யோகா-சு‌‌‌ப்த -- வஜ்ராசனம்

யோகா--சு‌‌‌ப்த - வஜ்ராசனம்

வியாழன், 6 மார்ச் 2008( 17:02 IST )

வஜ்ராசன நிலையில் அமரவும்

. முதலில் இடது முழங்கை முட்டியையும், பிறகு வலது முழங்கை முட்டியையும் ஒன்றன் பின் ஒன்றாக மிக மெதுவாக பின் பக்கத் தரையில் வைக்கவும்.

2. மெதுவாக உடலை பின் பக்கமாகச் சாய்த்து - முதுகையும், பிறகு தலையையும் தரையில் வைக்கவும். கைகள் இரண்டையும் உடலின் பக்கவாட்டில் நேராக வைக்கவும்.

3. தோள்கள் இரண்டும் தரையை தொட்ட நிலையிலும், முழங்கால் முட்டிகள் இரண்டும் அருகருகே சேர்ந்த நிலையிலும் இருக்க வேண்டும். புதிதாகத் துவக்குபவர்கள் கைகள் இரண்டையும் தொடையின் மீது வைத்துக் கொள்ளலாம்.

4. இந்த நிலையில் நன்கு பயிற்சி பெற்றதும், இரண்டு கைகளையும் மேல் நோக்கி மடக்கி - கத்தரிக்கோல் போன்ற நிலையில் தோளுக்குக் கீழ் - வைத்துக்கொள்ளவும்.

5. வலது கை இடது தோளுக்குக் கீழும், இடது கை வலது தோளுக்குக் கீழும், மடங்கிய கைகளுக்கு இடையில் தலை இருக்குமாறும் நிலைகொள்ள வேண்டும்.

6. பழைய நிலைக்குத் திரும்ப முதலில் கைகள் இரண்டையும் ஒவ்வொன்றாக எடுத்து, உடலின் பக்கவாட்டிற்கு கொண்டு வந்தப் பிறகு, ஆரம்பத்தில் செய்த்தைப் போல முழங்கைகளால் ஊன்றிக் கொண்டு வஜ்ராசன நிலைக்கு வரவும்.

கவனத்தில் கொள்ள வேண்டியவை:

முதுகை கீழே சாய்க்கும்போது, மிக நிதானமாக உடலின் எடையை சமாளித்து இறக்க வேண்டும். அவசரமாகவோ அல்லது வேகமாகவோ செய்தால் தசை பிடிப்பு ஏற்படலாம்.

வஜ்ராசனம் செய்வதற்கே சிரமப்படுபவர்கள், இந்த ஆசனத்தை செய்வதைத் தவிர்க்க வேண்டும்.

புதிதாக யோகப் பயிற்சி செய்ய்ப பழகுகிறவர்கள், முழங்கால்கள் இரண்டையும் ஒன்றாக வைக்க சிரம்மாக இருந்தால் விலக்கி வைத்துக் கொள்ளலாம்.

பயன்கள்:

அடி வயிற்றுத் தசைகளை வலிமைப்படுத்தும்.

அதிக இரத்த அழுத்தம் உள்ளவர்களும், சியாட்டிகா என்றழைக்கப்படும் இடுப்பு சந்து வாதம் உள்ளவர்களுக்கும் இந்த ஆசனம் நல்ல பயனளிக்கும்.

மலச்சிக்கல் தீர்வதற்கு இது மிகச் சிறந்த வழியாகும்.

வாய்வுப் பிரச்சனை உள்ளவர்களும், இடிப்பு வலியுள்ளவர்களும் இந்த ஆசனத்தை பயிற்சி செய்ய வேண்டாம்.

http://tamil.webdunia.com/miscellaneous/yo...080306010_1.htm

யோகா என்றால் என்ன?

