வேட்டையாடும் மானானேன்

[Kavi arunasalam]

மீண்டும் ஒருமுறை கூட்டுப் பாலியல் வன்முறை  நடந்திருக்கிறது. இம்முறை பரிசில் உள்ள ஈபிள் கோபுரத்துக்கு அருகே அமைந்துள்ள பூங்காவில் அது நடந்திருக்கிறது.

Marsfeld என்றும் அழைக்கப்படும் Parc Champ de Mars இல், மெக்சிக்கோ நாட்டுச் சுற்றுலாப் பயணி (27) ஒருவரை, சிலர் கூட்டுப் பாலியல் வன்முறைக்கு உட்படுத்தியதாகக் கூறப்படுகிறது.  இந்தச் சம்பவத்தில் ஈடுபட்ட இரண்டு ஆண்களைத் தாங்கள் கைது செய்ததாக பொலிஸார் அறிவித்திருக்கிறார்கள்.

பாதிக்கப்பட்ட   பெண்,  நள்ளிரவு 1 மணியளவில்   மது அருந்திவிட்டு பூங்கா வழியாக நடந்து கொண்டிருந்தபோது, ஐந்து பேர் திடீரென அவளைத் தாக்கி, பின்னர் பாலியல் வன்புணர்வு செய்ததாக பாரிஸ் அரசு வழக்கறிஞர் அலுவலகம் அறிவித்திருக்கிறது. 

கூட்டுப் பலாத்காரம் காரணமாக தற்போது விசாரணை நடத்தப்பட்டுள்ளது.  Le Parisien செய்தித்தாளின் அறிக்கையின்படி மொத்தம் ஐந்து ஆண்கள் இந்தக் குற்றத்தில் ஈடுபட்டுள்ளனர்.  பாதிக்கப்பட்ட பெண் சுற்றுலாப் பயணி இப்பொழுது மருத்துவமனையில் சிகிச்சை பெற்று வருகிறார்.

இதே இடத்தில்  இந்த வருடம்  ஏப்ரலில் ஒரு யேர்மனிய இளம் பெண் மீது இப்படியான முயற்சி நடந்தது.  இருப்பினும், அந்த இளம் ஜெர்மனியச் சுற்றுலாப்பயணி கூச்சலிட, அதைக் கேட்ட  ஒரு வீதியோர வியாபாரி உடனடியாக பொலிஸுக்குத் தகவல் கொடுத்ததால் அந்த இளம் பெண்மணி காப்பாற்றப்பட்டு, குற்றவாளி கைது செய்யப்பட்டார். பின்னர்  நடந்த வழக்கில் அவருக்கு  இரண்டு ஆண்டுகள் சிறைத்தண்டனை விதிக்கப்பட்டிருந்தது.

இப்படியான நிகழ்வுகளின் விளைவாக, இனி இரவு நேரங்களில் பூங்காவை மூடி விடும்படி,பாரிஸின் மேயராக இருக்கும் Rachida Dati அறிவித்திருக்கிறார்.

சமீபத்தில் மயோர்க்கா நாட்டில் சுற்றுலாவுக்கு வந்த ஐந்து யேர்மனிய இளைஞர்கள், ஒரு பெண்ணைக்(18) கூட்டுப் பாலியல் வன்முறை செய்ததற்காகக் கைது செய்யப்பட்டிருந்தார்கள். அடுத்த பாலியல் வன்முறை பேர்லின் -யேர்மனியில் நடந்திருக்கிறது.  பேர்லின் Goerlitzer Park பூங்காவில்  நடந்து சென்று கொண்டிருந்த ஒரு  ஜோடியைத் தாக்கி, பெண்ணை(27) பாலியல் வன்முறைக்கு உட்படுத்தி அவர்களிடம் இருந்த உடைமைகளையும் கொள்ளையிட்டிருந்தார்கள். இப்பொழுது நடந்திருப்பது பரிஸில்.