காதலின் திடீர் திருப்பங்களுக்காகவே உலகம் முழுதும் வாசிக்கப்பட்ட நேசிக்கப்பட்ட பெயர் டயானா. இந்தப் பெயர் தான் நயன்தாராவின் நிஜப் பெயர் என்பது கொஞ்சம் ஆச்சரியமாகத்தான் இருக்கிறது.

பிரபுதேவாவுடனான காதல் எபிசோடில் ஒவ்வொரு கட்டத்திலும் உருக வைத்துக் கொண்டிருக்கிறார் நயன். உலகத்தையே சுற்றி வந்த பிரபுதேவா - நயன்தாரா காதலுக்கு இப்போது பெரிய சோதனை.

பணச்சிக்கலில் பரிதவித்துக் கொண்டிருக்கிறது இந்த ஜோடி என்கிறார்கள்.

‘சல்மான்கானை வைத்து பிரபுதேவா ‘வாண்டட்’ படத்தை எடுத்து முடித்த பிறகு இருவரும் மலேசியாவில் தனிமைத் தீவு ஒன்றில் தங்கி காதல் வளர்த்தனர். வீட்டில் புயல் வீசிய நிலையிலும் தன் குடும்பத்தின் எல்லா தேவைகளையும் பொறுப்புடன் கவனித்துக் கொண்டார் பிரபுதேவா.

அதனால் அவருக்கான எல்லா செலவுகளையும் நயன் பார்த்துக் கொள்ள ஆரம்பித்தார்.தங்களுக்குக் கிளம்பிய எதிர்ப்புகளில் சென்னையிலோ, வேறெங்கிலுமோ தங்க முடியாத நிலையில் படப்பிடிப்பிற்காக ஃபாரீன் போன பிரபுவுடன் தானும் தங்கிக் கொண்டார்.ஷூட்டிங் நேரம் போக கிடைத்த இடைவெளியில் பிரபுதேவாவை அழைத்துக் கொண்டு பக்கத்து நாடுகளுக்கு பறந்து உலகை மறந்து உற்சாக வலம் வந்தார்.அதற்கான செலவுகளையெல்லாம் நயன்தான் கவனித்துக் கொண்டாராம்.

பிரபுதேவாவின் காஸ்ட்லி பொம்மையாகிப் போன நயன்,அவர் கைகாட்டிய படங்களை மட்டுமே ஒப்புக்கொண்டு நடித்தார்.

இதற்கிடையில் கையில் பிரபு என்று பச்சை குத்திக் கொண்டு பரபரப்பு கிளப்பியவர்,லேட்டஸ்ட்டாக முதுகில் இதயத்தை பச்சை குத்திக் கொண்டிருக்கிறார்.தன் தங்கக் கிளியோடு நிரந்தரமாக ஒரு இடத்தில் தங்க நினைத்த பிரபு,மனதுக்குப் பிடித்த வெளிநாட்டில் ஒரு நடனப் பள்ளியைத் துவக்க திட்டமிட்டு அதற்கான ஏற்பாடுகளில் ஈடுபட்டார். அப்போது பிரபுதேவாவே எதிர்பார்க்காத பெரிய தொகையை நடனப் பள்ளிக்காக கொடுத்து உதவினார் நயன்தாரா’ என்கிறது கோடம்பாக்கம் வட்டாரம்.

படங்கள் வெகுவாக குறைந்த நிலையில் தமிழில் பாஸ் (எ)பாஸ்கரன் படம் மட்டுமே நடித்துக்கொண்டிருக்கிறார் நயன்.ஆஸ்திரேலியாவில் ஆல்ப்ஸ் மலையில் நடந்த படப்பிடிப்பிற்காக யூனிட் முன்னே சென்று காத்திருக்க,நயன் பாரீஸ் சென்று நடனப் பள்ளிக்கான தொகையை பிரபுதேவாவிடம் கொடுத்துவிட்டு ஆஸ்திரேலியா வந்ததாகக் கூறப்படுகிறது. இந்தப் பெரிய முதலீடும், பிரபுவுடன் அடித்த காதல் டூரும் பேங்க் பேலன்ஸையும் கொஞ்சம் ஆட்டம் காண வைத்துவிட்டது என்கிறார்கள் நெருங்கிய நண்பர்கள்.

பிரபுதேவா இந்தியில் துவங்க இருந்த அடுத்த படமும் இழுபறியில் இருக்க, பணத் தேவைகளுக்காக நயன்தாராவுக்கு போட்ட தடைகளை மெல்ல விலக்க ஆரம்பித்தார் பிரபு.எத்தனை கோடி கொடுத்தாலும் விளம்பரப் படங்களில் நடிக்கமாட்டேன் என்ற நயன் இறங்கி வந்து தன்னை அணுகிய விளம்பர கம்பெனியிடம் பேசினார். ஆனாலும், தன் சம்பள விஷயத்தில் கறாராக இருந்தார். 2 நிமிட விளம்பரத்திற்கு 2 கோடி என்ற டீலுக்கு கம்பெனியும் சம்மதித்தது.இதையெல்லாம்விட தான் ஆசையாக வாங்கிய பி.எம்.டபிள்யூ காரை விற்கும் முடிவுக்கு வந்தார். ஷாக் ஆகி கேட்ட நண்பர்களுக்கு ‘கார் நிறைய செலவு வைக்குது’ என்று சமாளித்தார். மலையாளத்தில் தேர்ந்தெடுத்த கதாபாத்திரத்தில் மட்டுமே நடிக்கும் நயன், இப்போது 15 லட்சம் வாங்கிக்கொண்டு சின்ன ரோலில் நடிக்க சம்மதித்திருக்கிறார்.

இந்தியில் ஒரு பாட்டுக்கு மட்டும் ஆட நயனிடம் ஒரு கம்பெனி கேட்டிருக்கிறது. டான்ஸ் மாஸ்டராக பிரபுதேவா இருந்தால்தான் ஆடுவேன் என்று நயன் கண்டிஷன்(!) போட, கம்பெனியும் உடனே பிரபுவிடம் பேசி ஓ.கே. செய்திருக்கிறார்கள். ஒரே கல்லில் ரெண்டு மாங்கா அடித்த நயன் இதற்கு வாங்கிய தொகை பெரியதாம்.

‘இதையெல்லாம்விட நயன்தாரா செய்யப்போகும் இன்னொரு காரியம்தான் இருவரின் காதல் எத்தனை இறுக்கமானது என்பதைப் புரிந்துகொள்ளக்கூடியதாக இருக்கிறது’ என்கிறார் ஒரு சினிமா புள்ளி.

‘‘படம் முழுதும் அதகளப்படுத்தும் வில்லியாக ஒரு படத்தில் நடிக்க டபுள் ஃபேமண்டிற்கு ஒத்துக்கொண்டிருக்கிறார் நயன்தாரா என்று பேச்சு அடிபடுகிறது’’ என்கிறார் அவர். எல்லாம் பணத்திற்காகத்தான்.

மனசு காதலைச் சுமக்கும் வரை ‘மாமலையும் ஓர் கடுகு’தான் நயன்தாராவிற்கு..

நன்றி குமுதம்

இது சம்பந்தமான படங்களைப் பார்வையிட

http://www.thedipaar.com/cinema/cinema.php?id=4291

இவர் வில்லியா? கள்ளியா? ஒரே குழப்பமாக உள்ளது

ஜொள்ள வைக்கும் ஜெல்லி!