பண்ணை நாக பூசணி அம்மனுக்கு கொட்டகை அமைக்க முயற்சி – காவல் இருந்த காவல்துறையினா்

[கிருபன்]

பண்ணை நாக பூசணி அம்மனுக்கு கொட்டகை அமைக்க முயற்சி – காவல் இருந்த காவல்துறையினா்

adminAugust 24, 2023

யாழ்ப்பாணம் பண்ணை சுற்று வட்டம் பகுதியில் வைக்கப்பட்டுள்ள நாக பூசணி அம்மனுக்கு , கொட்டகை அமைக்க முற்பட்டவர்களை  காவல்துறையினா்   தடுத்து நிறுத்தியுள்ளனர்.  அம்மன் சிலைக்கு கொட்டகை அமைக்கும் முயற்சியில் நேற்றைய தினம் புதன்கிழமை இரவு சிலர் ஈடுபட்டு இருந்தனர். அவ்வேளை சுற்றுக்காவல் நடவடிக்கையில் ஈடுபட்டு இருந்த பொலிஸார் அதனை அவதானித்து , யாழ் காவல்நிலைய பொறுப்பதிகாரிக்கு அறிவித்தனர்.

அதனை அடுத்து அங்கு வந்த பொறுப்பதிகாரி , சிலை விவகாரம் ஏற்கனவே நீதிமன்ற நடவடிக்கைக்கு உட்படுத்தப்பட்டது. அதனால் இப்பகுதியில் கொட்டகை அமைக்க வேண்டும் ஆயின் , உரிய அனுமதிகளை பெற்று , அமையுங்கள். அதனை விடுத்து அனுமதியின்றி கொட்டகை அமைத்து , தேவையற்ற பிரச்சனைகளை உருவாக்க வேண்டாம் என கூறி , கொட்டகை அமைக்க முற்பட்டவர்களை அங்கிருந்து  காவல்துறையினா்   அப்புறப்படுத்தினர்.

அதேவேளை நேற்றைய தினம் இரவு முழுவதும் இரு காவல்துறையினா்  அம்மன் சிலைக்கு காவலுக்கு நிறுத்தி வைக்கப்பட்டு இருந்தமை குறிப்பிடத்தக்கது.
 

 

https://globaltamilnews.net/2023/194409/

[nedukkalapoovan]

குருந்தூர் மலையில் சிங்களவர்களை அனுராதபுரத்தில் இருந்து பஸ்களில் கொண்டு வந்து இறக்கும் இதே சிங்கள ஆக்கிரமிப்பு காவல்துறை தான்... பண்ணையில்.. அம்மன் இருப்பை தடுக்க தவமிருக்குது.

இது சிவில் காவல்துறையா.. சிங்கள பெளத்தத்தை காக்கும் துறையா..??!