கொழும்பு வெள்ளவத்தையில் தனது தாயிடம் 10 லட்சம் ரூபாவை கப்பமாக பெறமுயன்ற மகனும் அவரது நண்பர் 4 பேரும் நேற்று முன்தினம் கைதுசெய்யப்பட்டதாக வெள்ளவத்தை காவற்துறையினர் தெரிவித்துள்ளனர். தனது மகனை இரண்டு நாட்களாக காணவில்லை எனவும் அவரை மீட்க 10 லட்சம்ரூபாவை பெற்றுத் தருமாறு இனந்தெரியாத நபர் ஒருவர் தொலைபேசி ஊடாக அறிவித்தாக வெள்ளவத்தையை சேர்ந்த பெண்மணி ஒருவர் வெள்ளவத்தை காவற்துறையினரிடம் முறைப்பாடு செய்துள்ளார். இதனடிப்படையில் விரைந்து செயற்பட்ட காவற்துறையின் குற்றத்தடுப்பு பிரிவின் பொறுப்பதிகாரியும் உப காவற்துறை பரிசோதகருமான நளின் பிரியந்த தலைமையிலான காவற்துறை குழுவினர், மீண்டும் தொலைபேசி அழைப்பு கிடைத்தால், கப்ப பணத்தை 5 லட்சமாக குறைக்குமாறு குறித்த பெண்மணிக்கு ஆலோசனை வழங்கியுள்;ளனர்.

கப்ப பணத்தை 5 லட்சமாக குறைத்து கொண்ட பெண்மணி, காவற்துறை அறிவுரையின்படி கப்ப பணத்தை பெற்றுக்கொள்ள வெள்ளவத்தை ருத்ரா மாவத்தை வருமாறு சந்தேக நபரிடம் கூறியுள்ளார். கப்ப பணத்தை பெற்றுக்கொள்வதற்காக மோட்டார் சைக்களில் அங்கு வந்த நபரை, மறைத்திருந்த காவற்துறையினர் கைதுசெய்துள்ளனர். சந்தேக நபரிடம் மேற்கொள்ளப்பட்ட விசாரணைகளில், குறித்த பெண்மணியின் மகன் பாதுக்க பிரதேசத்தில் உள்ள விடுதியொன்றில் தங்கியிருந்தவாறு தனது தாயிடம் கப்பம் கோரியிருந்தமை தெரியவந்துள்ளது. இதனையடுத்து பாதுக்க பிரதேசத்தில் உள்ள விடுதிக்கு சென்ற காவற்துறையினர் பெண்மணியின் மகன் மற்றும் அவரது 3 நண்பர்களை கைதுசெய்துள்ளனர். இவர்கள் அனைவரும் 20 வயதுக்கும் 25 வயதுக்கும் இடைப்பட்டவர்கள் என காவற்துறையினர் தெரிவித்துள்ளனர்.

.

வெள்ளவத்தை என்றால்..... அனேகமாக தமிழ் ஆட்களாக இருக்கும்.

இனி அந்த தாயிடம் காசு பறிக்க ஒட்டுக்குழுக்களின் வெள்ளைவான் வாசல்லை வந்து நிற்கப்போகுது.

.