வணக்கம்!

உடுப்பிட்டி அமெரிக்கன் கல்லூரி, உடுப்பிட்டி மகளிர் கல்லூரி பழைய மாணவ மாணவிகள் ஒன்றினைந்த சங்கத்தின் {கனடா கிளை} வருடாந்த பொதுக்கூட்டமும், நடப்பு வருடத்திற்கான நிர்வாக சபைத்தெரிவும் 23-05-2010 ஞாயிற்றுக்கிழமை அதாவது நேற்று மாலை 4.00 மணியளவில் 5310 Finch Ave East, Unit 37[ Markham & Finch] இல் அமைந்துள்ள பாரதி ஆர்ட்ஸ் மண்டபத்தில் கடந்தாண்டுக்கான நிர்வாகத் தலைவர் சு.பாலேந்திரன் தலைமையில் இடம்பெற்றது.

தாயக அவலங்களின்போது சிக்குண்டு உயிர்நீர்த்த உறவுகள், தாயக மீட்புக்காக வீரமரணமடைந்த போராளிகள், புலம்பெயர்ந்த நாடுகளின் உயிர்நீர்த்த அனைத்து உறவுகளுக்காகவும் ஓரிரு நிமிடங்கள் மெளன அஞ்சலி செலுத்தி இந்நிகழ்வு ஆரம்பமாகியது.

அதைத்தொடர்ந்து கடந்தாண்டு அறிக்கை, கடந்தாண்டு நிறைவேற்றிய திட்டங்கள், நிதியறிக்கை போன்றன வாசிக்கப்பட்டன.

இந்நிகழ்வின் சிறப்பம்சமாக பழைய மாணவர்சங்கத்தின் தாய்சங்கத்தின் தலைவர் திரு.க.சண்முகசுந்தரத்தின் உரை அதே அன்று ஒலிப்பதிவு செய்து ஒலிபரப்பப்பட்டன.

இவர் தனது உரையின்போது கனடா பழைய மாணவர் சங்கத்தினரால் நிறைவேற்றப்பட்ட திட்டங்கள், நிதிவிபரங்கள், நிறைவேற்ற வேண்டிய தேவைகள் உட்பட சங்க உறுப்பினருக்கு நன்றியையும் தெரிவித்தார்.

இதைத்தொடர்ந்து சபையோருக்கான கேள்வி பதிலுக்கு நேரம் கொடுக்கப்பட்டன. கேட்கப்பட்ட கேள்விகளுக்கு அண்மையில் தாயகம் சென்று வந்தவரும், கனடா பழைய மாணவர் சங்க ஆரம்பகர்த்தாக்களில் ஒருவரும், பல தடவை தலைவராகவுமிருந்த கலாநிதி த. வசந்தகுமார் அவர்கள் விபரமாகவும், பொறுமையாகவும் பதில்களை விளங்கினார்.

அதைத்தொடர்ந்து சிற்றுண்டி இடைவேளை விடப்பட்டு புதிய நிர்வாக சபை தெரிவு இடம்பெற்று, இதில் புதிய நிர்வாக சபைத்தலைவராக திருமதி வேலாயுதபிள்ளை மாலினி தெரிவு செய்யப்பட்டார். அதனைத்தொடர்ந்து எதிர்காலத்தில் செய்வேண்டிய திட்டங்கள் பற்றியும் கருத்துப்பரிமாறப்பட்டு நிகழ்வு நன்றியுரையுடன் நிறைவேறியது.

நன்றி,

தகவல்

மு.லிங்கம்.

நான் உடுப்பிட்டி மகளிர் கல்லூரி பழைய மாணவியாச்சே

ஓ அப்படியா?