அமெரிக்காவில் கறுப்பினத்தவரான பாரக் ஓபாமா, ஜனாதிபதியாக தெரிவு செய்யப்பட்டது போல என்றாவது ஒருநாள் இலங்கையின் ஜனாதிபதியாக தமிழ் அல்லது முஸ்லிம் இனத்தவர் தேர்ந்தெடுக்கப்டும் நிலை ஏற்படும் என்று இலங்கைக்கான அமெரிக்க தூதுவா ரொபட் பிளேக் தெரிவித்துள்ளார்.

கறுப்பினத்தை சேர்ந்தவர் ஜனாதிபதியாக தேர்ந்தெடுக்கபட்டு அமெரிக்காவை ஒன்றுபடுத்தியதைப் போன்று என்றாவது ஒருநாள் இலங்கையிலும் நிகழக்கூடும் என்றும் அவர் நம்பிக்கை தெரிவித்தார். அமெரிக்க ஜனாதிபதியாக பாரக் ஓபாமா தேர்ந்தெடுக்கப்பட்டமை தொடர்பில் இலங்கை கற்றுக் கொள்ளக்கூடிய பாடம் எது என வினாவிய போதே அவர் இவ்வாறு கூறினார்.

பராக் ஓபாமா உலகம் முழுவதிலும் பிரபல்யமிக்கவராக திகழ்கின்றார். அந்த வகையில் உலக சவால்களை எதிர்கொள்வதற்கு இலங்கையுட்பட எமது நட்பு நாடுகளுடனும் பங்காளிகளுடனும் இணைந்து பணியாற்றுவதற்கு உரிய ஸ்தானத்தில் இருக்கின்றார் என நான் கருதுகின்றேன்.

அனைவருக்கும் ஜனநாயகத்திற்கு இடமளித்தல் அனைவருக்கும் சந்தர்ப்பங்கள் கிடைப்பதற்கு இடமளித்தல் ஏற்கனவே ஒரு வீரியமிக்க ஜனநாயகம் இலங்கையில் உள்ளது.

என்றாவது ஒரு நாளில் இளம் தமிழனோ அன்றேல் இளம் முஸ்லிமோ இலங்கையின் ஜனாதிபதியாக தேர்ந்தெடுக்கப்படுவதை காணக்கூடுமாக இருக்காலம். இது போன்றதோரு நிலைமையே அமெரிக்காவில் காணப்படுஎகின்றது. அமெரிக்காவில் கறுப்பினத்தவர்கள் சிறுபான்மையினராகக் காணப்படுகின்றனர். கறுப்பினத்தைச் சேர்ந்த இளம் மனிதர் ஜனாதிபதியாக தேர்ந்தெடுக்கப்பட்டதன் மூலமாக எமது நாட்டை ஒன்றுபடுத்த முடிந்துள்ளது. என்று மேலும் தெரிவித்தார்.

நன்றி : வீரகேசரி

பிளேக் உங்களை பிக்குமார் அடித்துத் நாட்டை விட்டு துரத்தப் போகிறார்கள் கவனமாக பேசுங்கள்.

பிறவிக் கிறீஸ்தவரான ரணிலே பெளத்ததுக்கு மாறினவிசயம் இவருக்கு தெரியாது போல...

200 வருட அமெரிக்கா வரலாறு பன்னாடையை விட எல்லோருக்க்கும் நன்றாக தெரியும்.

அய்யா பிளேக்.....

முதலில் இலங்கையின் அரசியல் யாப்பை பற்றி தெரிந்து கொள்ளுங்கள்......

இலங்கையின் சட்டப்படி சிறுபான்மையினர் சனாதிபதியாக வர முடியாது

சட்டப்புத்தகத்தில் இல்லாத ஒரு சட்டமும் உள்ளது அதற்கு ஒரு கடந்த கால வரலாறு (?)

ஒரு கைப்பொம்மை பதவியான பிரதமர் பதவிக்கே சிங்களத்தின் நெடுங்கால கைப்பாவை லக்‌ஷ்மன் கதிர்காமரையே தெரிவு செய்ய விடாத பெளத்த பேரினவாதிகள் நிறைந்து இருக்கும் ஒரு தேசம்(?) ஸ்ரீலங்கா என்று தெரிந்து கொள்ளுங்கள் அய்யா...

இதில சகல அதிகாரமும் நிறைந்த (ஆணை பெண்ணாக்குவது அல்லது பெண்ணை ஆணாக்குவது தவிர) ஜனாதிபதி பதவிக்கு சிறுபான்மை இனத்தை சேர்ந்தவர் வருவதாவது......

நல்ல பகல் கனவு........

மக் கெயின் வெல்லா முடியாமல் போனதுக்காக ஒப்பாரி வைச்சு அழுத வெள்ளை அமெரிக்கனை தொலைக்காட்சிலை காட்டினாங்களே பிளேக் பார்க்கலையா-பிறகு ஏன் விதானையார் எங்களுக்கு ரீல் சுத்துராரு. உவையள் எதிர் பார்க்காதளவிலை பல நூறு வருசங்களுக்குப் பிறகு அமெரிக்க சரித்திரத்திலை இப்படியொன்று நடக்குதெண்டா கடந்த காலத்திலை இப்படி நடக்காமல் விட்டதுக்கு அது ஏன் எண்டு காரணம் உவர் சொல்லுவாரோ? ஏதோ கறுப்பன் இப்பதான் அமெரிக்காவுக்கு வந்தது மாதிரியும் சும்மா நிண்ட கறுப்பனுக்கு வெள்ளையன் ஜனாதிபதி பதவியை தூக்கி கொடுத்தமாதிரியும் பிதற்றுரான் இந்த பனாட்டுத் தலையன். ஒரு கறுப்பனை வைச்சே ஒபாமாவுக்கு ஆப்பு வைக்க சில வெள்ளை இன துவேசிகள் முயலலாம். பொறுத்திருந்து தான் பார்க்கணும்.

Edited November 6, 200817 yr by vanangaamudi

இது என்ன புதுக்கதையை கிடக்குது ? நல்ல கிளப்புறாங்கையா பீதியை

என்றாவது ஒரு நாளில் இளம் தமிழனோ அன்றேல் இளம் முஸ்லிமோ இலங்கையின் ஜனாதிபதியாக தேர்ந்தெடுக்கப்படுவதை காணக்கூடுமாக இருக்காலம்.

ஸ்ரீலங்காவிலிருந்து , தமிழ் ஈழம் பிரியும் போது நிச்சயம் ஒரு தமிழரோ அல்லது ஒரு முஸ்லீமோ தான் ஜனாதிபதியாக வருவார் .