புதுச்சேரி காலாப்பட்டு மத்திய சிறையில் உள்ள திரைப்பட இயக்குநர் சீமானுக்கு நிபந்தனையற்ற ஜாமீன் வெள்ளிக்கிழமை வழங்கப்பட்டது. திங்கள்கிழமை அவர் விடுதலை செய்யப்படுகிறார்.

புதுச்சேரி அண்ணா சிலை அருகில் கடந்த பிப்ரவரி மாதம் டாக்டர் அம்பேத்கர் அரசு சட்டக் கல்லூரி மாணவர்கள் இலங்கைத் தமிழர்கள் மீதான தாக்குதலை இந்திய அரசு தடுத்து நிறுத்தக் கோரி உண்ணாவிரதப் போராட்டம் நடத்தினர். இந்தப் போராட்டத்தில் திரைப்பட இயக்குநர் சீமான் கலந்து கொண்டு பேசினார். அதில் இந்திய இறையாண்மைக்கு எதிராகப் பேசியதாக புதுச்சேரி ஒதியஞ்சாலை போலீஸôர் வழக்குப் பதிவு செய்து கடந்த பிப்ரவரி மாதம் 21-ம் தேதி கைது செய்து காலாப்பட்டு மத்திய சிறையில் அடைத்தனர்.

இந்நிலையில் தமிழகத்தில் இவர் மீது தேசிய பாதுகாப்புச் சட்டத்தின் கீழ் வழக்குப் பதிவு செய்தனர். இது குறித்து சென்னை உயர் நீதிமன்றத்தில் சீமான் தரப்பில் வழக்கு தொடரப்பட்டது.

இதில் இந்திய இறையாண்மைக்கு எதிராகப் பேசியதற்கு சரிவர ஆதாரங்கள் சமர்ப்பிக்கப்படவில்லை என்று அந்த வழக்கில் இருந்து கடந்த வாரம் விடுதலை செய்யப்பட்டார். இந்நிலையில் புதுச்சேரி நீதிமன்றத்தில் சீமான் ஜாமீன் கோரி வியாழக்கிழமை மனுதாக்கல் செய்தார். இந்த வழக்கை வெள்ளிக்கிழமை விசாரித்த புதுச்சேரி மாவட்ட தலைமை அமர்வு நீதிபதி டி.கிருஷ்ணராஜா இயக்குநர் சீமானுக்கு ஜாமீன் வழங்கினார்.

வரும் திங்கள்கிழமை இயக்குநர் சீமான் சிறையில் இருந்து விடுதலை செய்யப்படுவார் என்று நீதிமன்றம் தரப்பில் குறிப்பிடப்பட்டுள்ளது

தினமணி

கவலை வேண்டாம் . தமிழினத்தை காப்பற்ற கொலைஞரும் , இந்திய ஒருமைப்பாட்டை காப்பாற்ற இத்தாலிய காங்கிரஸ் இரண்டும் சேர்ந்து மீண்டும் உள்ளே தூக்கி போட்டு விடும்