புலிகளின் விமானங்கள் மீது தாக்குதல் நடத்திய இந்திய துப்பாக்கிதாரிகள் - லக்பிம வார ஏடு

கடந்த வாரம் கொழும்பின் களனிதிச்ச மின் உற்பத்தி நிலையம் மீது தாக்குதல் நடத்திவிட்டு கிளிநொச்சி நோக்கிப் பயணித்துக் கொண்டிருந்த புலிகளின் விமானங்கள் மீது கொழும்பு காலி முகத் திடல் பகுதியில் அமைந்துள்ள இந்திய உயர் ஸ்த்தானிகராலயத்திலிருந்து கடுமையான விமான எதிர்ப்புத் தாக்குதல் நடத்தப்பட்டிருக்கிறது. இத்தாக்குதலால் அருகிலிருந்த பல கட்டடங்கள் அதிர்ந்ததாக பலர் தெரிவித்துள்ளனர். காலிமுகத்திடலுக்கு அருகில் அமைந்துள்ள விடுதி ஒன்றில் தங்கியிருந்த முக்கிய புள்ளி ஒருவர் இதுபற்றிக் கூறுகையில், " அதுபோன்ற துப்பாக்கிச் சத்தத்தை நான் இதுவரை கேட்டதில்லை, எனது அறையெல்லாம் இதனால் அதிர்ந்து கொண்டிருந்தது, நான் ஒரு மேசையின் கீழ் ஒழித்துக் கொண்டேன் " என்று கூறியிருக்கிறார்.

புலிகளின் தாக்குதலை எதிர்பார்த்து ஏற்கனவே இந்திய தூதுவராலயம் விமான எதிர்ப்புத் துப்பாக்கிகளை அங்கு பொருத்தியிருந்ததாகவும், அதை இந்தத் தடவை தூதுவராலயத்தின் முகட்டில் காவலுக்கிருந்த சில ஜவான்களே இயக்கியதாகவும் கூறப்படுகிறது. சகட்டு மேனிக்கு நடத்தப்பட்ட தாக்குதலில் அருகிலிருந்த பலரை இவர்கள் பயமுறுத்தி விட்டிருந்ததே ஒழிய புலிகளின் விமானங்களுக்கு இவர்களால் எதுவுமே செய்ய முடியவில்லை என்றும் அப்பத்திரிக்கை கூறுகிறது.

மேலும், ஏற்கனவே இந்திய ராடர்கள், அதன் பொறியியல் இயக்குனர்கள் என்று இந்தியாவின் தமிழர் மீதான போரை தமிழகம் கடுமையாக எதிர்க்கத் தொடங்கியிருக்கும் தறுவாயில், இப்படி நடத்தப்பட்டிருக்கும் இந்திய விமான எதிர்ப்புத் தாக்குதல் இன்னும் தமிழகத்தில் அதிர்ச்சியை ஏற்படுத்தப் போகிறது என்று குறிப்பிடப்பட்டுள்ளதுடன், இவர்களுக்கு தாக்குதல் நடத்தும் உத்தரவை வழங்கியது யார் என்றும் கேள்வி கேட்கப்பட்டிருக்கிறது.

நன்றி - லக்பிம வார இதழ்

வான்புலிகள் மீது இந்திய படையினரும் தாக்குதல்

[ஞாயிற்றுக்கிழமை, 02 நவம்பர் 2008, 05:24 மு.ப ஈழம்] [சி.கனகரத்தினம்]

சிறிலங்காவின் தலைநகர் கொழும்பின் வான்பரப்பில் கடந்த செவ்வாய்கிழமை வான்புலிகள் பறப்பினை மேற்கொண்ட போது கொழும்பில் உள்ள இந்திய தூதரகத்தின் பாதுகாப்பு படையினரும் வானூர்தியை நோக்கி தாக்குதல் நடத்தியுள்ளனர் என்று கொழும்பிலிருந்து வெளிவரும் "லக்பிம" ஆங்கில வார ஏடு தெரிவித்துள்ளது.

இது தொடர்பில் அதில் மேலும் தெரிவிக்கப்பட்டுள்ளதாவது:

தாக்குதல் நடத்திவிட்டு கிளிநொச்சி நோக்கி திரும்பி சென்று கொண்டிருந்த வான்புலிகளின் வானூர்தியை நோக்கி இந்திய படையினர் சரமாரியான தாக்குதலை நடத்தியுள்ளனர்.

இந்திய படையினரின் தொடர்ச்சியான இத்தாக்குதலினால் அருகில் உள்ள கட்டடங்கள் பெரும் ஆட்டம் கண்டுள்ளன.

இந்திய படையினாரின் தாக்குதலைத் தொடர்ந்து அச்சமடைந்த தான் கட்டிலின் கீழ் புகுந்து கொண்டதாக காலிமுகத்திடல் விடுதியில் தங்கியிருந்த விருந்தினர் ஒருவர் தெரிவித்துள்ளார். இது போன்ற தாக்குதல் அச்சத்தினை தான் முன்னர் எப்போதும் கண்டிருக்கவில்லை என அவர் மேலும் தெரிவித்தார்.

இலங்கையில் இடம்பெற்று வரும் போரை முடிவுக்கு கொண்டு வரும்படி தமிழ்நாடு இந்திய மத்திய அரசை கேட்டுவரும் இந்நிலையில் இந்திய படையினருக்கான தாக்குதல் உத்தரவை யார் வழங்கியது என சில வட்டாரங்கள் கேள்வி எழுப்பியுள்ளன.

வவுனியாவில் வான்புலிகள் நடத்திய வானூர்தி தாக்குதலில் கதுவீ கருவிகளை இயக்கிவந்த இரு இந்திய அதிகாரிகள் காயமடைந்ததை தொடர்ந்து தமிழ் நாட்டு மக்கள் சினமடைந்த நிலையில் தற்போது இந்திய படையினர் நேரடியான தாக்குதலில் ஈடுபட்டுள்ளது குறிப்பிடத்தக்கது என்று அதில் தெரிவிக்கப்பட்டுள்ளது.

புதினம்

இந்திய தூதரகத்தின் பாதுகாப்பில் இந்திய ராணுவமா இலங்கை ராணுவமா பணியாற்றுகின்றது. நான் ஒரு தடவையும் அதை கவனித்ததில்லை. .

ஆமாம். இந்தியத்தூதரகத்தின் மேல் மாடியில் இருப்பதைப் பல தடவை கண்டுள்ளேன்.