அரச படைகளுக்கும் விடுதலைப் புலிகளுக்கும் இடையில் மோதல்கள் நடைபெற்ற வேறு பல பிரதேசங்களில் இருந்து பாதுகாப்புக் கருதி வன்னேரிக்குளம், அக்கராயன் மற்றும் ஆனை விழுந்தான் ஆகிய இடங்களில் தஞ்சமடைந்தவர்கள் இப்போது அந்தப் பகுதிகளில் இருந்து அச்சம் காரணமாக பாதுகாப்புக் கருதி வேறு இடைப் பட்ட பகுதிகளை நோக்கி நகரும் இடம்பெயரும் பெரும் அவலநிலை தோன்றியுள்ளது. பட்ட காலிலே படும் கெட்ட குடியே கெடும் என்பதற்கேற்ப, இவர்கள் தாம் வந்து தங்கிய மேற்குறிப் பிட்ட இடங்களுக்கும் கிளிநொச்சி நகருக்கும் இடைப்பட்ட பகுதிகளை நோக்கி நகரத்தொடங்கியுள்ளதாகத் தகவல்கள் கிடைத்துள்ளன.

மன்னார், வவுனிக்குளம், மல்லாவி துணுக்காய் ஆகிய பகுதிகளில் மோதல்கள் தீவிரமாகியதைத் தொடர்ந்து அங்கிருந்து மக்கள் இடம்பெயர்ந்து முன்னர் கூறிய பகுதி கள் பாதுகாப்பானவை என்று நினைத்து அங்கு குடிபெயர்ந்தனர்.

பாதுகாப்புக் கருதி இப்போது மீண்டும் வேறு பகுதிகளுக்கு இடம்பெயர வேண்டிய அவல நிலைக்கும் நிர்க்கதிக்கும் ஆளாகியுள்ளனர். வன்னேரிக்குளம் பகுதியில் கடந்த வெள் ளிக்கிழமை இடைவெளியின்றி ஷெல்கள் வீழ்ந்து வெடித்ததில் 49 வயதுடைய சின் னத்தம்பி அருளானந்தம் என்பவர் கொல் லப்பட்டது தெரிந்ததே. இதேவேளை கடந்த புதன்கிழமை முல்லைத்தீவு பகுதி யில் நடத்தப்பட்ட விமானக் குண்டுத்தாக் குதலில் காயமடைந்த 18 பேரில் ஒருவர் சத்திரசிகிச்சையின் பின்னர் உயிரிழந் துள் ளதாக கிளிநொச்சி வைத்தியசாலை வட் டாரங்கள் தெரிவித்துள்ளன.

இதற்கிடையில் விமானக்குண்டு வீச்சு, எறிகனைவீச்சுக்கள் காரணமாக கிளிநொச்சி நகரை அண்டிய பகுதிகளை நோக்கி இடம் பெயரும் மக்களை பாதுகாப்பாக பாட சாலை களில் தங்கவைப்பதற்கான நட வடிக்கை களை கிளிநொச்சி மாவட்ட அரச மற்றும் அரசசார்பற்ற நிறுவனங்களைச் சேர்ந்த அதி காரிகள் நடவடிக்கைகளை எடுத்துள்ளனர்.

இதற்கென 15 பாடசாலைகள் அடை யாளம் காணப்பட்டு அங்கு தங்கவைக்கப் படுபவர்களுக்குத் தேவையான அடிப் படை வசதிகளை வழங்குவதற்கான கட்ட மைப்பு வேலைகள் ஆரம்பிக்கப்பட்டுள் ளதாக அதிகாரிகள் தெரிவித்துள்ளனர்.

www.uthayan.com

இந்த விடயங்கள் சர்வதேச சமூகத்துக்கு மத்தியில் கொண்டு செல்ல படவில்லையா...?? கிழக்கின் இடம்பெயர்வுகளுக்கு ( முக்கியமாக மூதூர்) கொடுத்த முக்கியத்துவம் ஏன் கொடுக்க படவில்லை...??

மக்களின் அவலம் தொடர்கிறது. மிகவும் கஷ்டப்படுகிறார்கள் எல்லோருக்கும் ஒரு நல்ல வழி பிறக்கும் .

இடம்பெயரும் அவலத்தில் அல்ல ..இடம் பெயர்ந்து அவலத்தில் இருக்கிறார்கள். அக்கராயன், கோட்டைகட்டி, அம்பலப்பெருமாள் ஆகிய பகுதிகளில் வசித்த,இடம்பெயர்த்த மக்களும் அங்குஇருந்து வெளியேறிக்கொண்டு இருக்கிறார்கள். செய்தி 100 % உண்மை. தமிழீழ வரலாறின் மனித பேரழிவின் கடைசிக்கட்டம். காலை மாலை என நேர அட்டவணையில் கிபிர், மிக் தாக்குதல்கள்.

இங்க இருந்து நாங்கள் ஏன்தான் கத்தினாலும் யாரும் கேக்க போறதில்லை...அதுதான் யதார்த்தம்.

Edited August 12, 200817 yr by லோயர்