எல்லாரையும் ஏத்தி போக கப்பல் வருமா என்ற அசத்தலான பாடல் இராமேஸ்வரம் படம் பார்த்து பல மணி நேரம் ஏனோ என் மனதில் அசை போட்டு கொண்டிருந்தது .மசாலா படவகை படங்கள் போன்று பத்தோடு பதின்னொன்று வகையான படமாக இருந்தாலும் கூட அகதியாக என்னை இந்த திரைபடத்தில் தேடியதால் . அகதியாக புலம் பெயர்ந்த ஆரம்ப கால கட்டத்தை நோக்கி சிந்திக்க வைத்துள்ளது.தாய் நாட்டை விட்டு வலிந்து வெளியேறி அல்லது வெளியேற வேண்டி சூழல் வந்து இந்தியாவை வந்து அடைந்தால் என்ன ஜரோப்பாவை வந்து அடைந்தால் என்ன வட அமெரிக்காவை வந்து அடைந்தால் என்ன ; வெளி உபாதைகளில் சிறிது வித்தியாசம் வேறுபாடு இருந்தாலும் மன ரீதியாக

http://sinnakuddy.blogspot.com/2007/12/blog-post.html

ராமேஸ்வரம் பாத்துப்போட்டு இத எழுதினதாய் சொல்லுறீங்கள். நானும் இண்டைக்கு போன ஒரு இடத்தில ரெண்டு நிமிசம் ராமேஸ்வரம் பாத்தன்.

என்னப் பொறுத்தவரையில அகதி எண்டுற சொல்லு.. ஏனைய பொருளாதார நலிவுகளுடன் வைத்து குழப்பப்படுகின்றதோ எண்டு நினைக்கிறன். அதாவது வாழ்க்கையில - சமூகத்தில ஏற்கனவே ஏற்றத்தாழ்வுகள், துவேசங்கள், பிரிவினைகள் இருக்கிது. இது அகதி என்ற ஸ்தானத்தில் தான் ஏதோ பூதாகரமாக வெளிப்படுத்தப்படுகின்றது எண்டு இல்லை.

எங்கபோனாலாலும் படத்தில காதலக்கொண்டுபோய் சொருகி அதவச்சு கதையப் பின்னுறாங்கள். இதநான் பிழை எண்டு சொல்ல இல்ல. ஆனா கேள்வி என்னவெண்டால் இப்ப படத்தில அந்த கதாநாயகன் சிறீ லங்கா அகதி இல்லாமல் நோர்மலான தமிழ்நாட்டு இந்தியனாக இருந்து இருந்தாலும் காதல் செய்யேக்க பொண்ணுவீட்டில எதிர்ப்பு ஒண்டும் இல்லாமல் இருந்து இருக்குமா எண்டுறதுதான்.

அதாவது நோர்மலாவே இருக்கிறபிரச்சனைகள அகதியாக இருந்ததால்தான் வந்தது எண்டு காட்டமுனைவது தவறு!

எத்தனையோ அகதிகள் உலக சரித்திரத்தையே மாற்றி உள்ளார்கள். அல்பேட் ஐன்ஸ்டைன் கூட ஒருகாலத்தில அமெரிக்காவுக்கு குடிபெயர்ந்தவரே!

சும்மா சும்மா இப்படி அகதிகள் எண்டு புலம்பிக்கொண்டு இருக்கிறதில என்ன பிரயோசனம்?

Edited December 28, 200718 yr by கலைஞன்

நன்றி கலைஞன்.உங்களின் கருத்துடன் நான் ஒத்து போகின்றேன்.ஒரு முறை தமிழின் பெருமை பற்றி நான் பல தகவல்களை திரட்டி எழுத முற்பட, நிர்வாகத்தில் இருந்து ஒருவர் ஏன் நாங்கள் இப்படி அகதியாக இருந்து பெருமை பட வேண்டுமென எழுதியிருந்தார்.யூத மக்கள் இப்படி நினைத்திருந்தால் இன்று உலகின் சுப்ப பவராக இருக்கமுடியுமா என ஒரு கணம் சிந்திக்க தவறி விடுகிறோம்.ஏதோ சந்தர்ப்ப வசத்தால் நாட்டை விட்டு வெளியேறினோமெனினும் நாங்கள் எங்கள் தனித்துவத்தை இழக்க என்றுமே தயாரில்லை.

வணக்கம் சின்னக்குட்டி அண்ணா. உங்கள் பதிவு நன்றாக உள்ளது. ஆனாலும் "கனடாவிற்கு சென்றவர்கள் குடியுரிமை என்ற போர்வையில் அகதி என்ற அடையளத்தை மறைத்து வாழ்கின்றனர்" என்று எழுதியுள்ளீர்கள். அகதி என்ற அடையாளத்தை மறைத்து என்பதை விட மறந்து என்பதுதான் சரியென நான் நினைக்கிறேன். அதற்கு காரணம் இந்த நாட்டில் (கனடா) பேணப்படும் சமத்துவம். எனது வாழ்வின் அரைவாசிக்கு மேலான காலமாக கனடாவிலையே வசிக்கிறேன். இதுவரைக்கும் இரண்டாம் தர குடிமகனாக எந்த ஒரு அரச அலுவலகத்திலோ தனியார் அலுவலகத்திலோ அல்லது வேறு எந்த சந்தர்ப்பத்திலோ உணர்ந்ததில்லை உணர வைக்கப்படவும் இல்லை. அந்த வகையில் கனேடியனாக இருப்பதில் பெருமை அடைகிறேன். உண்மையைச் சொன்னால் தமிழீழம் கிடைத்த பின்னரும் கனடாவை விட்டு அங்கு போவேன் என இன்று வரை எண்ணியதில்லை.