ஈழப்பிரச்சனை : சோனியாகாந்திக்கு ராமதாஸ் கடிதம்

ஈழப்பிரச்சனை தொடர்பாக பாட்டாளி மக்கள் கட்சி நிறுவனர் ராமதாஸ், பிரதமர் மன்மோகன்சிங்குக்கு கடந்த மாதம் கடிதம் அனுப்பியிருந்தார். அக்கடிதத்தில்,

’’இலங்கைத் தமிழர் பிரச்னை குறித்து, முதல்வர் கருணாநிதி தலைமையில் அனைத்துக் கட்சித் தலைவர்கள் டிசம்பர் 4ம் தேதி டெல்லியில் உங்களை நேரில் சந்தித்து பேசினோம்.

அப்போது, ‘இலங்கை சிக்கல் - இந்திய அரசு அடுத்து எடுக்க வேண்டிய நடவடிக்கைகள்’ என்ற தலைப்பில் அறிக்கையை உங்களிடம் கொடுத்தேன். ஒரு மாதம் கடந்துள்ள நிலையில் இதுவரை எந்த நடவடிக்கையையும் எடுக்கவில்லை.

இலங்கை பிரச்னையில், ‘அமைதிவழியில் பேச்சு நடத்தி அரசியல் தீர்வு காண்பதில்தான் முன்னேற்றத்துக்கான வழி இருக்கிறது’ என்று பிரதமர் ஏற்கனவே கூறியதை நினைவுகூர்கிறேன்.

எனினும், இலங்கை அரசு மேற்கொண்டு வரும் போர்ப்படைத் தீர்வுக்கு முடிவு கட்டுவதற்கும் அரசியல் தீர்வுக்கான நடவடிக்கைகளை தொடங்குவதற்கும் இந்திய அரசு எந்த நடவடிக்கையும் எடுக்கவில்லை. டெல்லியின் உணர்ச்சியற்ற, அக்கறையற்ற அணுகுமுறையே இது காட்டுகிறது.

டெல்லியில் உள்ள அதிகாரிகளுக்கும் கொள்கை வகுப்பாளர்களுக்கும் இங்குள்ள கோடிக்கணக்கான தமிழர்களை விட, இலங்கை அரசாங்கம்தான் முக்கியமா.

தமிழ் மக்களின் கவுரவம், சுயமரியாதை, குறித்து அவர்களுக்கு எந்த அக்கறையும் இல்லையா.இதை இறுதி பதிலாக எடுத்துக் கொள்ளலாமா. காலம் கடப்பதற்கு முன் எங்களுக்கு விடை தேவை'' என்று அந்த கடிதத்தில் குறிப்பிட்டிருந்தார்.

இந்நிலையில் இன்று ஈழப்பிரச்சனை தொடர்பாக காங்கிரஸ் தலைவி சோனியாகாந்தி கடிதம் எழுதியுள்ளார்.

’’ இலங்கையில் உடனடியாகப் போர்நிறுத்தம் ஏற்பட வேண்டும். இலங்கை அரசுக்கும் இலங்கைத் தமிழர்களுக்கும் இடையே பேச்சுக்களுக்கு ஏற்பாடு செய்ய வேண்டும் என்றும் இந்திய அரசுக்கு நீங்கள் ஆணையிட வேண்டும் என்று நான் வேண்டுகோள் விடுக்கிறேன்.

இந்தச் சிக்கலை மிகுந்த மனிதநேயத்துடனும், அனுதாபத்துடனும் நீங்கள் அணுகுவீர்கள் என்றும், இலங்கையில் தமிழ் மக்களுக்கு அமைதியையும், பாதுகாப்பையும் மீட்டுத் தருவீர்கள் என்றும் நான் உறுதியுடன் நம்புகிறேன்’’ என்று அக்கடிதத்தில் குறிப்பிட்டுள்ளார்.

thanks

nakkheeran

இணைப்புக்கு நன்றி!