட்டினார்.

இச்சந்திப்பில் நாட்டின் தற்போதைய நிலைமை குறித்தும் பயங்கரவாதத் தடைச் சட்டம் தொடர்பிலும் நீண்ட கலந்துரையாடல் இடம்பெற்றுள்ளது. குறிப்பாக ஈஸ்டர் தாக்குதலுடன் தொடர்புடைய சந்தேக நபர்கள் 4 பேர் பயங்கரவாத தடை சட்டத்தில் கைது செய்யப்பட்டமை குறித்தும் அவர்கள் வினவியுள்ளனர்.

https://athavannews.com/2023/1332960