வன்னியில் இடம்பெயர்ந்த மக்களுக்கு மருத்துவ சேவையை வழங்கி வந்த இந்திய மருத்துவ குழுவினர் தமது சேவையை நிறைவு செய்து நாடு திரும்புவதை அடுத்து கொழும்பில் உள்ள இந்திய தூதுவர் அலோக் பிரசாத் நேற்று அவர்களுக்கு விருந்துபசாரம் அளித்தார்.

கடந்த ஆறு மாதங்களாகச் சேவையாற்றி வந்த இந்திய மருத்துவக் குழுவினர் கடந்த மாதத்துடன் தமது சேவைகளை நிறைவு செய்தனர். இவர்கள் நாடு திரும்பிய பின்னர் மற்றொரு குழுவினர் மனநல மற்றும் உடலியல் ரீதியாகப் பாதிக்கப்பட்டவர்களுக்கு சிகிச்சை அளிக்க வருவார்கள் என்று தெரிவிக்கப்படுகிறது.

இந்தியர்களால் மெனிக் பாம் முகாமில் நடத்தப்பட்ட கள மருத்துவமனையில், இடம்பெயர்ந்தவர்கள் 50 ஆயிரம் பேருக்கு சிகிச்சை அளிக்கப்பட்டதாக நிகழ்வில் உரையாற்றிய இந்தியத் தூதுவர் தெரிவித்தார்.

2009 ஆம் ஆண்டு ஜனவரி மாதம் முதல் இந்த மருத்துவமனைக்கு 125 மில்லியன் ரூபா பெறுமதியான மருத்துவப் பொருட்கள் விநியோகிக்கப்பட்டன என்றும் அவர் குறிப்பிட்டார்.

"சிறிலங்கா சுகாதார அமைச்சுடன் மிக நெருக்கமாக நாம் மிக நெருக்கமாகப் பணியாற்றினோம். அவர்கள் வழங்கிய மிகப்பெரிய ஒத்துழைப்பு இன்றி இந்தப் பணிகளை எம்மால் வெற்றிகரமாக மேற்கொண்டிருக்க முடியாது. எதிர்காலத்தில் இப்படிப்பட்ட உதவிகள் தேவைப்பட்டால் இந்தியர்கள் அவற்றை வழங்குவதற்குத் தயாராக இருக்கிறார்கள். இடம்பெயர்ந்தவர்களை விரைவாக மீளக்குடியமர்த்துவதற்குத் தேவையான எல்லா உதவிகளையும் அனைத்து துறைகளிலும் வழங்குவதற்கு இந்தியா தொடர்ந்து வழங்கும்" என்றார் அலோக் பிரசாத்.

நிகழ்வில் கலந்துகொண்ட சுகாதாரத்துறை அமைச்சர் நிமல் சிறிபால டி சில்வா, மனிதாபிமான மீட்பு படை நடவடிக்கையின் முன்பும் பின்பும் இந்தியா வழங்கிய நட்பு ரீதியான உதவிகளுக்கு நன்றி தெரிவித்தார்.

இந்தியா தற்போது வழங்கிய உதவிகள் நேரம் அறிந்து செய்யப்பட்ட உதவி எனவும் மிக மிகத் தேவையாக இருந்த மருத்துவ உதவிகள் என்றும் அவர் குறிப்பிட்டார்.

"காங்கிரஸ் அரசு இந்தியாவில் மீண்டும் பதவிக்கு வந்தது குறித்தும் பொதுத் தேர்தலை அடுத்து உறுதியான ஒரு நிர்வாகத்தை ஏற்படுத்தி இருப்பதையிட்டும் நான் மிகவும் மகிழ்ச்சி அடைகின்றேன். உறுதியான இந்தியா தெற்காசியாவின் உறுதிநிலைத் தன்மைக்கான முன்நிபந்தனையாக இருக்கின்றது" என்றார் அமைச்சர்.

புதினம்

தமிழின அழிப்புக்கு துணை போன றோ முகவர்கள் குழு வொன்று பணி முடிந்து திரும்பிவிட்டார்கள் என்று சொல்லுங்கோ. மனநல மற்றும் உடலியல் ரீதியாகப் பாதிக்கப்பட்டவர்களுக்கு சிகிச்சை அளிக்கிற போர்வையில் மற்றொரு றோ குழுவினர் சிறிலங்காவுக்கு வரவுள்ளார்கள்.