போர் வெற்றியைச் சாதகமாகப் பயன்படுத்திக்கொண்டு சிறுபான்மையினருடைய இருப்பை பலவீனப்படுத்தி அழித்துவிடும் திட்டம் ஒன்றுடன் அரசாங்கம் செயற்படுவதாக கடுமையான எச்சரிக்கை ஒன்றை சிறிலங்கா முஸ்லிம் காங்கிரஸ் தலைவர் ரவூப் ஹக்கீம் வெளியிட்டிருக்கின்றார்.

கொழும்பு கொள்ளுப்பிட்டி ரேணுகா ஹோட்டலில் ஐனநாயக மக்கள் முன்னணித் தலைவர் மனோ கணேசனுடன் இணைந்து நடத்திய ஊடகவியலாளர் மாநாட்டில் உரையாற்றிய போதே இந்த எச்சரிக்கையை அவர் வெளியிட்டார்.

இங்கு உரையாற்றிய அவர் மேலும் தெரிவித்ததாவது:

ஜனநாயக அடிப்படையில் மக்கள் ஆணையைப் பெற்றுக்கொள்ளாமல் தேர்தல் முறையில் மாற்றத்தைச் செய்து அதிகாரத்தில் நீடிப்பதற்கான திட்டம் ஒன்றுடன் அரசாங்கம் செயற்பட்டு வருகின்றது.

போர் வெற்றிக்குள் மறைந்து நின்றுகொண்டு அரசாங்கம் ஜனநாயகத்துக்கு மாபெரும் சவாலை விடுத்துள்ளது. இதன் மூலம் சிறுபான்மை இனங்களான தமிழ், முஸ்லிம்களின் இருப்பும், பிரதிநிதித்துவமும் கேள்விக்குறியாக்கப்படும் ஆபத்து உள்ளது.

இதனை வெற்றி கொள்வதற்காக சிறுபான்மையினக் கட்சிகளும் அரசியல் அமைப்புக்களும் ஒன்றிணைந்து போராடுவது அவசியமாகும். இரண்டு தேசியக் கட்சிகளில் ஒன்றுடன் இணைவதால் மட்டும் இதனைச் சாதித்துவிட முடியாது.

மேல் மாகாண சபைத் தேர்தலின் பின்னர் மேலும் சில எதிர்க்கட்சி உறுப்பினர்களை அமைச்சர் பதவிகளைக் காட்டி தமது பக்கத்துக்கு இழுத்து மூன்றில் இரண்டு பெரும்பான்மையைப் பெற்று ஆட்சியில் நீடித்துக்கொள்வதற்கான திட்டத்தினை அரசு வகுத்திருக்கின்றது.

அதற்காகத்தான் மாகாண சபைத் தேர்தல்களைத் துண்டு துண்டாக நடத்தி எதிர்க்கட்சிகளைப் பலவீனப்படுத்தும் திட்டத்தினை அரசாங்கம் அரங்கேற்றிக்கொண்டிருக்கின

இப்பதான் போதை தெளிஞ்ச மாதிரிக் கிடக்குது. உதைத்தான் கடந்த 61 வருடமாகத் தமிழ்த் தேசியம் என்று சொல்லி வாறம். உதுக்காண்டித்தான் இரத்தமும் சதையுமாக எங்கட சனம் அழிஞ்சுகொண்டிருக்குது. இண்டைக்கு 24 000 மேற்பட்ட இளையோர் தமது உயிர்களை ஈகம் செய்துள்ளார்கள். எல்லோருக்குமாகவே என்பதை காலம்கடந்து உணரும்போது எல்லாம் கைமீறிப்போய்விடும். இப்ப கிட்டடியிலயும் சும்மா ஒரு சலசலப்பு வரேக்க தங்களயும் கவனத்தில எடுக்க வேணுமெண்டமாதிரிக் கிடந்துது. நல்லா யோசியுங்கோ நாம போனதுக்கப்பறம் நீங்கள்தான். ஈழத்தீவிலே சிறுபான்மையானதொரு இனம் என்று சொல்லப்படும் தமிழ்த் தேசியத்த்தின் பலமே அனைத்து மக்களுக்குமான பலமாகும். எனவே மதவாத அடையளப்படுத்தல்களுக்கப்பால

தீர்வுப்பொதி என்று யாராவது வாயைத்திறந்தால் ............

முண்டியடித்துக் கொண்டு , தங்களுக்கும் வேண்டும் என்று குரல் கொடுப்பார்கள் .