வெள்ளிக்கிழமை, 3, செப்டம்பர் 2010 (21:6 IST)

5 மீனவர்கள் மாயம்:இலங்கை கடற்படையினர் பிடித்து சென்றார்களா?

இலங்கை கடற்படையினரின் தொடர் தாக்குதலுக்கு ஆளாகி வந்த ராமேசுவரம் மீனவர்களின் பிரச்சனைகளை தீர்ப்பதற்காக கடந்த வாரம் இலங்கையிலிருந்து மீனவர் சங்க பிரதிநிதிகள் தமிழகம் வந்திருந்தனர்.

அவர்கள் ராமேசுவரம், நாகப்பட்டிணம், தஞ்சை ஆகிய பகுதிகளுக்கு சென்று மீனவர்களின் பிரச்சனைகள் குறித்து கேட்டறிந்தனர்.

பின்னர் சென்னையில் நடந்த கூட்டத்தில் பங்கீடு முறையில் கச்சத்தீவு பகுதியில் மீன்பிடிப்பது தொடர்பாக பேச்சுவார்த்தை நடத்தினர்.

வரும் காலங்களில் இலங்கை கடற்படையினர் மற்றும் இலங்கை மீனவர்களால் தமிழக மீனவர்களுக்கு எந்தவித தொல்லையும் இருக்காது எனவும் உறுதி கூறப்பட்டது.

இதைத் தொடர்ந்து 14 நாள் வேலை நிறுத்தத்தில் ஈடுபட்டிருந்த ராமேசுவரம் மீனவர்கள் கடந்த வாரம் மீண்டும் கடலுக்கு சென்றனர். அப்போது இலங்கை கடற்படையினரின் தொல்லையின்றி மீன் பிடித்துக் கொண்டு கரை திரும்பினர்.

நேற்று முன்தினம் சுமார் 500-க்கும் மேற்பட்ட விசைப்படகுகளில் மீன்துறை இயக்குநரின் அனுமதியுடன் டோக்கன் பெற்று கடலுக்குள் மீன்பிடிக்க சென்றனர்.கடலுக்குள் சென்ற மற்ற படகுகள் அனைத்தும் நேற்று காலை கரை திரும்பின.

ஆனால் சூசை அடைக்கலத்திற்கு சொந்தமான விசைப்படகு மட்டும் தற்போது வரை கரை திரும்ப வில்லை. அதில் மீன்பிடிக்க சென்ற 5 மீனவர்களும் என்ன ஆனார்கள்? என்று தெரியவில்லை.

நடுக்கடலில் என்ஜின் பழுதானதால் 5 மீனவர்களும் கரை திரும்ப முடியாமல் தவிக்கிறார்களா? அல்லது இலங்கை கடற்படையினர் அவர்களை பிடித்து சென்றார்களா? என்பது புதிராக உள்ளது. இன்று காலை வரை மீனவர்கள் 5 பேரும் கரை திரும்பாததால் மற்ற மீனவர்கள் அவர்களை தேடி மீன்துறை அனுமதியுடன் 2 விசைப்படகுகளில் மீட்பு குழுவினருடன் கடலுக்குள் சென்றுள்ளனர்.

nakkheeran

சிங்களவன் சொல்வதொண்டு செய்வதொண்டு.

ஆக, அஞ்சு தமிழ் மீனவர் தானே......

காணாமல் போச்சுது.....

கருணாவின் கணக்கு கொப்பியில்,

எழுதி வைச்சால் போச்சுது.