23வது அகவையில் உதயன்.

23வது அகவையில் உதயன்.

வாழ்த்துக்கள்.

-------------------------------------------------------

உதய வேளையில் உங்களுடன்... அன்புசால் வாசகர் பெருமக்களே! ஆதரவாளர்களே, அபிமானிகளே!!

உங்கள் உதயன் நாளிதழுக்கு இன்று இருபத்திரண்டாவது பிறந்த நாள். அவன் இருபத்திமூன்றாவது அகவையில் இன்று கால் பதிக்கி றான்.

நாளின் நாயகன் சூரியன். உதயனின் நாயகர்கள் மக்களாகிய நீங் களே. ஈழத் தமிழ் மக்களில் ஒருவனாக நின்று அவர்களுக்குத் தொண்ட னாக இருந்து பணியாற்றுவது உதயனின் பிரதான நோக்கும் போக்கு மாகும். அவன் உதித்த முதல்நாளே வரித்துக்கொண்ட இலட்சியமும் அதுவே.

இன்னல்கள், இடுக்கண்கள், சோதனைகள், வேதனைகள் பல்வேறு வடிவங்களில் வந்து நெருக்கடிகளையும் அழுத்தங்களையும் தந்த போதி லும், மக்களாகிய நீங்கள் தந்த பலத்தினால், ஆதரவால் உங்களுக்குரிய சேவையைத் தளராது தலை நிமிர்ந்து நின்று செய்கின்றான் உதயன்.

உங்களுக்கான பணியை மிகுந்த பொறுப்புடனும், சமூக உணர்வுடனும் உதயன் நிறை வாகச் செய்துவருவதை நீங்கள் நன்கு அறிவீர்கள்.

ஈழத்தமிழ் மக்களின் அரசியல் சுதந்திரம், பொருளாதார சுபீட்சம், அபிவிருத்தி, கல்வி மேம் பாடு, சமூக வளர்ச்சி, வாழ்வியல் உயர்ச்சி ஆகியன ஆரம்ப காலந்தொட்டு உதயனின் குறிக் கோள்களாக அமைந்தன.

அவற்றுக்காக உழைக்கும் சீரிய பணியிலிருந்து, உதித்த காலம் தொட்டு இன்றுவரை அவன் தளர்ந்து போனதில்லை. நீடிய வருடங்களாகத் தொடரும் போர்ச் சூழ்நிலையில் தமிழ் மக்களைப் போலவே உதயனும் இழப்புக்களை, நட்டங்களை, துன்பங்களைச் சுமந்தான். அதே போன்று உங்களைப் போலவே உதயனும் துவண்டு விடாமல் தனது பணியைத் தொடர் கிறான்.

உதயனின் வாழ்வியக்கத்தை சீர்குலைக்கவும் முடக்கிவிடவும் பல்வேறு தீயசக்திகள் வெவ் வேறு வடிவங்களில் முயன்றன; இன்னமும் முயன்றுகொண்டே இருக்கின்றன.

இப்போது நிலைமை மிகவும் ஆபத்தான கட்டத்துக்கு வளர்ந்திருப்பதை நீங்கள் நன்கறி வீர்கள். மறைமுகமாகவும், நேர்முகமாகவும் உதயனின் குரலை மக்களின் குரலை நசுக்கும் பல கைங்கரியங்கள் அரங்கேற்றப்பட்டன ; நடந்தேறுகின்றன.

உயிரிழப்புகளும், உடமைச் சேதங்களும் அடக்கி ஒடுக்கும் முனைப்புகளும் தொடர்ந்து சவால் விடுகின்றன.

ஆயினும் நீங்கள் உதயனுக்கு ஊட்டும் பலத்தினாலும், தோன்றாத் துணையாக நின்று வழிகாட்டும் பேரருள் சக்தியினாலும் உதயன் உங்களுக்குரிய சீரான பணியைச் சோர்வின்றி, தளம்பலின்றி, ஓய்வு ஒளிச்சலின்றி ஆற்றிவருகின்றான்.

உதயன், ஈழத்தமிழ் மக்களின் தொண்டனாக மட்டுமன்றி, பாரெங்கும் பரந்து வாழும் தமிழ் மக்கள் அனைவருக்கும் தகவல் சொல்லும் சேவகனாகவும் மிளிர்கின்றான்.

உதயனின் வழி சிறப்பு வழி. மக்கள் பத்திரிகை என்று தன்மீது பதிக்கப்பட்ட தனித்துவ முத்திரையின் மகிமையும் மாண்பும் மங்காமல், இடர்களின் மத்தியிலும் உங்களுக்காக உழைக்க உறுதி பூண்டுள்ளான்.

உதயனுக்கு நீங்கள் பொழியும் ஆதரவும், அன்பும், நட்பும் எங்களது சேவையை வினைத் திறனுடனும் வீச்சுடனும் செய்வதற்கு அரிய ஆதாரங்கள்.

அன்பு வாசகர்கள், விளம்பரதாரர்கள், விநியோகஸ்தர்கள், செய்தியாளர்கள், ஆதரவாளர் கள் அனைவருக்கும் இன்றைய நன்னாளில் உதயன் தனது மனப்பூர்வமான நன்றிகளைத் தெரிவித்துக் கொள்கிறான்.

நிர்வாகத்தினர்.

-உதயன்