சிராந்தி ராஜபக்ஷ கலந்து கொண்ட நிகழ்வில் ஊடகவியலாளர்களின் பாதணிகள் கழற்றப்பட்டு சோதனை 3/12/2008 12:33:44 AM

வீரகேசரி இணையம் - ஜனாதிபதி மஹிந்த ராஜபக்ஷவின் பாரியார் சிராந்தி ராஜபக்ஷவின் பாதுகாப்புக்கருதி ஊடகவியலாளர்களின் பாதணிகள் கழற்றப்பட்டு நவீன கருவிகள் மற்றும் மோப்ப நாய் உதவியுடன் கடும் சோதனைக்கு உள்ளாக்கப்பட்டன. பண்டாரநாயக்க ஞாபகார்த்த சர்வதேச மாநாட்டு மண்டபத்தில் நேற்று இடம்பெற்ற நிகழ்வொன்றில் சிராந்தி ராஜபக்ஷ கலந்து கொள்ளவிருந்த சமயமே இந்த சோதனை நடவடிக்கைகள் இடம்பெற்றன.

செலிங்கோ நெனசரன என்னும் கல்வித்திட்டத்தின் ஊடாக கஷ்டப் பிரதேச பாடசாலைகளுக்கு அதிநவீன கணனி இயந்திரங்கள் மற்றும் உபகரணங்கள் கையளிக்க ஆரம்ப நிகழ்வு இடம்பெற்றது.காலை 10.00 மணிக்கு ஆரம்பமாக விருந்த இந்நிகழ்வு பிரதம அதிதியான சிராந்தி ராஜபக்ஷவின் வருகையில் தாமதம் ஏற்பட்டதால் சுமார் 11.50 மணியளவிலேயே ஆரம்பமானது.

சிராந்தி ராஜபக்ஷவின் பாதுகாப்புக்கருதி நூற்றுக்கணக்கான பொலிஸார் குவிக்கப்பட்டிருந்ததுடன் ஜனாதிபதி பாதுகாப்புப் பிரிவினரும் கடமையில் ஈடுபடுத்தப்பட்டிருந்தனர். இதன்போது அங்கு வருகை தந்திருந்த பாடசாலை மாணவர்கள் உட்பட அனைத்து தரப்பினரும் பலத்த சோதனைகளுக்கு உட்படுத்தப்பட்டனர். இந்த சோதனை நடவடிக்கைகள் இரண்டு மணித்தியாலங்களுக்கு மேலாகவும் நடைபெற்றுக் கொண்டிருந்தன.

இந்நிலை ஊடகவியலாளர்கள் இலத்திரனியல் சாதனங்கள் அனைத்தும் நவீன கருவிகள் மற்றும் மோப்ப நாய் சகிதம் சோதனையிடப்பட்டன. இந்த சோதனை நடவடிக்கைகளின் போது ஊடகவியலாளர்கள் இருவது பாதணிகளும் கழற்றப்பட்டு சோதனையிடப்பட்டதுடன் அதற்கும் நவீன கருவிகள் மற்றும் மோப்ப நாய் சோதனை நடவடிக்கை மேற்கொள்ளப்பட்டது. இவ்வூடகவியலாளர்களில் ஒருவர் தமிழர், மற்றையவர் சிங்களவர்.

நல்லவேளை ஜட்டியை கழட்டி சொதனை பண்ணேல்லை

சாத்திர மாமா

போற போக்கைப் பாத்தால் அதுவும் நடக்கும். நினைக்கவே கண்றாவியாக் கிடக்கு

இவ்வூடகவியலாளர்களில் ஒருவர் தமிழர், மற்றையவர் சிங்களவர்.

சொந்த இனத்தையே நம்ப இவர்கள் தயாரில்லை. அவ்வளவு பயபிராந்தி.