நியூசிலாந்து தமிழர்கள் நாடாளுமன்றம், இந்திய, மற்றும் பிரித்தானியத் தூதரகங்கள் முன்பாக ஆர்ப்பாட்டம்

நியூசிலாந்தில் வாழும் புலம்பெயர் தமிழர்கள் ஈழத்தமிழ் மக்களைக் காப்பாற்றுமாறு கோரி, அந்த நாட்டின் நாடாளுமன்றம், இந்தியா, மற்றும் பிரித்தானியத் தூதரகங்கள் முன்பாக இன்று (வியாழக்கிழமை) ஆர்ப்பாட்டம் நடத்தியுள்ளனர்.

நியூசிலாந்தின் அனைத்துப் பாகங்களில் இருந்தும் திரண்ட பல நூற்றுக்கணக்கான மக்கள் தலைநகர் வெலிங்ரனிலுள்ள நாடாளுமன்றம், இந்திய, பிரித்தானியத் தூதரகத்திற்கு முன்பாக பதாகைகளைத் தாங்கியவாறு ஆர்ப்பாட்டத்தில் ஈடுபட்டனர்.

இனப்படுகொலையை நிறுத்துங்கள், தமிழர்களைக் கொல்லாதீர், சிறுவர்களைக் கொல்லாதீர்கள் போன்ற பதாகைகளை மக்கள் தாங்கியிருந்ததாக, நியூசிலாந்தின் ஊடகங்கள் தகவல் வெளியிட்டுள்ளன.

அத்துடன், ஆர்ப்பாட்டத்தில் ஈடுபட்ட பலரது குடும்பத்தினர் வன்னியில் அண்மையில் கொல்லப்பட்டிருப்பதாகவும், சிறீலங்கா அரசு பாதுகாப்பு வலயம் என அறிவித்துவிட்டு அந்தப் பகுதிகளிலேயே மக்களைப் படுகொலை செய்து வருவதாகவும் நியூசிலாந்து ஊடகங்கள் தகவல் வெளியிட்டுள்ளன.

சிறீலங்கா அரசாங்கம் உணவையும், மருந்தையும் ஆயுதமாகப் பயன்படுத்தி வருவதாக ஆர்ப்பாட்டத்தில் ஈடுபட்ட மக்கள் தமது செய்தியாளர்களுக்குக் கருத்துக் கூறியிருப்பதாக இந்த ஊடகங்கள் தெரிவிக்கின்றன.

http://www.pathivu.com/

Keith Locke, Green Party MP

Dr Jackie Blue, National Party MP

Grant Robertson and Brendon Burns (Labour party MPs).

படம் எடுத்து மிரட்ட முயலும் சிங்களவர்[இந்த தந்திரம் இனி பலிக்காது என்பது வேறு விடயம்]