சுமார் ரூ.10 கோடி பெறுமதிக்கு ஆறாயிரம் கிலோ எடையில்

நடமாடும் சத்திரசிகிச்சை உபகரணங்கள்

புலிகளுக்காக செஞ். குழுவினர் தருவிப்பாம்!

"அரச படைகளினால் விடுவிக்கப்படாத பிரதேசங்களிலுள்ள வைத்தியசாலைகளுக்கு வழங்குவதற்கு என்ற பெயரில், நடமாடும் சத்திரசிகிச்சைக் கூடங்களுக்கான சுமார் பத்துக்கோடி ரூபா பெறுமதியான மருந்துகள் மற்றும் உபகரணங்கள் செஞ்சிலுவைச் சர்வதேசக் குழுவினால் கொண்டுவரப்பட்டுள்ளன.

""ஆனால் இவை விடுதலைப் புலிகள் அமைப்புக்கு வழங்குவதற்காகவே கொண்டுவரப்பட்டுள்ளன என்பதில் சந்தேகமில்லை.''

இப்படி சுகாதார அமைச்சின் மூத்த அதிகாரி ஒருவர் தெரிவித்தார் என்று அவரை மேற்கோள்காட்டி சிங்கள நாளிதழ் ஒன்று செய்தி வெளியிட்டிருக்கின்றது.

சுமார் ஆறாயிரம் கிலோ எடை கொண்ட இந்த உபகரணங்கள் 232 பொதிகளில் எடுத்து வரப்பட்டுள்ளன.

போரின்போது பெரும் காயங்களுக்கு உள்ளாகும் ஆட்களுக்கு அந்த இடத்திலேயே நேரடியாகச் சத்திரசிகிச்சை மேற்கொள்வதற்கு இந்த உபகரணங்கள் பயன்படுத்தப்படுகின்றன எனத் தெரிவித்த அந்த அதிகாரி, இந்த மருந்துவகைகள் கென்யாவின் நைரோபி நகர செஞ்சிலுவைச் சங்கத்தினால் இலங்கைக்கு அனுப்பப்பட்டுள்ளன என மேலும் தெரிவித்தார்.

இந்த மருந்துவகைகள் விடுவிக்கப்படாத பிரதேசங்களிலுள்ள 50 வைத்தியசாலைகளுக்கு விநியோகிப்பதற்கெனத் தெரிவித்தே இங்கு தருவிக்கப்பட்டுள்ளன.

இந்த மருந்துவகைகள் செஞ்சிலுவைச் சர்வதேசக் குழுவினால் இலங்கைச்சுங்கத்திலிருந்து அகற்றப்பட்டுள்ளன.

அவற்றை விடுவிக்கப்படாத பிரதேசங்களுக்குக் கொண்டு செல்வதற்காகக் கடந்த 15 ஆம் திகதி சுகாதார அமைச்சின் சிபார்சு கோரப்பட்டுள்ளது. ஆயினும் நேற்று முன்தினம் மாலைவரை அதற்கான சிபார்சு வழங்கப்படவில்லை.

ஆனாலும், முன்னணி அமைச்சரொருவர் செஞ்சிலுவைச் சர்வதேசக் குழுவுக்கு இந்த சிபார்சை வழங்குமாறு சுகாதார அமைச்சின் அதிகாரிகளுக்கு அழுத்தம் கொடுத்து வருகின்றார் என சுகாதார அமைச்சின் அதிகாரி மேலும் தெரிவித்தார்.

இப்படி அந்த நாளிதழின் செய்தியில் மேலும் கூறப்பட்டிருந்தது. (உ)

http://www.sudaroli.com/pages/news/today/09.htm

அதிகாரிமாரெல்லாம் அரசியல் பேசத் தொடங்கிற்றீனம்.