தியேட்டரில் செக்ஸ் சில்மிஷம்: இளம்பெண் மீது ஆசிட் வீச்சு- போலீசுக்கு பயந்து வாலிபர் தற்கொலை

நாமக்கல் மாவட்டம் பள்ளிபாளையம் வெப்படை என்.பி.காலனியை சேர்ந்தவர் வசந்த் (வயது 30), விசைத்தறி தொழிலாளி. இவரது மனைவி சாந்தி (24).இவர் நேற்று முன்தினம் வெப்படையில் உள்ள ஒரு சினிமா தியேட்டருக்கு சினிமா பார்க்க சென்றார். அங்கு அதே பகுதியை சேர்ந்த வசந்த் (30) என்ற பெயிண்டர் சினிமா பார்க்க வந்தார்.

பின்னர் சாந்தியின் இருக்கைக்கு நேராக பின் புறம் வசந்த் உட்கார்ந்தார். திரைப்படம் ஓடத் தொடங் கியதும் வசந்த் சாந்தியை செக்ஸ் சில்மிஷம் செய்தார். இதை சற்று எதிர்பாராத சாந்தி அந்த வாலிபரை முறைத்தார். இருந்தாலும் வசந்த் கண்டுகொள்ளாமல் செக்ஸ் சில்மிஷத்தை தொடர்ந்தார்.

இதனால் ஆத்திரம் அடைந்த சாந்தி எழுந்து வசந்தை திட்டியதாக தெரிகிறது. அப்போது தியேட்டரில் இருந்தவர்களும் வசந்தை திட்டி அடிக்க பாய்ந்தனர். இதில் ஆத்திரம் அடைந்த வசந்த் தான் ஏற்கனவே வாங்கி வைத்து இருந்த ஆசிட்டை எடுத்து சாந்தி மீது ஊற்றினான். அது அவரது முதுகு பகுதியில் பட்டது. இதில் சாந்தி உடல் வெந்து வேதனையில் அலறி துடித்தார். இதனால் தியேட்டரில் பெரும் பரபரப்பு ஏற்பட்டது. உடனே அங்கு இருந்தவர்கள் வசந்தை பிடித்துவிட்டனர்.

நிலைமை விபரீதம் ஆனதை தொடர்ந்து அவர் சாந்தி மீது ஊற்றியதில் மீதி இருந்த ஆசிட்டை மடமடவென குடித்து விட்டார்.

இதைத் தொடர்ந்து சாந்தியையும், வசந்தையும் ஈரோடு அரசு ஆஸ்பத்திரியில் சிகிச்சைக்கு சேர்த்தனர். அங்கு சிகிச்சை பலனளிக்காமல் வசந்த் பரிதாபமாக இறந்தார். சாந்திக்கு தொடர்ந்து சிகிச்சை அளிக்கப்பட்டு வருகிறது.

இது குறித்து பள்ளி பாளையம் போலீஸ் இன்ஸ் பெக்டர் ராஜேந்திரன் வழக்கு பதிவு செய்து விசாரணை நடத்தினார். விசாரணையில் பெயிண்டர் வசந்த் குடி போதையில் இருந்தது தெரிய வந்தது.

அவர் சாந்திக்கு ஏற்கனவே செக்ஸ் தொல்லைகள் கொடுத்து வந்து இருக்கலாம் என்றும், உடன் படாத ஆத்திரத்தில் அந்த இளம்பெண் மீது ஆசிட்டை வீசி விட்டு அவன் போலீசுக்கு பயந்து தற்கொலை செய்து இருக்கலாம் என்றும் தெரிகிறது. இது தொடர்பாக விரிவான விசாரணை நடந்து வருகிறது.

paraparappu.com