அன்பான உறவுகளுக்கு,

மோதல்கள் நடைபெறுவதாக அறியப்படுகிற செய்தி ஓரளவு உறுதிப்படுத்தப்படக் கூடியதாக இருப்பினும், மேலதிக விபரங்களோ அல்லது இழப்பு விபரங்களோ எதுவும் நம்பத்தகுந்த மூலங்களிலிருந்து பெறப்படவில்லை. "கல்மடுக்குளம் கட்டுடைப்பு - சிறிலங்கா இராணுவம் விடுதலைப்புலிகள் மோதல்" என்கிற இந்தத் தலைப்பின் கீழ் எழுதப்படும் கருத்துக்கள் யாவும் கருத்துக்கள உறுப்பினர்களின் தனிப்பட்ட கருத்துக்களாகவோ, வாய்வழி பகிரப்பட்ட தகவல்களாகவோ, சில தமிழ் ஊடகங்களின் வழி வெளிவந்த உறுதிப்படுத்தப்படாத செய்திகளாகவோ தான் இருக்கின்றன. இவற்றின் உண்மைத்தன்மையை எம்மால் உறுதிப்படுத்த முடியவில்லை. ஊரில் தொலைத் தொடர்புகள் அனைத்தும் நிறுத்தப்பட்டுள்ளன. அதனால் உறுதியான தகவல்களைப் பெற்றுக்கொள்ள முடியாத நிலை உள்ளது. ஓரளவுக்கு உறுதிப்படுத்தப்பட்ட தகவல்கள் கொழும்புத் தொடர்புகளினூடாகவே பெற்றுக்கொள்ள முடியும்.

அது ஒருபுறமிருக்க...

1. உறுதிப்படுத்தப்படாத தகவல்களைப் பரப்புவதையோ, எமது கற்பனைக்கு செய்திகளைப் புனைவதையோ தவிர்ப்பது நல்லது. நம்பத்தகுந்த வட்டங்களிலிருந்தோ, உரியவர்களிடமிருந்தோ உறுதிப்படுத்தப்பட்ட செய்திகள் வரும்வரை பொறுமை காப்பதே சிறந்தது. எமது கற்பனை வளத்துக் கேற்றாற்போல் செய்திகளைத் திரித்தும், மெருகேற்றியும் எழுதி - மக்களை உச்சத்துக்குக் கொண்டுபோய் - இறுதியில் ஏமாற்றத்துள் தள்ளுவதனூடாக - போராளிகள் மீது வெறுப்புணர்வையும் நம்பிக்கையின்மையையும் ஏற்படுத்த வழிகோலாதீர்கள். இதுபோன்ற செயற்பாடுகள் உளவியல் ரீதியாக மக்களைப் பாதிக்கும் - அது விடுதலைப் போராட்டத்தையும் பாதிக்கும்.

2. போர்க்களச் செய்திகள் எமக்கு சாதகமாக இருக்கிறபோது நாம் மகிழ்ச்சியடைவது இயல்பானது தான். அதை எம்மால் உணர்ந்துகொள்ள முடிகிறது. வெற்றி தோல்வி நிரந்தரமில்லை. இன்று எம் பக்கம் இருக்கிற வெற்றி, நாளை எதிரியின் பக்கம் போகலாம். ஆனால், வெற்றி வருகிறபோது கொண்டாடுவதும், தோல்வி வருகிறபோது சோர்ந்துபோவதுமாக நாம் இருப்பதை மாற்றியாக வேண்டும். புலம்பெயர்ந்து வாழும் எமது பலவீனம் அதுதான். இன்றைய சூழல் தாயக மக்களின் அவலங்களால் நிறைந்தது. அந்த மக்களின் அவலங்களை சர்வதேச சமூகத்தின் முன்னே கொண்டுசெல்வது தான் எமது பணியாக இருக்கவேண்டும். அதனை முன்னிறுத்தி புலம்பெயர்ந்த நாடுகளில் போராட்டங்களை முன்னெடுக்க வேண்டியதே எமது தேவை. தமிழர்கள் மேல் கட்டவிழ்த்து விடப்பட்டுள்ள இனவழிப்பு யுத்தத்தை அம்பலப்படுத்தி, சர்வதேசத்தின் தமிழர்கள் மீதான அணுகுமுறையை மாற்றவைக்கும் - அனைத்து முயற்சிகளையும் நாம் மேற்கொண்டாக வேண்டும். போர்க்கள வெற்றிச் செய்திகளைப் பேசுவதற்கு நாம் கொடுக்கிற முக்கியத்துவத்தை - ஏன் மக்களின் அவலங்களைப் பற்றிப் பேசுவதற்கு கொடுக்கிறோமில்லை? 1000 இராணுவம் இறந்ததாக செய்திகேட்டு மகிழ்கிற நாம் ஒன்றை மட்டும் மறந்துவிட்டோம். நாளொன்றுக்கு 10 மக்கள் என்று இதுவரை இறந்த மக்கள் தொகை பற்றி யோசித்திருக்கிறோமா? மக்களின் சாவு தொடர்பாக வருகிற செய்திகளைப் வாசிப்பதையே நாம் தவிர்த்து வருகிறோம் என்பது தான் உண்மை.

