சென்னை: இந்திய கம்யூனிஸ்ட் தலைமையில் அனைத்து கட்சிகளும் திரண்டு நாளை ஈழத் தமிழர்களுக்கு ஆதரவாக பொதுக்கூட்டம் நடத்தவுள்ள நிலையில், அக்கட்சிகளால் அழைக்கப்படாத திமுக 6ம் தேதி மாலை பொதுக்கூட்டத்திற்கு ஏற்பாடு செய்துள்ளது. இதில் முதல்வர் கருணாநிதி பேசுகிறார்.

தமிழர்கள் மீது இலங்கை ராணுவம் நடத்தி வரும் அராஜகத் தாக்குதல்களைக் கண்டித்தும், இலங்கை அரசின் போக்கைக் கண்டித்தும் தமிழகம் முழுவதும் நாளை மாபெரும் உண்ணாவிரதப் போராட்டத்திற்கு இந்திய கம்யூனிஸ்ட் கட்சி ஏற்பாடு செய்துள்ளது.

இந்த போராட்டத்திற்கு அதிமுக, தேமுதிக, பாமக உள்ளிட்ட அனைத்துக் கட்சிகளும் ஆதரவு தெரிவித்துள்ளன. அத்தோடு பங்கேற்கவும் உள்ளன.

ஆளுங்கட்சியான திமுக மற்றும் காங்கிரஸ் ஆகிய இரு கட்சிகள் மட்டும் இதில் பங்கேற்கவில்லை. அவற்றை இந்திய கம்யூனிஸ்ட் போராட்டத்திற்கு அழைக்கவும் இல்ைல.

இதனால் திமுக கடும் அதிருப்தி அடைந்துள்ளது. இந்த நிலையில், முதல்வர் கருணாநிதி கலந்து கொள்ளும் பொதுக் கூட்டம் 6ம் தேதி மாலை 6 மணிக்கு மயிலை, மாங்கொல்லையில் நடைபெறும் என திமுக அறிவித்துள்ளது.

இலங்கைத் தமிழர் பிரச்சினை - திமுக நிலையும், மத்திய அரசுக்கு வேண்டுகோளும் என்று இந்தப் பொதுக்கூட்டத்திற்கு பெயரிடப்பட்டுள்ளது.

பொதுச் செயலாளர் அன்பழகன் தலைமை தாங்குகிறார். முதல்வர் கருணாநிதி பேசவுள்ளதாக திமுக தலைமைக் கழகம் அறிவித்துள்ளது.

தமிழக மக்களை நாளாந்தம் படுகொலை செய்யும் இலங்கை கடற்படையினருக்கு எதிராக உறுதியான நடவடிக்கைகள் எதுவுவே எடுக்க முடியாத கலைஞர், இந்த பொதுக்கூட்டத்தினால் ஈழத்தமிழ் மக்களுக்கு என்னத்தை சாதிக்கப் போகிறார் எனற கேள்வியே முதல் எழுகிறது.

நடப்பவை நல்லதுக்கென்றே நோக்குவோம்!

Edited October 2, 200817 yr by Nellaiyan

திமுகாவை வாய் திறக்க வைத்த அதிமுகாவுக்கும், இந்திய கம்யூனிஸ்ட் கட்சிகளுக்கும் நன்றிகள்.உருப்படியான முடிவுகள் எடுத்தால் சரிதான்

திமுகாவை வாய் திறக்க வைத்த அதிமுகாவுக்கும், இந்திய கம்யூனிஸ்ட் கட்சிகளுக்கும் நன்றிகள்.உருப்படியான முடிவுகள் எடுத்தால் சரிதான்

உருப்டியான முடிவா??

கலைஞரின் வாழ்நாளிலேயே இல்லாத ஒன்றை செய்ய சொன்னால் அந்தாள் என்ன செய்யும்?

