சிறிலங்காவின் மகிந்த ராஜபக்சவினது முட்டாள்த்தனமான தீர்வுத் திட்டங்களால் காலம்தான் வீணடிக்கப்படும் என்று தமிழ்த் தேசியக் கூட்டமைப்பின் சிறிலங்கா நாடாளுமன்ற உறுப்பினர் இரா.சம்பந்தன் சாடியுள்ளார்.

தொடர்ந்து வாசிக்க

அந்த ஆளுடைய மூஞ்சியப் பாத்தாலே விவேக ஈவு குறைவான ஒரு முட்டாள் போலதான் இருக்கிறார்.

வீரகேசரி இணையம் - தமிழ்இ முஸ்லிம் மக்களுக்கு அவர்களின் பிரதேசங்களில் சுயாட்சி வழங்கப்படவேண்டும். வடக்கையும் கிழக்கையும் தனித்தனியாக பிரித்து விட்டு 13ஆவது திருத்தச் சட்டத்தை அமுல்படுத்துவதில் எத்தகைய பயனுமில்லை என்று தமிழ் தேசியக் கூட்டமைப்பின் பாராளுமன்ற குழுத்தலைவர் இரா. சம்பந்தன் தெரிவித்தார். ஐக்கிய தேசியக் கட்சியும் ஸ்ரீ லங்கா சுதந்திரக் கட்சியும் இணைந்து தீர்வினை முன்வைத்தால் மாத்திரமே தற்போதைய அவலங்களுக்கு முடிவுகட்ட முடியும். கடும் போக்குவாத கட்சிகளை திருப்திபடுத்தும் நடவடிக்கைகளில் அரசாங்கம் ஈடுபடக்கூடாது என்றும் அவர் மேலும் கூறினார்.

பாராளுமன்றம் சபாநாயகர் வி.ஜே.மு. லொக்குபண்டார தலைமையில் நேற்று காலை 9.30க்கு கூடியது. வழமையான தின பணிகள் முடிவடைந்ததும் அவசரகால சட்டத்தை மேலும் ஒரு மாத காலத்திற்கு நீடிக்கும் பிரேரணை மீதான விவாதத்தில் உரையாற்றும்போதே சம்பந்தன் எம்.பி. மேற்கண்டவாறு கூறினார்.

இரா. சம்பந்தன் எம்.பி. தனது உரையில் மேலும் தெரிவித்ததாவது, தனித்துவ அடையாளம்

தமிழர்கள், சிங்களவர்கள், முஸ்லிம்கள் தங்களுக்குரிய தனித்துவமான அடையாளங்களுடன் வாழ்ந்து வருகின்றனர். சிங்களவர்கள் தமிழர்கள் அல்லஇ தமிழர்கள் சிங்களவர்கள் அல்ல. அவர்களின் தனித்துவங்கள் அங்கீகரிக்கப்பட வேண்டும்.

ஒற்றுமையாக இல்லை

சிங்களவர்களும் தமிழர்களும் ஒற்றுமையாக வாழ்கின்றார்களா என்றால் இல்லை என்றுதான் கூறவேண்டும். ஒற்றுமையாக இருக்கின்றார்கள் என்றால் அது முட்டாள்தனமாகும். கருத்தொருமிப்பை உருவாக்கும் அரசியல் யாப்பு எம்மிடம் இல்லை. தீர்வு ஏற்படவேண்டுமென சர்வதேச நாடுகள் அழுத்தம் கொடுத்தபோதும் அதற்கான நடவடிக்கைகள் எடுக்கப்படவில்லை.

பிற்போக்கான சிந்தனை

20 வருடங்கள் கழிந்த நிலையில் 13ஆவது திருத்தச் சட்டத்தை சர்வகட்சி ஆலோசனைக் குழு முன்வைத்துள்ளது. நவீன புதிய சிந்தனைகளை கொண்டு வாருங்கள். ஏதாவது செய்துள்ளோம் என்பதை சர்வதேச சமூகத்திற்கு வெளிக்காட்டுவதற்காகவே இந்த பிற்போக்கான நடவடிக்கையை சர்வகட்சி குழு செய்திருக்கின்றது. 18 மாதங்களில் 60 தடவைகளுக்கு மேல் கூடி பிற்போக்கான இந்த இடைக்கால அறிக்கையை சர்வகட்சிக் குழு சமர்ப்பித்திருக்கின்றது.

ஜனாதிபதியின் கருத்து ஆகவேதான் இந்த விடயத்தில் இணைத் தலைமை நாடுகளின் ஆலோசனைகளை கவனத்தில் எடுத்து தீர்வுகாண முற்படவேண்டும். சர்வகட்சி ஆலோசனைக் குழுவின் ஆரம்ப கூட்டத்திலே ஜனாதிபதி கூறிய கருத்துக்களுக்கு எதிர்மாறாகவே அந்த குழு சமர்ப்பித்த இடைக்கால அறிக்கை அமைந்துள்ளது. ஒற்றையாட்சியின்கீழ் இனப்பிரச்சினைக்கு தீர்வுகாண முடியாது என ஆனந்த சங்கரிகூட கூறியிருக்கின்றார். பரீட்சித்து பார்ப்பதற்காக தீர்வு திட்டங்களை முன்வைக்கக்கூடாது. டக்ளஸ் தேவானந்தாவின் கருத்தைக்கூட உள்வாங்க முடியாத நிலையில் இந்த இடைக்கால அறிக்கை அமைத்திருக்கின்றது.