தீயினை எதிர்த்து ஈசல்கள் போரா ?

January 11, 200916 yr

காலத்தின் தேவை கருதி கணப்பொழுதில் வரைந்த கிறுக்கல் . . ஈழப்புதையல் தேடி உழுது தேய்ந்த சந்தணக்கலப்பைகளை மனதில் இருத்தி கிறுக்கியுள்ளேன் . . . காலம் கண்மூடி திறப்பதற்குள் கரைந்து போய்விடுகின்றது. எம் உறவுகளே கரங்கள் எம்முடன்தானே பலமாக இருக்கின்றுது. உழைக்கின்றோம் ஒரு சிறு தொகை மனமுவந்து உதவுவோம். ஈழப்போர் இறுதிக்கு வந்து நிற்கின்றது. எதிரியின் எறிகணை எல்லைக்குள் எம்மக்கள் தவிக்கின்றார்கள். இந்தக்கணத்தில் நாம் செய்யவேண்டியது அவர்கள் கேட்டுக்கொள்வதும் ஓன்றே ஒன்றுதான். அன்பின் புலம்பெயர் உறவுகளே உதவிக்கொள்ளுங்கள். இது ஒரு கடன் நாம் கட்டாயம் திருப்பித்தருன்றார்கள் ஒருவர் கேட்கும்போது கைவிரிக்கும் பழக்கமற்றவர்கள் நாம். கொடுத்துச்சிவந்த கரங்கள் எமது கரங்கள் இன்னும் கொடுப்போம் கொடுத்துக்கொண்டேயிருப்போம். இன்றைய காலகட்டத்தில பல வல்லரசுகளின் உதவியுடன் சிங்கள அரசு ஒரு முடிவுடன் போரை ஆரம்பித்துள்ளது. எம் போராட்டத்திற்கு எந்த சிறு தேசமும் ஆதரவு இல்லை நாம்தான் உதவவேண்டும் எம்மை நம்பித்தான் அந்த போராட்டம் ஆரம்பிக்கப்பட்டுள்ளது. ஆகவே உறவுகளே உங்களால் முடிந்த ஒரு சிறுதொகையை இந்த காலகட்டத்தில் வழங்கிக்கொள்ளுங்கள் இது இறுதி யுத்தம் இதில்தான் எம் வாழ்க்கை தங்கியிருக்கின்றது. அம்மா, அப்பா, அண்ணா, தங்கை , மகன் , மகள் என லட்சக்கணக்கான உறவுகள் அங்கு உயிருக்கு உத்திரவாதம் இன்றி எம் போராளிகளின் உயிர் கவசத்தில் வாழ்கின்றார்கள். எம் போராளிகளிற்கு நாம்தான் கவசம் கொடுக்க வேண்டும். உடன் உதவுங்கள் உறவுகளே . .

எல்லையில் எதிரிகூட்டம்

இல்லை இல்லை உன்

கொல்லையில் புகுந்துவிட்டான்

கொலைக்களமறுக்கும் கணம் இது

கொடுங்கோல் ஆட்சியை

குதறக்குதறக் கடித்தெறியும் நாளும் இது

தூங்க மறுத்து துடிக்கின்ற

கண்ணிமையும் ஏங்கித்தவித்து

எட்டித்துடிக்கும் இதயமும்

போனதனை எண்ணிப் புலம்புவதில்லை

நாளைய விடியலிற்காய் சாவைச்சுமந்து

சத்திய வேள்வியில் துடித்து நிற்கும்

எல்லைகள் மாறினாலும்

எரிதழலால் தேசம் எரிந்தே போனாலும்

கொண்ட லட்சியம் குன்றிடாது

கொள்கைகளும் மாறிடாது

விரக்தியென்பது வாழ்வில் வரும்

விடுதலையே மூச்சாயின் விரைந்தே மறைந்துவிடும்

அரக்கமனம் கொண்ட அரசினால்

அடுக்கடுக்காய் புனைகதைகள் தோற்றம்பெறும்

புலி அழிந்ததென புவியை நம்ப வைக்கும்

வெடுக்கென்று ஓர் நாள் புலி புவுpயதிரவெழும்

அன்றைய நாள் நாளைய நாள்

விடியல் தோன்றும் ஈழத்தின் விடிவும் தோன்றும்

கடலோடு கரைந்தவர்கள் மண்ணோடு மறைந்தவர்கள்

கந்தகத்தை தின்றவர்கள்

கனவுகளை சுமந்து சென்றவர்கள்

நெஞ்சினிலே பலவாசை தோன்ற

நெருப்பினிலே புதைந்தவர்கள்

கனவெல்லாம் பலிக்கும்

கட்டாயம் விடிவு வரும்

கொடியேற்றும் கைகள் கொடும்போரால்

அறுந்தே வீழ்ந்தாலும் கொள்கைள் மாறாது

கொண்ட லட்சியம் வீழாது

சிரமறுந்து வீழ்ந்தாலும்

சிரிப்பறாத மலராய்

விடுதலைத்தீயில் தம்மை