எனவே, தயவுசெய்து மக்களின் அவலங்களை வெளியுலகுக்குக் கொண்டுசெல்ல ஆவன செய்யுங்கள். அவற்றுக்கு முக்கியத்துவம் கொடுங்கள். போர்களச் சூழல் எமக்கு சாதகமாக அமைகிறபோது, அதைத் தக்கவைப்பதற்கான அனைத்துப் பங்களிப்புகளும் புலம்பெயர்ந்த எமது கைகளிலேயே உள்ளன என்பதை உணர்ந்து செயற்படுவோம். இனியாவது - செய்திகளையும் கருத்துக்களையும் பொறுப்புணர்வுடன் எழுதுமாறு/இணைக்குமாறு கேட்டுக்கொள்கிறோம். உங்கள் உணர்வுகளை நாம் மதிக்கிறோம். அதே நேரத்தில் உண்மைகளை உள்வாங்கி நீங்கள் செயற்படவேண்டும் என்பதையும் கேட்டுக்கொள்கிறோம்.

நன்றி

நன்றி

அப்படியே நடக்கிறோம்

சரி இனி என்ன செய்வது அடுத்த குளம் உடைக்கும் போது பொறுமையாக இருக்கிறோம்.

தங்களின் கருத்தே மிகவும் தாமதமாகவே வந்துள்ளது

உண்மையில் இங்கு இது சம்பந்தமான விளையாட்டில் ஈடுபட்டவர்கள்மீது நீங்கள் நடவடிக்கை எடுக்கவேண்டும்

உண்மையில் உலகம் முழுவதும் பரப்பப்பட்ட செய்திகளில் அனேகமானவை யாழ்.இணையம் மூலமாகவே உருவாகியவை என்பது சகிக்கமுடியாத உண்மை............

உண்மைதான் வலைஞன் அண்ணா,

ஊரில விளையாட்டுப்போட்டி நடக்கும் போது எங்கட இல்லத்தின் ஆசிரியர் முழுமையான வெற்றி கிட்டும் வரை ஆர்ப்பாட்டமோ கூச்சலோ, ஏன் கைதட்டகூட விடமாட்டா. அதுவும் கண்ணுக்கு முன்னால எங்களுக்கு வெற்றி தெரிகிற போதே.

ஆனால் கள நிலவரம் விளையாட்டு அல்ல அங்கு நடைபெறுவது அப்பாவிப்பொதுமக்களின் உயிர்பலி.

பொறுமையோடு நிதானத்தோடு செயலாற்றுவது நல்லது. நம்முடைய செயல்கள் தீவிரப்படுத்தப்பட வேண்டும். பல நண்பர்களுக்கும் தமிழக/ ஐரோப்பிய/ அமெரிக்க உறவுகளுக்கும் மக்களின் அவல நிலைகளைக்கொண்டுவரும் காணொளிகளை இணைப்போம். தொடர்ந்தும் அங்கு நடைபெறுவது இன அழிப்பே என்பதை வலியுறுத்துவோம்.

நன்றி.