புதன், 20 பிப்ரவரி 2008( 20:13 IST )

webdunia photo WD

யோகா என்ற சொல் வடமொழி வேர்ச்சொல்லான யுஜ் என்பதிலிருந்து வந்தது. இதன் அர்த்தம் இணைப்பது, சேர்ப்பது, பிணைப்பது, அதாவது ஒருவரின் கவனத்தை ஒருமுகப்படுத்துவது. இதற்கு சங்கமம் என்ற பொருளும் ஒன்று கலத்தல் என்ற பொருளும் உண்டு.

உடல்,மனம், உணர்ச்சிகள், ஆன்மா ஆகியவற்றை ஒன்றிணைப்பது அல்லது ஒருமுகப்படுத்துவதே யோகக் கலை. உணர்வுகளைக் கட்டுப்படுத்தி, மன அழுத்தங்களை குறைத்து அமைதி தருவது.

இலக்கின்றி அலையும் மானுட வாழ்வில் இலக்கை நிர்ணயித்து சேர வேண்டிய இலக்கில் கொண்டு போய்ச் சேர்க்க யோகா ஒரு சிறந்த ஆன்மீக மார்க்கமாகும். நாம் அறியாத சாலைகளில் நடந்து செல்லும்போது நம் இலக்கை அறிய சாலையில் உள்ள வழிகாட்டிகளை பின்பற்றிச் செல்வோம், அது போலவே ஆன்மீக வாழ்வில் இலக்கை எட்ட யோகாவின் குறிகளை பின்பற்றவேண்டியது அவசியம். அந்த குறிகளில் மூன்றுதான் சுகாதாரமான வாழ் நெறி, அற நெறி, ஒழுக்க ரீதியான சுயக் கட்டுப்பாடு ஆகியனவாகும்.

இந்த மூன்று விதிகளையும் கடைபிடிப்பதால் ஏற்படும் விளைவுகள் அசாத்தியமானது. இந்த கட்டுப்பாடுகளை கடைபிடிக்கும் எந்த ஒரு மனிதனும் தன் மனதை கட்டுக்குள் வைத்துக் கொள்ள முடியும். இது நமது ஆன்மீகச் சிந்தனையை திறக்கும். மனமும், ஆன்மாவும் ஒத்திசைவு கொண்டால், உடலும் அதற்குக் கட்டுப்பட்டு இயங்கும்.

யோக மார்க்கத்தை கடைபிடிக்க துவங்கினால் நாளடைவில் ஒருவர் தனது மன நிலையில் ஏற்படும் அதிசய மாற்றங்களை நன்றாக உணர முடியும். மாறும் வாழ் நெறி இந்த மாற்றங்களை நமக்கு அறிவுறுத்தும்.

யோகாவின் அடிப்படை :

யோக மார்க்கத்திற்கு இரண்டு அசைக்க முடியாத அடிப்படைகள் உண்டு. அவை பௌதிகம் மற்றும் ஆன்மீகம். பெளதிக மட்டத்தில் ஆசனங்கள், கிரியைகள், பிராணாயாமங்கள் ஆகியவற்றுடன் 4 முத்திரைகளும் உள்ளது. இந்த யோகப் பயிற்சிகளை முறையாக பயிற்சி செய்தால் உடலையும் அதனுடன் மனத்தையும் ஆன்மீக முன்னேற்றத்திற்கு தயார்படுத்தும்.

ஆன்மீக வெளிப்பாடு என்பது சுய அறிதல் மற்றும் மனக் கட்டுப்பாடு. இவற்றை அடைந்ததற்கான மூர்த்திகரமே யோகா குரு என்பவர்.

இந்த யோகா சானல் மூலம் 30 யோகாசனங்களுக்கான செய்முறையை படிப்படியாக அளிக்கவுள்ளோம். ஒவ்வொரு வாரமும் ஒரு புதிய யோகாசனம் அறிமுகம் செய்யப்படவுள்ளது.

ஆரோக்கியமான உலகத்தை நோக்கி பயணப்படுவோம்...

http://tamil.webdunia.com/miscellaneous/yo...080220058_1.htm

Edited March 12, 200817 yr by nunavilan