இலங்கை வடக்குகிழக்கு பிரச்சினை காரணமாக மனித உரிமைகள் சம்பமந்தபட்ட பாரதூரமான மீறல்களும் மனித அவலங்களும் ஏற்பட்டிருப்பதாக சர்வதேச சமூகம் மூலமாக இலங்கை அரசுக்கு எதிரான சர்வதேச நிலைப்பாடு கட்டியெழுப்பப்பட்டிருப்பதா

மேற்கு நாடுகள் தங்களுக்கு லாபம் இல்லாத வரை பொதுவாக தலையிடுவதில்லை.

கொசோவோவின் பிரிவினை இயக்கத்திற்கு கிடைத்த வெற்றி காரணமாக, விடுதலைப்புலிகளின் சுதந்திர தாயகத்திற்கான போரட்டம் வெற்றி பெறலாம் என இலங்கை அரசு அச்சம் கொண்டுள்ளதாகவும், இதன் காரணமாகவே அது கொசோவோவின் சுதந்திரப்பிரகடனத்தை உடனடியாக விழுந்தடித்து எதிர்ப்பதாகவும் சுட்டிக்காட்டப்பட்டுள்ளது.

கொசோவோவின் சுதந்திரத்திற்கு மேற்குலகு வழங்கும் ஆதரவும் இலங்கை அரசுக்கு அதிக கவலையை அளித்திருப்பதாகக் கூறப்படுகின்றது.

இந்திய செய்தி நிறுவனம் ஒன்று, கொசோவோ நிலையை ஒட்டி இலங்கையைச் சம்பமந்தப்படுத்தி வெளியிட்ட ஆய்வு ஒன்றில் இப்படித் தெரிவித்துள்ளது.

அமெரிக்கா தலைமையிலனான மேற்குலகம் இலங்கையின் இனப்பிரச்சினைக்கு யுத்தம் மூலம் தீர்வு காண முடியாதென வலியுறுத்தி வருவதுடன், விடுதலைப்புலிகளுடன் பேச்சுகளை மேற்கொள்ளுமாறும் வேண்டுகோள் விடுத்து வருகின்றது.

விடுதலைப்புலிகளுக்கு எதிரான போரட்டம் என்ற போர்வையில் இலங்கை அரசு மேற்கொண்டு வரும் மனித உரிமை மீறல்களையும் மேற்குலகம் விமர்சித்து வருகின்றது.

இதேவேளை, கொசோவோவின் சுதந்திரப் பிரகடனத்திற்குப் பின்னர் இலங்கை எவ்வாறான நிலைப்பாட்டை எடுக்க வேண்டுமென்பது குறித்த அரசியல் விமர்சகர்கள் மாறுபட்ட கருத்தினை முன்வைத்துள்ளனர்.

மஹிந்தவின் மேற்குலக எதிர்ப்பு நிலைப்பாடு, எதிர்மாறான விளைவுகளை ஏற்படுத்துமென்ற அச்சமும் வெளியிடப்பட்டுள்ளது.

இதேவேளை, ஐக்கிய நாடுகளுக்கான இலங்கை பிரதிநிதி, இலங்கை அரசு உறுதியாக இருக்க வேண்டும் என்றும் சர்வதேச அழுத்தம் காரணமாக அது தனது படைகளை வடக்குகிழக்கிலிருந்து விலக்கிக் கொள்ளக் கூடாதென்றும் தெரிவித்துள்ளார்.

கொசோவோவிலிருந்து தனது படைகளை விலக்கி, நேட்டோப் படைகளை அங்கு நிலை கொள்ளச் செய்ததன் மூலம் யூகோஸ்லாவியாத் தலைவர்கள் பாரிய தவறிழைத்துள்ளனர் என்றும் அவர் தெரிவித்துள்ளர்.

இப்படி அச் செய்தி நிறுவன ஆய்வு மேலும் தெரிவித்துள்ளது.

நன்றி சுடர் ஒளி