கலைஞரே! நீங்கள் இப்படி அடிக்கடி மேடைகளில் கூடி கூட்டம் போடுவதை விட ஈழத்தில் தமிழர் தலைகளில் சிங்கள பயங்கரவாத அரசு குண்டு போடுவதை உங்கள் காங்கிரஸ் பங்காளிகளிடம் சொல்லி நிறுத்தினீர்கள் என்றால், இப்படி தமிழக மக்கள் கூடி உண்ணாவிரதம் இருக்கும் அளவுக்கு நிலைமை போய் இருக்காது.

கூட்டம் போடுவதும் கோரிக்கைகள் வைப்பதும் எதிர்க்கட்சிகள் செய்ய வேண்டிய வேலை! ஆனால் ஆட்சி அதிகாரத்தை கையில் வைத்திருப்பவர்களிடம் மக்கள் எதிர்பார்ப்பது செயல் வீரமே ஒழிய மேடைப்பேச்சுக்கள் அல்ல!

தொழிலாளி உரிமை கோரி வேலை நிறுத்தம் செய்யலாம்! உண்ணாவிரதம் இருக்கலாம்!! ஆனால் அதிகாரத்தை கையில் வைத்திருக்கும் முதலாளியும் பதிலுக்கு ஒரு கூட்டம் போட்டால் அது பித்தலாட்டம் அல்லவா?

தமிழக முதல்வர் அவர்களே! நீங்கள் மேடைப்பேச்சில் நேரத்தை வீணடிப்பதை விட, என்ன கோரிக்கைகளுக்காக அனைத்துக் கட்சிகளும் இன்று ஒன்று சேர்ந்து உண்ணாவிரதம் இருக்கும் அளவுக்கு நிலைமை போய் விட்டதோ, அந்த கோரிக்கைகளை நிறைவேற்றுங்கள்!

அப்போது நீங்கள் இழந்த மக்கள் ஆதரவு சீக்கிரமே உங்களை வந்தடைந்து விடும்!

அதை விட்டு விட்டு குறுக்குவழிகளில் அரசியல் சாகசங்கள் செய்ய நினைத்தீர்கள் என்றால், அது உங்கள் கட்சியையும் ஆட்சியையும் அதலபாதாளத்தில் தள்ளிவிடும்!!!

மத்திய ஆட்சியில் உங்களிடம் குவிந்திருக்கும் அதிகாரத்தை கடந்த இரண்டு வருடங்களாக சரிவர பயன்படுத்தி இருந்தால், பெற்றோல்- இரசாயண குண்டுகளின் தாக்கத்தால், கூப்பிடு தூரத்தில் உள்ள ஒரு நாட்டில் தமிழ் மக்களும் பச்சிளம் பாலகர்களும் உடல் வெந்து, முகம் கருகி மடியும் அவல ஏற்பட்டு இருக்காது.

இப்போது உங்களிடம் இருந்து உலகத்தமிழர் சமுதாயம் எதிர்ப்பார்ப்பது, வெறும் மேடைப்பேச்சுகளும், சாடை பேச்சுக்களும் அல்ல!

செயல் வீரம்!! அப்பாவி தமிழ் மக்களின் தலைகளின் மேல் இரசாயண குண்டுகளை வீச தயார்படுத்திக் கொண்டிருக்கும் சிங்கள அரச பயங்கரவாதத்திற்கு சரியான சாட்டை அடி கொடுக்கும் நடவடிக்கைகள்!!! செய்வீர்களா?

இதை செய்தீர்கள் என்றால் எதிர்கால தமிழர் சரித்திரத்தில் உங்கள் பெயர் பொன் எழுத்துக்களால் பொறிக்கப்படும்!

சிந்தியுங்கள்!!! உங்கள் வாழ்வின் அந்திப்பொழுதிலே இந்த அரிய வாய்ப்பை தவறவிட்டு விடாதீர்கள் கலைஞரே!

இருந்தாலும் மறைந்தாலும் பேர் சொல்ல வேண்டும்!

இவர் போல யார் என்று ஊர் சொல்ல வேண்டும்!!!

Edited October 2, 200817 yr by vettri-vel