இலங்கையில் இடம்பெயர்ந்தவர்கள் தொடர்பாக இணையத்தளத்தின் ஊடாக சர்வதேச ரீதியில் சுற்றிற்கு விடப்பட்டிருக்கும் விளம்பரம் குறித்து ஐநாவின் மனிதாபிமான ஒருங்கிணைப்பு அலுவலகம் எவ்வாறான நடவடிக்கையை எடுத்திருக்கிறது எனக் குறிப்பிடுமாறு இன்னர் சிற்றி பிரஸ் கேள்வியெழுப்பியிருக்கிறது.

மக்கள் மிகவும் மனவிரக்தியுடன் இருக்கும் நிலையில், இந்த மாதிரியான விளம்பரங்கள் வர்த்தக ரீதியான தன்மையைக் கொண்டவையாக இருப்பதாக கருதப்படுகிறது.

தமது குடும்ப உறுப்பினர்கள் கொல்லப்பட்டு இருப்பது குறித்து துக்கப்படவே பல தமிழர்கள் அஞ்சுவதாகக் கூறப்படுகிறது. பிரிவினைவாதத்திற்கு ஆதரவானவர்கள் என்று அவர்கள் வகைப்படுத்தப்படுவார்கள் என்ற அச்சம் காணப்படுகிறது. இந்த விடயங்கள் தொடர்பாக ஐ.நா. என்ன செய்கிறது? என்று இன்னர் சிற்றி பிரஸ் கேள்வியெழுப்பியிருக்கிறது.

இணையத்தில் வெளியாகியுள்ள அந்த விளம்பரத்தில் பின்வருமாறு குறிப்பிடப்பட்டுள்ளது.

உள்நாட்டில் இடம்பெயர்ந்த மக்கள் சேவைகள்:

உங்கள் குடும்பத்தில் எவராவது யுத்தத்திற்கு முதல் அல்லது யுத்தத்தின் போது அல்லது யுத்தத்தின் பின் இலங்கையில் இடம் பெயர்ந்துள்ளார்களா? அவர்கள் எங்கே உள்ளார்கள் என்பதை கண்டறிய விரும்புகிறீர்களா? அல்லது நாங்கள் கண்டுபிடிக்க முயற்சிப்பதற்கு ஏதாவது தகவல்கள் உண்டா? அவர்கள் யார்? நேரடித் தொடர்பு அல்லது சட்ட அமுலாக்கல் அதிகாரிகளுடன் தொடர்பு கொள்ள வேண்டுமா? தயவுசெய்து முழுமையான விபரங்களை அறிவியுங்கள்.

உங்களுக்கு உங்கள் குடும்ப நிலம் அல்லது வீடுகள் அல்லது அசையாச்சொத்து உங்களுக்கு அல்லது உங்கள் குடும்பத்திற்கு யுத்த வலயத்தில் உண்டா? அல்லது அந்தப் பகுதிகளில் உண்டா? அந்தச் சொத்துகளை கண்டறிந்து நாம் உதவ முயற்சிப்போம். போர்ப்பிராந்தியத்தில் இருக்கும் நிலங்களை அரசாங்கம் கையகப்படுத்தப் போவதாக அண்மையில் ஒரு அறிவிப்பு வெளியாகியுள்ளது. எவராவது சட்டரீதியான சொத்துடைமையை கொண்டிருந்தால் எங்களால் உங்களுக்கு உதவக்கூடியதாக இருக்கும் அல்லது நம்பகரமான தகவலை நம்பகரமான விபரங்களுடன் வழங்க முடியும்...

இந்த பணிகள் யாவற்றையும் நாங்கள் அரசாங்க அதிகாரிகள் சட்டரீதியான பொறுப்பு வாய்ந்தவர்கள், படையினர், பாதுகாப்பு அதிகாரிகள், அமைச்சர்கள் ஆகியோரூடான எங்களுடைய தனிப்பட்ட தொடர்புகள் ஊடாக நாம் மேற்கொள்வோம். எஸ்.எம்.எஸ்., தொலைபேசி அழைப்புகள், சட்டத்தரணிகள் கட்டணம் என்பவை மேலதிகமாக அறவிடப்படும்.

பிரயாணம், வடக்கு அல்லது கிழக்கில் (அனுமதிக்கப்பட்ட பகுதியில்) தங்கியிருப்பதற்கான விடயங்கள் சம்பந்தப்பட்டுள்ள செலவினங்கள் ஒவ்வொரு விடயங்களின் அடிப்படையில் அமைந்திருக்கும். உங்கள் அன்புக்குரியவர்களுக்கு நினைவுச் சின்னத்தை கட்ட விரும்புகிறீர்களா? குடும்ப நண்பர்கள் அல்லது உறவினர்கள் அல்லது எந்த இனத்தைச் சேர்ந்தவராயினும் எந்தவொரு நபராயினும் அல்லது நினைவுச் சின்னத்தை நிர்மாணிக்க விரும்புகிறீர்களா? தயவுசெய்து எங்களுக்கு விபரத்தை தெரிவியுங்கள்....தொழில்சார் சேவைகளுக்காக எங்களுடன் தொடர்பு கொள்ளுங்கள். பதிவுக் கட்டணம் 25 அமெரிக்க டொலர் முதல் வருவோருக்கு முதற் சேவை அடிப்படையில் பதிவு செய்வதற்கு தயவு செய்து உங்கள் குடும்ப விபரங்களை அனுப்புங்கள். ஆவணங்களை டைப்செய்து அனுப்புங்கள்.

உங்களுக்கு தேவையான சேவையை குறிப்பிட்டு விபரங்களை தெரிவியுங்கள். இந்த சேவைகளை பெற்றுக் கொள்ள தேவையானோருக்கு இந்த மின்னஞ்சலை அனுப்புங்கள். உங்களுக்கு ஆர்வம் இல்லாவிடின் தேவைப்படுபவர்களுக்கு அனுப்புங்கள். இவ்வாறு அந்த விளம்பரத்தில் தெரிவிக்கப்பட்டுள்ளது.

http://www.globaltamilnews.net/tamil_news....10860&cat=1

தன்வீட்டுப் பெண்களை விட்டுக்கூட காசு சம்பாதிக்கத் தயங்காத பரதேசிப்பயல்களின் ஈனத்தனமான செயல். எரியிற வீட்டில பிடுங்கினது லாபம் என நினைக்கும் நாய்கள்.

கேட்கவே கேவலமாக இருக்கின்றது.

இந்த கேவலங்கெட்டவர்களை நாலு சாத்து சாத்தினால்தான் என் கோபம் அடங்கும்.

ஈழ தமிழர்களை வைத்து வியாபாரம் செய்யும் அளவிற்கு நாங்கள் இந்த பாலய்ப்போன உலகத்தால் புறக்கணிக்கப்பட்டுள்ளோம்.

இதன் உண்மைத்தன்மை பற்றி அவதானமாய் இருக்கும் படி ...........தமிழ் தொலைக்காட்சி ஒன்றில் செய்தியில் தெரிவித்து இருந்தார்கள்.