யாழ் நேசக்கர அமைப்பினரின் கடைமைத்திட்டம்.2

யாழ் நேசக்கரம் அமைப்பு தனது இரண்டாவது திட்டத்தினை தமிழீழ பெண்கள் அபிவிருத்தி புனர்வாழ்வு நிறுவம் என்கிற நிறுவனத்தினுடாக சில திட்டங்களை நிறைவேற்ற உள்ளது எனவே இத்திட்டம் முதலாவது திட்டத்தினைவிட பெரியதிட்டம்.இதற்கும் யாழ் நேசக்கரம் அமைப்பினர் அனைவரும் ஏற்கனவே தங்களாலான பங்களிப்பினை வழங்கிக்கொண்டிருக்கின்றார

Edited November 1, 200718 yr by sathiri

சாத்திரியார் இது மிகப் பெரிய திட்டமாக இருக்கும். ஏனெனில் இவ்விடங்களுக்கு எல்லாம் நான் சென்றிருக்கிறேன். இவர்களுடைய தேவை மிக பாரியது. இவர்களுடைய அன்றாட தேவைகளை பூர்த்தி செய்யவே நிறையப் பொருளாதாரம் தேவைப்படும்.

இத்திட்டம் மிகவும் வரவேற்கக்கூடியது.

இந்த உறவுகளின் வாழ்க்கை ஓட்டத்திற்கு புலம் பெயர்ந்து வாழும் நாங்கள் அவசியம் கைகொடுத்தே ஆகவேண்டும். இதுவரை இணைந்த உறவுகளைவிட இங்கு வந்து கருத்துகள் எழுதிச்செல்லும் மற்றைய உறவுகளும் இங்கு இணைந்து இந்த யாழ்நேசக்கரத்தினூடாக தங்கள் சிறுபங்களிப்புகளை வழங்க முன்வரவேண்டும். சிறு துளி பெரு வெள்ளம்.

காலத்தால் செய்யும் உதவி ஞாலத்தில் பெரிது.

25 உறுப்பினர்களின் பங்களிப்பு இவற்றுக்கு போதாது. மேலும் 25 உறுப்பினர்கள் முடிந்தளவு பங்களிப்பை வழங்குவார்களா? ஆக குறைந்தது 10 டொலர்.

யாழ் உறுப்பினர்கள்/வாசகர்களே இந்த திட்டத்தின் வெற்றி உங்கள்/எங்கள் கைகளில் தங்கியுள்ளது.

முயற்சித்தால் வெற்றியை அணுகலாம்.

கனடா வாழ் யாழ்கள உறவுகளே!

இதுவரை நேசக்கர அமைப்பில் இணையாதவர்கள் தயவுசெய்து தொடர்பு கொள்ளுங்கள்.

நீங்கள் பங்களிப்பு செய்ய வசதியில்லையென்றாலும் பரவாயில்லை உறுப்பினராக இணையுங்கள்.

எதிர்காலத்தில் எங்களது வேலைத்திட்டத்தை விரிவுபடுத்துகின்றபோது உங்கள் பங்களிப்புக்கள் இலகு படுத்தப்படலாம்.

மாதப்பங்களிப்பு செய்ய வசதியில்லையென்றாலும் இடைக்கிடையென்றாலும் முயற்சிக்கலாம் தானே?

எமக்கு கிடைத்த இந்த வாழ்க்கையை சரியான முறையில் பயன்படுத்தவேண்டாமா?

ஏதோ பிறந்தோம் வாழ்ந்தோம் என்று வாழாமல்..எப்படி வாழ்கின்றோம் என்று சிந்திப்போம், செயல்படுவோம், இணைவோம் தமிழராய்.

Edited November 2, 200718 yr by Valvai Mainthan

கன நாளாக யாழுக்கு வராத படியால இத்திட்டம் பற்றி எதுவும் தெரியேல்லை

சாத்திரி அண்ணா மேலதிக விபரமும் பாங்க் விபரமும் தர முடியுமா ப்ளீஸ்

இணைய உறவுகளின் இன்னொரு பரிமாணவளர்ச்சியில் இருக்கிறோம். மகிழ்ச்சியோடு யாழ்க்கள நேசக்கரக் குழுமத்தில் இணைபவர்கள் தொகையும் மகிழ்ச்சியைத் தருகிறது. முகங்காட்டாமலே தங்கள் பங்களிப்பை வழங்கும் உறவுகளை நினைக்கும் போது பெருமையாக இருக்கிறது.

இந்த யாழ்கள நேசக்கர கனடா, அமெரிக்கா உறுப்பினர்களை அவர்களுடன் இதற்கான தொடர்பாடலை ஏற்படுத்தியபோது அவர்களின் பண்பையும், பதில் வரைவுகளையும் பார்க்கின்ற போது மிகவும் பெருமிதமாக இருக்கிறது. முகமறியாமல் எழுதுகோல் முனைகளால் இணைந்த உறவுகள் தாயகம் என்ற பாசத்துடிப்பில் இணைந்து இன்னும் இறுக்கமான உறவுகளாக மாற்றம் கண்டிருப்பது மென்மேலும் இக்களத்தில் பெருமையேற்றுவதுடன் ஒரு காத்திரமான தாயக உணர்வாளர்களையும் ஒன்றிணைத்திருக்கிறது.

தாயகவலி துடைக்க உற்சாகமாக இணைந்திருக்கும் உறவுகள் தொடர்ந்தும் நிறையவே சாதிப்பார்கள் என்ற நம்பிக்கையை ஊட்டியிருக்கிறார்கள்.