சென்னையில் ரூ.300 கோடி கணினி மையம்

.

.

பெரம்பலூர், மார்ச் 31: மத்திய அரசின் தேசிய கணினி நிர்வாக திட்டத்தின் கீழ் இந்தியாவிலேயே முதல் முதலாக தமிழகத்தில் சுமார் 300 கோடி மதிப்பீட்டில் மாநில கணினி மையம் தொடங்கப்படும். வரும் ஏப்ரல் 8ம் தேதி சென்னையில் இத்திட்டத்தை தமிழக முதல்வர் தொடங்கி வைக்க உள்ளார் என்று மத்திய அமைச்சர் ஆ.ராசா தெரிவித்துள்ளார்.

.

மத்திய அரசு நிதியை கொண்டு பெரம்பலூர், அரியலூர் மாவட்டங்களில் செயல்படுத்தபட்டு வரும் திட்டங்கள் குறித்த விழிப்பு மற்றும் கண்காணிப்பு குழு கூட்டம் அரியலூரில் நடைபெற்றது.

இதில் கலந்து கொண்டு ஆய்வு மேற்கொண்ட மத்திய தொலை தொடர்பு மற்றும் தகவல் தொழில் நுட்ப துறை அமைச்சர் ஆ.ராசா பின்னர் செய்தியாளர்களிடம் பேசும்போது, 11வது ஐந்தாண்டு திட்டத்தில் மத்திய அரசால் அறிவிக்கப்பட்டுள்ள தேசிய கணினி நிர்வாக திட்டத்தின் கீழ் இந்தியாவிலேயே முதல் மாநிலமாக தமிழகத்தில் மாநில கணினி மையம் துவங்கப்பட உள்ளது எனவும், இதைத் தொடர்ந்து கிராமங்களை உள்ளடக்கிய பொது கணினி மையமும் அமைய உள்ளது என்றும் இத்திட்டங்கள் தமிழக முதல்வர் கருணாநிதி வரும் ஏப்ரல் 8ம் தேதி சென்னையில் துவக்கி வைக்கவுள்ளார் என்று தெரிவித்தார்.

இதற்கான ஒருங்கிணைந்த திட்டமிதிப்பீடு சுமார் 300 கோடி ஆகும் என்று கூறிய அமைச்சர் ராசா தமிழக முதல்வர் ஏற்கனவே கணினி துறையில் புரட்சிகரமாக செயல்பட்ட தால் மத்திய அரசு இத்திட்டத்தை தமிழகத்தில் முதலாவதாக தொடங்குகிறது.

இதைத் தொடர்ந்து மற்ற மாநிலங்களிலும் இத்திட்டம் தொடர்ந்து செயல்படுத்தப்பட உள்ளது என்றார். இத்திட்டத்திற்கான தொடக்க விழா அன்று கிராம அளவிலான பொது கணினி மையங்களையும் முதல்வர் கருணாநிதி சென்னையிலிருந்து தொடங்கி வைக்கிறார்.

இதற்காக பெரம்பலூர் மாவட்டம் எசனை கிராமம் அரியலூர் மாவட்டம், கீழப்பமூர் கிராமம் மற்றும் திருவண்ணாமலை மாவட்டம் உள்ளிட்ட 3 மாவட்டங்களில் கிராமங்கள் தேர்வு செய்யப்பட்டுள்ளது. சென்னையிலிருந்தே இந்த மூன்று மாவட்ட கலெக்டரின் உதவியுடன் இத்திட்டம் தொடங்கி வைக்கப்படும் என்றார்.

இத்திட்டம் செயல்பட்டால் தொலை பேசி கட்டணம், மின் கட்டணம், ரெயில் மற்றும் விமான முன்பதிவு உள்ளிட்ட வசதிகளை கிராம மக்கள் தங்கள் கிராமத்திலிருந்து பெற முடியும் என்றார். ஜெயங்கொண்டம் அனல்மின் திட்டத்திற்காக இதுவரை 3389 ஹெக்டேர் நிலம் கையகப்படுத்தப் பட்டுள்ளதாக கூறிய அவர் பெரம்பலூரில் சிறப்பு பொருளாதார மண்டலத்திற்காக இதுவரை சுமார் 3400 ஏக்கர் நிலம் பெறப்பட்டுள்ளது.

எஞ்சிய 500 ஏக்கர் நிலம் கிடைத்தவுடன் அடுத்த கட்ட பணிகள் தொடங்கப்படும்என்றார். முன்னதாக பெரம்பலூர்அரியலூர் சாலையில் அரசு மருத்துவ கல்லூரிக்கான இடத்தை பார்வையிட்டார்

malaisudar.com

உந்த இடத்தில என்ன செய்யிறது?

இதுவும் ஒரு Internet Cafe யா?

உந்த இடத்தில என்ன செய்யிறது?

இதுவும் ஒரு Internet Cafe யா?

கிட்டத்தட்ட அதே தான் சூறாவளி.

அடக்கோதாரி... அதுக்கு 300 கோடியா? இந்தியா நல்லாதான் வளருது...